ހުޅުމާލޭ ފޭސް 2 ގައި އަލަށް ހުޅުވި "ޝަހީދު އަލީ ސްކޫލާ" ގުޅުވައިގެން ރައީސް ޑރ. މުޙައްމަދު މުޢިއްޒުގެ ސަރުކާރުން ކްރެޑިޓް ނަގަން އުޅުމުން އާންމުންގެ ބޮޑެތި ފާޑުކިޔުންތައް މިވަނީ އަމާޒުވެފައެވެ. އޮޅުނަސް އޮޅުވާލަން އުޅުނަސް، މިކަން މިއީ އޮޅޭވަރުގެ ކަމެއް ނޫން ކަމަށް ބުނާމީހުން އެބުނަނީ ސަބަބުތަކެއް ނެތިއެއް ނޫނެވެ.
ދިރާސީ އާ އަހަރު ފެށުމާ ދިމާކޮށް ބޮޑު ރަސްމިއްޔާތެއް ބާއްވައި، މިއީ މި ސަރުކާރުން އެޅި ފުރަތަމަ ސްކޫލު ކަމަށް ދައްކަން ސަރުކާރުން ބުރަ މަސައްކަތްތަކެއް ކުރި ނަމަވެސް، ހަގީގަތް އެނގޭ މީހުން ދަނީ ސޯޝަލް މީޑިއާގައި އެކަމުގެ އަސްލު ހާމަކުރަމުންނެވެ.
ސަރުކާރުގެ ޕްރޮމޯޝަން ޓީމުތަކުން މި ސްކޫލަކީ މުޢިއްޒު ސަރުކާރުގެ ބޮޑު ކާމިޔާބީއެއްގެ ގޮތުގައި ސިފަކުރަމުން ދަނިކޮށް، ގިނަ ބަޔަކު ވަނީ މިއީ ކުރީގެ ރައީސް އިބްރާހީމް މުޙައްމަދު ޞާލިޙުގެ ސަރުކާރުން ފަށާފައިވާ މަޝްރޫޢެއްކަން ހަނދާންކޮށްދީފައެވެ.
މި މަޝްރޫޢުގެ ހަގީގަތަށް ބަލާއިރު، ޝަހީދު އަލީ ސްކޫލަކީ 2021 ވަނަ އަހަރުގެ ޖުލައި މަހުގެ 21 ވަނަ ދުވަހު އާރުސީސީ އާ ހަވާލުކޮށްގެން ކުރިއަށް ގެންދިޔަ މަޝްރޫޢެކެވެ.
ޖުމްލަ 243 މިލިއަނަށް ވުރެ ގިނަ ރުފިޔާ ޚަރަދުކޮށްގެން، ކޮންޓްރެކްޓަރ ފައިނޭންސްގެ އުސޫލުން ފަސް އަހަރަށް ބަހާލައިގެން ފައިސާ ދައްކާ ގޮތަށް ހަވާލުކުރި މި މަޝްރޫޢުގެ ބޮޑު ބައި ނިމިފައިވަނިކޮށް، ރައީސް މުޢިއްޒު ވަނީ 2023 ގެ ޑިސެމްބަރު މަހު އެތަނުގައި އަލުން "ބިންގާ" އަޅުއްވާފައެވެ. އާންމުން ބުނާ ގޮތުގައި، އިމާރާތުގެ މަސައްކަތް ބާރު ސްޕީޑުގައި ހިނގަމުން ދަނިކޮށް ރަމްޒީ ބިންގަލެއް އަޅައި، މިއީ މުޅިން އާ މަޝްރޫޢެއްގެ ގޮތުގައި ދެއްކުމަކީ ރައްޔިތުންނަށް އޮޅުވާލުމެކެވެ.
އެޑިއުކޭޝަން މިނިސްޓަރު ޑރ. އިސްމާޢީލް ޝަފީޢު މި ރަސްމިއްޔާތުގައި ވާހަކަދައްކަވަމުން، ކުރީ ސަރުކާރަށް ސްކޫލެއް ނޭޅުނު ކަމަށް ވިދާޅުވެ ފާޑުވިދާޅުވުމުން މަސްރަހު އިތުރަށް ހޫނުވިއެވެ. ކުރީގެ ސަރުކާރުން އެޅި "ސަލާހުއްދީން ސްކޫލު" ފަދަ ތަންތަނަށް "ޓިނު ސްކޫލު" ކިޔައި މަލާމާތް ކުރި ނަމަވެސް، ހަގީގަތަކީ މިހާރު ހުޅުވި ޝަހީދު އަލީ ސްކޫލަކީ ވެސް ހަމަ އެ ޕްލޭންގެ ދަށުން ބިނާކުރި ތަނެއް ކަމެވެ. ގިނަ ރައްޔިތުން ފާހަގަކުރާ ގޮތުގައި، ސަރުކާރުން ކްރެޑިޓް ނަގަން އުޅުނު "ގާބިހުގެ" އަސްލު ފަޅާއެރުމުން، މިހާރު ފެންނަނީ ސަރުކާރު ބޮޑުތަނުން ލަދުގަނެފައިވާ މަންޒަރެވެ.
މީގެ އިތުރުން، އަތޮޅުތެރޭގެ ރަށްރަށުގައި ކުރީ ސަރުކާރުން ފަށާފައިވާ އެތައް މަޝްރޫޢެއް މި ސަރުކާރުން ހުއްޓުވާފައިވާ ކަމުގެ ޝަކުވާތައް ވެސް ވަނީ ފެންމަތިވެފައެވެ. ކްލާސްރޫމްތަކާއި، ލެބޯޓްރީތަކާއި، މަލްޓިޕާޕަސް ހޯލްތަކުގެ މަސައްކަތް ހުއްޓި، ތަންތަން ދަބަރަށް ވަމުންދާއިރު، ހަމައެކަނި ކުރީ ސަރުކާރުގެ ނިމިފައިވާ މަޝްރޫޢުތަކުގައި ރިބަން ކެނޑުމަކީ ސަރުކާރުގެ ނާގާބިލުކަން ހާމަވާ ކަމެއް ކަމަށް އިދިކޮޅު ފަރާތްތަކުންނާއި އާންމުން ދަނީ ބުނަމުންނެވެ.
ސަރުކާރުގެ ޕްރޮމޯޝަން ޓީމުތަކުން މި ސްކޫލަކީ މުޢިއްޒު ސަރުކާރުގެ ބޮޑު ކާމިޔާބީއެއްގެ ގޮތުގައި ސިފަކުރަމުން ދަނިކޮށް، ގިނަ ބަޔަކު ވަނީ މިއީ ކުރީގެ ރައީސް އިބްރާހީމް މުޙައްމަދު ޞާލިޙުގެ ސަރުކާރުން ފަށާފައިވާ މަޝްރޫޢެއްކަން ހަނދާންކޮށްދީފައެވެ.
މި މަޝްރޫޢުގެ ހަގީގަތަށް ބަލާއިރު، ޝަހީދު އަލީ ސްކޫލަކީ 2021 ވަނަ އަހަރުގެ ޖުލައި މަހުގެ 21 ވަނަ ދުވަހު އާރުސީސީ އާ ހަވާލުކޮށްގެން ކުރިއަށް ގެންދިޔަ މަޝްރޫޢެކެވެ.
ޖުމްލަ 243 މިލިއަނަށް ވުރެ ގިނަ ރުފިޔާ ޚަރަދުކޮށްގެން، ކޮންޓްރެކްޓަރ ފައިނޭންސްގެ އުސޫލުން ފަސް އަހަރަށް ބަހާލައިގެން ފައިސާ ދައްކާ ގޮތަށް ހަވާލުކުރި މި މަޝްރޫޢުގެ ބޮޑު ބައި ނިމިފައިވަނިކޮށް، ރައީސް މުޢިއްޒު ވަނީ 2023 ގެ ޑިސެމްބަރު މަހު އެތަނުގައި އަލުން "ބިންގާ" އަޅުއްވާފައެވެ. އާންމުން ބުނާ ގޮތުގައި، އިމާރާތުގެ މަސައްކަތް ބާރު ސްޕީޑުގައި ހިނގަމުން ދަނިކޮށް ރަމްޒީ ބިންގަލެއް އަޅައި، މިއީ މުޅިން އާ މަޝްރޫޢެއްގެ ގޮތުގައި ދެއްކުމަކީ ރައްޔިތުންނަށް އޮޅުވާލުމެކެވެ.
މީގެ އިތުރުން، އަތޮޅުތެރޭގެ ރަށްރަށުގައި ކުރީ ސަރުކާރުން ފަށާފައިވާ އެތައް މަޝްރޫޢެއް މި ސަރުކާރުން ހުއްޓުވާފައިވާ ކަމުގެ ޝަކުވާތައް ވެސް ވަނީ ފެންމަތިވެފައެވެ. ކްލާސްރޫމްތަކާއި، ލެބޯޓްރީތަކާއި، މަލްޓިޕާޕަސް ހޯލްތަކުގެ މަސައްކަތް ހުއްޓި، ތަންތަން ދަބަރަށް ވަމުންދާއިރު، ހަމައެކަނި ކުރީ ސަރުކާރުގެ ނިމިފައިވާ މަޝްރޫޢުތަކުގައި ރިބަން ކެނޑުމަކީ ސަރުކާރުގެ ނާގާބިލުކަން ހާމަވާ ކަމެއް ކަމަށް އިދިކޮޅު ފަރާތްތަކުންނާއި އާންމުން ދަނީ ބުނަމުންނެވެ.
ކިޔުންތެރިންގެ ހިޔާލު