އެމްޑީޕީ ސަރުކާރުން ހިންގި "ގެދޮރުވެރިޔާ" މަޝްރޫއުގެ ދަށުން ފްލެޓް ލިބުނު ފަރާތްތަކާއެކު ފަހި ދިރިއުޅުން ކޯޕަރޭޝަން (އެފްޑީސީ) އިން ވެފައިވާ ރަސްމީ އެއްބަސްވުންތައް ބާތިލުކުރަން ފެށުމާއެކު، ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅުތަކާ މެދު އާންމުން ނިކަމެތި ރައްޔިތުންގެ މެދުގައި ހުރި ކަންބޮޑުވުންތައް އިންތިހާއަށް އިތުރުވެ ސުވާލުތަކެއް އުފެދިއްޖެއެވެ.
ވެރިކަމަށް ވަޑައިގަތުމުގެ ކެމްޕޭނު ތެރޭގައާއި، ވެރިކަމާ ހަވާލުވެވަޑައިގަތުމަށްފަހު ވެސް ރައީސް ތަކުރާރުކޮށް ވިދާޅުވަމުން ގެންދެވީ، ކުރީ ސަރުކާރުން ދީފައިވާ އެއްވެސް ފްލެޓެއް ނުވަތަ ގޯއްޗެއް އަތުނުލައްވާނެ ކަމަށެވެ. އަދި ސަރުކާރުން މީހަކަށް އެ ފަދަ އެއްޗެއް ދީ ގެޒެޓް ކޮށްފައިވާ ނަމަ ބަލާނީ އެ މީހަކަށް އެއެއްޗެއް ލިބުނީ ކަމަށް ރައީސް ވިދާޅުވެފައި އޮތް އޮތުމަށް މިހާރު ފެންނަމުންދާ މަންޒަރާ ދިމާނުވާތީ އާންމުން ދަނީ ކަންބޮޑުވުން ފާޅުކުރަމުންނެވެ.
"ރަސް" އަށް އެނގިފައިވާ ގޮތުގައި އެފްޑީސީން ފްލެޓް ލިބުނު ފަރާތްތަކަށް ފޮނުވަމުންދާ ސިޓީތަކުގައި ބުނެފައިވަނީ، އެ ފަރާތްތަކަކީ ފްލެޓް ދޫކުރުމުގެ ޝަރުތު ފުރިހަމަވާ ފަރާތްތަކެއް ނޫން ކަމަށް ހައުސިންގ މިނިސްޓްރީން އަންގާފައިވާ ކަމަށެވެ. އެހެންކަމުން، ކުރިން ސޮއިކޮށްފައިވާ "ފަހި ދިރިއުޅުން ކޯޕަރޭޝަން ލިމިޓެޑުން އިމާރާތް ކުރާ ފްލެޓް ކަނޑައަޅާ އެއްބަސްވުން" އަކީ މިހާރު ބާތިލު އެއްބަސްވުމެއް ކަމަށް ވަނީ ކަނޑައަޅާފައެވެ.
މިއީ ސީދާ ރައީސްގެ ވައުދާ ޚިލާފަށް ހިންގާ އަމަލެއްގެ ގޮތުގައި ފާހަގަކުރަމުން، ފްލެޓް ލިބުނު ފަރާތްތަކުން ބުނަނީ މިއީ ރައްޔިތުންގެ މުދަލަށް އަރައިގަތުން ކަމަށެވެ.
މައުލޫމާތު ލިބިފައިވާ ގޮތުގައި، މިގޮތަށް އެއްބަސްވުން ހަދާފައިވާ 400 އެއްހާ ފަރާތެއްގެ ފްލެޓް ކެންސަލް ކުރުމުގެ މަސައްކަތް ސަރުކާރުން ދަނީ ކުރަމުންނެވެ.
މީގެ ކުރިން ވެސް އެންޓި-ކޮރަޕްޝަން ކޮމިޝަން (އޭސީސީ) ގެ ތަހުގީގަށް ރިއާޔަތްކޮށް، ލިސްޓަށް ބަދަލު ގެންނާނެ ކަމުގެ އިޝާރާތްތަކެއް ސަރުކާރުން ދީފައިވީ ނަމަވެސް، ރަސްމީ އެއްބަސްވުމުގައި ސޮއިކޮށްފައިވާ ފަރާތްތަކުގެ ހައްގުތައް ގެއްލިގެންދިއުމަކީ ގާނޫނީ ގޮތުން ވެސް ބޮޑެތި ގޮންޖެހުންތަކެއް ކުރިމަތިވާނެ ކަމެކެވެ.
ރައްޔިތުންނަށް ލިބިފައިވާ ގާނޫނީ ރައްކާތެރިކަން ގެއްލި، ބޯހިޔާވަހިކަމުގެ އުންމީދުގައި ތިބި އެތައް އާއިލާއަކަށް މިއަދު މިވަނީ ނާއުންމީދާ ކުރިމަތިލާންޖެހިފައެވެ.
"ރަސް" އަށް އެނގިފައިވާ ގޮތުގައި އެފްޑީސީން ފްލެޓް ލިބުނު ފަރާތްތަކަށް ފޮނުވަމުންދާ ސިޓީތަކުގައި ބުނެފައިވަނީ، އެ ފަރާތްތަކަކީ ފްލެޓް ދޫކުރުމުގެ ޝަރުތު ފުރިހަމަވާ ފަރާތްތަކެއް ނޫން ކަމަށް ހައުސިންގ މިނިސްޓްރީން އަންގާފައިވާ ކަމަށެވެ. އެހެންކަމުން، ކުރިން ސޮއިކޮށްފައިވާ "ފަހި ދިރިއުޅުން ކޯޕަރޭޝަން ލިމިޓެޑުން އިމާރާތް ކުރާ ފްލެޓް ކަނޑައަޅާ އެއްބަސްވުން" އަކީ މިހާރު ބާތިލު އެއްބަސްވުމެއް ކަމަށް ވަނީ ކަނޑައަޅާފައެވެ.
މިއީ ސީދާ ރައީސްގެ ވައުދާ ޚިލާފަށް ހިންގާ އަމަލެއްގެ ގޮތުގައި ފާހަގަކުރަމުން، ފްލެޓް ލިބުނު ފަރާތްތަކުން ބުނަނީ މިއީ ރައްޔިތުންގެ މުދަލަށް އަރައިގަތުން ކަމަށެވެ.
މައުލޫމާތު ލިބިފައިވާ ގޮތުގައި، މިގޮތަށް އެއްބަސްވުން ހަދާފައިވާ 400 އެއްހާ ފަރާތެއްގެ ފްލެޓް ކެންސަލް ކުރުމުގެ މަސައްކަތް ސަރުކާރުން ދަނީ ކުރަމުންނެވެ.
ރައްޔިތުންނަށް ލިބިފައިވާ ގާނޫނީ ރައްކާތެރިކަން ގެއްލި، ބޯހިޔާވަހިކަމުގެ އުންމީދުގައި ތިބި އެތައް އާއިލާއަކަށް މިއަދު މިވަނީ ނާއުންމީދާ ކުރިމަތިލާންޖެހިފައެވެ.
ކިޔުންތެރިންގެ ހިޔާލު