ސިޔާސީ ވެރިންގެ މަސައްކަތްތަކާއި ރަށުގެ ތަރައްޤީއާ މެދު ފުންކޮށް ނުވިސްނާ ބަޔަކަށް ސިޔާސީ ގޮތުން ލިބޭ ކޮޅުކެހި މާ އަވަސްވާނެ ކަމަށް ވެލިދޫ ދާއިރާގެ މެންބަރު މުޙައްމަދު އައްބާސް ވިދާޅުވެއްޖެއެވެ.
މީސްމީޑިއާގައި ރޭ، ނ. ވެލިދޫގެ ތަރައްޤީގެ މަޝްރޫޢުތަކާ ގުޅޭގޮތުން ވާހަކަ ދައްކަވަމުން އައްބާސް ވިދާޅުވީ، ރައީސް ޞާލިޙްގެ ސަރުކާރުން ފަށާފައިވާ ވެލިދޫ ޖޫނިއަރ ކޮލެޖުގެ މަސައްކަތް ނުނިމި ވަރަށް ބޮޑަށް ލަސްވެފައިވާ ކަމަށެވެ. އެގޮތުން އޭނާ ވިދާޅުވީ 25 މީހުން ތިބެގެން ދެ އަހަރު ދުވަހުން ރާނާ ހިޔާކޮށްލެވުނީމާ އެއީ ރައްޔިތުން ޤަބޫލުކުރާ ތަރައްޤީތޯ ސުވާލު އުފެދޭ ކަމަށެވެ. އަދި އެއީ ރައްޔިތުންގެ ޓެކުސް ފައިސާ އިސްރާފު ކުރުން ކަމަށްވެސް އޭނާ ސިފަކުރެއްވިއެވެ.
"ދެ އަހަރު ތެރޭގައި އިމާރާތެއްގެ ފައުންޑޭޝަން އަޅާފައި ތަބުކޮޅު ޖަހާފައި ހުރުމުން އެއީތޯ ރައްޔިތުން ބޭނުންވާ ތަރައްޤީއަކީ؟ ރައްޔިތުންގެ ޓެކުސް ފައިސާއިން ކެއުންބުއިމާއި މުސާރަ ދީފައި އެއް އަހަރުން ނިމޭނެ ކަމެއް ތިން އަހަރު ނުވަތަ ފަސް އަހަރުން ނިންމީމާ އެއީ ދައުލަތަށް ލިބޭ ބޮޑު ގެއްލުމެއް." އައްބާސް ވިދާޅުވިއެވެ.
ވެލިދޫގެ މަގު ހެދުމުގެ މަޝްރޫޢަށް އަލިއަޅުވާލަމުން އައްބާސް ވިދާޅުވީ، މަގުތައް ޒަމާނީ ފެންވަރަށް ހަދަން ފެށިތާ ހަ އަހަރު ވެގެންދިޔައިރު، އެންމެ މަގެއްވެސް ލެވެލްކޮށް ހަދާ ނުނިމުމަކީ ރައްޔިތުން އެދޭ ތަރައްޤީގެ ސްޕީޑު ނޫން ކަމަށެވެ. މީގެ އިތުރުން ނ. ފޮއްދޫ އާއި ނ. ޅޮހީގައިވެސް މި ސަރުކާރު އައިފަހުން އެއްވެސް މަޝްރޫޢެއް ބާރު ސްޕީޑުގައި ކުރިއަށް ނުދާ ކަމަށާއި، ހުރިހާ ކަމެއް އޮތީ "ތަޅުވަތަޅުވާ" ކަމަށް އޭނާ ވިދާޅުވެފައިވެއެވެ.
"ސިޔާސީ އެދުމަށް ރަށުވަންތަ ވަތަނީ ރޫހް ނެތް އަމިއްލަ އެދުމައިގެން އުޅޭ ނ. ވެލިދޫ ގެ މަދު ބަޔަކު މިއަދު ސޯޝަލް މީޑިއާގައި އުޅެމުންދާ ގޮތުން ހިނިއަންނަނީ!" އައްބާސް ވިދާޅުވިއެވެ.
އިންތިޚާބުތަކާ ދިމާކޮށް ރައްޔިތުންނަށް ދަޅަ ދެއްކުމުގެ ސަގާފަތެއް އޮތްކަން ފާހަގަކުރައްވަމުން އައްބާސް ވިދާޅުވީ، ވޯޓުގެ ބޭނުމުގައި ރަށަށް އެތިކޮޅެއް އަރުވާފައި އިންތިޚާބު ނިމުމުން މަސައްކަތް ހުއްޓޭނެ ކަމަށާއި، މިއީ މުޅި ރާއްޖޭގެ މިއަދުގެ ހާލަތު ކަމަށެވެ. އަދި ވެލިދޫގެ ވީރާނާވެފައިވާ ތަރައްޤީއާމެދު ނުވިސްނާ، ހަމައެކަނި ސީއެމްބިއުލާންސާއި ސީޕްލޭން ދަތުރުތަކުން ފުދިގެން ތިބުމަކީ ޙައްޤު މިންވަރު ކަމަށް ޤަބޫލުކޮށްގެން ނުވާނެ ކަމަށް އޭނާ ވަނީ ވިދާޅުވެފައެެވެ.
"ވެލިދޫގެ އެންމެ މަގެއް ހަދާ ނިމުނުތޯ؟ ހޮސްޕިޓަލް މަސައްކަތް ކުރިއަށް ދޭތޯ؟ ޑިޓޮކްސް ސެންޓަރާއި ޕޮލިސް ޕޯސްޓް، ޖޫނިއަރ ކޮލެޖް، ކުޑަކުދިންގެ ޕާކް، އަދި އައުޓްޑޯ ޖިމްގެ މަސައްކަތް ނިމިއްޖެތޯ؟" އައްބާސް ސުވާލު އުފެއްދެވިއެވެ.
އައްބާސްގެ މެސެޖް ނިންމާލަމުން ވިދާޅުވީ، ނިމިދިޔަ ސަރުކާރުން ފަށާފައި ހުރި ހަތަރު ކުލާސްރޫމް ނިމުމުން އެއީ ރަށުގެ ތަރައްޤީ ނިމުނީ ކަމަށް ބަލައިގެން ނުވާނެ ކަމަށާއި، އަމިއްލަ އެދުމައިގެން އުޅުމުގެ ބަދަލުގައި ރަށުވަންތަ ވަތަނީ ރޫޙެއްގައި ތަރައްޤީއާ މެދު ވިސްނަން ޖެހޭ ކަމަށެވެ.
"ދެ އަހަރު ތެރޭގައި އިމާރާތެއްގެ ފައުންޑޭޝަން އަޅާފައި ތަބުކޮޅު ޖަހާފައި ހުރުމުން އެއީތޯ ރައްޔިތުން ބޭނުންވާ ތަރައްޤީއަކީ؟ ރައްޔިތުންގެ ޓެކުސް ފައިސާއިން ކެއުންބުއިމާއި މުސާރަ ދީފައި އެއް އަހަރުން ނިމޭނެ ކަމެއް ތިން އަހަރު ނުވަތަ ފަސް އަހަރުން ނިންމީމާ އެއީ ދައުލަތަށް ލިބޭ ބޮޑު ގެއްލުމެއް." އައްބާސް ވިދާޅުވިއެވެ.
ވެލިދޫގެ މަގު ހެދުމުގެ މަޝްރޫޢަށް އަލިއަޅުވާލަމުން އައްބާސް ވިދާޅުވީ، މަގުތައް ޒަމާނީ ފެންވަރަށް ހަދަން ފެށިތާ ހަ އަހަރު ވެގެންދިޔައިރު، އެންމެ މަގެއްވެސް ލެވެލްކޮށް ހަދާ ނުނިމުމަކީ ރައްޔިތުން އެދޭ ތަރައްޤީގެ ސްޕީޑު ނޫން ކަމަށެވެ. މީގެ އިތުރުން ނ. ފޮއްދޫ އާއި ނ. ޅޮހީގައިވެސް މި ސަރުކާރު އައިފަހުން އެއްވެސް މަޝްރޫޢެއް ބާރު ސްޕީޑުގައި ކުރިއަށް ނުދާ ކަމަށާއި، ހުރިހާ ކަމެއް އޮތީ "ތަޅުވަތަޅުވާ" ކަމަށް އޭނާ ވިދާޅުވެފައިވެއެވެ.
"ސިޔާސީ އެދުމަށް ރަށުވަންތަ ވަތަނީ ރޫހް ނެތް އަމިއްލަ އެދުމައިގެން އުޅޭ ނ. ވެލިދޫ ގެ މަދު ބަޔަކު މިއަދު ސޯޝަލް މީޑިއާގައި އުޅެމުންދާ ގޮތުން ހިނިއަންނަނީ!" އައްބާސް ވިދާޅުވިއެވެ.
އިންތިޚާބުތަކާ ދިމާކޮށް ރައްޔިތުންނަށް ދަޅަ ދެއްކުމުގެ ސަގާފަތެއް އޮތްކަން ފާހަގަކުރައްވަމުން އައްބާސް ވިދާޅުވީ، ވޯޓުގެ ބޭނުމުގައި ރަށަށް އެތިކޮޅެއް އަރުވާފައި އިންތިޚާބު ނިމުމުން މަސައްކަތް ހުއްޓޭނެ ކަމަށާއި، މިއީ މުޅި ރާއްޖޭގެ މިއަދުގެ ހާލަތު ކަމަށެވެ. އަދި ވެލިދޫގެ ވީރާނާވެފައިވާ ތަރައްޤީއާމެދު ނުވިސްނާ، ހަމައެކަނި ސީއެމްބިއުލާންސާއި ސީޕްލޭން ދަތުރުތަކުން ފުދިގެން ތިބުމަކީ ޙައްޤު މިންވަރު ކަމަށް ޤަބޫލުކޮށްގެން ނުވާނެ ކަމަށް އޭނާ ވަނީ ވިދާޅުވެފައެެވެ.
އައްބާސްގެ މެސެޖް ނިންމާލަމުން ވިދާޅުވީ، ނިމިދިޔަ ސަރުކާރުން ފަށާފައި ހުރި ހަތަރު ކުލާސްރޫމް ނިމުމުން އެއީ ރަށުގެ ތަރައްޤީ ނިމުނީ ކަމަށް ބަލައިގެން ނުވާނެ ކަމަށާއި، އަމިއްލަ އެދުމައިގެން އުޅުމުގެ ބަދަލުގައި ރަށުވަންތަ ވަތަނީ ރޫޙެއްގައި ތަރައްޤީއާ މެދު ވިސްނަން ޖެހޭ ކަމަށެވެ.
ކިޔުންތެރިންގެ ހިޔާލު