މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) ގެ އިސް ވެރިޔާގެ މަޤާމުން ވަކިކުރި އިސްމާޢީލް ސާޖިދު، އޭނާއާ ދެކޮޅަށް އުފުލި ޖިންސީ ފުރައްސާރައިގެ ތުހުމަތުތަކަކީ އަސާސެއް ނެތް ދޮގު ވާހަކަތަކެއް ކަމަށް ވިދާޅުވެ އެތުހުމަތުތަކަށް އިންކާރު ކުރަށްވައިފިއެވެ.
މީސްމީޑިއާގައި ސާޖިދު މިއަދު ޢާއްމު ކުރެއްވި ބަޔާނެއްގައި ވިދާޅުވީ، އޭނާއާ ދެކޮޅަށް އެމްއެމްއޭގެ ޖިންސީ ފުރައްސާރައިގެ މައްސަލަ ބަލާ ކޮމިޓީއަށް ހުށަހެޅި މައްސަލަ ނިންމާފައިވަނީ ކަނޑައެޅިގެން ދޮގު މަޢުލޫމާތުތަކެއްގެ މައްޗަށް ބިނާކޮށް ކަމަށެވެ. އަދި އެ މައްސަލަ ހުށަހެޅި ފަރާތުން ދޮގު ހަދާފައިވާކަން ސާބިތު ކޮށްދިނުމަށް ގިނަ ކިތާބީ ހެކިތަކެއް ހުށަހެޅި ނަމަވެސް، ކޮމިޓީން އެ ހެކިތަކަށް އެއްވެސް މިންވަރަކަށް ރިޢާޔަތްކޮށްފައި ނުވާކަން އޭނާ ފާހަގަކުރެއްވިއެވެ.
މި މައްސަލަ އުފެދެން ދިމާވި އަސްލު ސަބަބާ ގުޅޭގޮތުން ސާޖިދު ވިދާޅުވީ، އެފްއައިޔޫގެ މުވައްޒަފެއްގެ ވަޒީފާގެ މަސްއޫލިއްޔަތުން ބޭރުން ކޮށްގެން ނުވާނެ ކަންތައްތަކެއް މުވައްޒަފަކު ކުރުމުން، އެ މުވައްޒަފާމެދު އިދާރީ ގޮތުން ފިޔަވަޅު އެޅުމަކީ މިއަދު އޭނާއަށް މި އަނިޔާ ލިބުމުގެ މައިގަނޑު އަސާސް ކަމަށެވެ.
"ފުރައްސާރަ ކުރި ކަމަށް ބުނާ ދުވަހާއި މައްސަލަ ހުށަހެޅި ދުވަހާ ދެމެދު 39 ދުވަސް ހިނގާފައިވޭ. މި މުއްދަތުގެ ތެރޭގައި ހިނގާފައިވާ ކަންކަން އިދާރާގެ ލިޔެކިޔުންތަކުން ސާފުވާން ހުރިއިރު، ކޮމިޓީން މިކަންކަން ރަނގަޅަށް ބެލިނަމަ މި މައްސަލަ ހުށަހެޅުމުގެ ފަހަތުގައިވާ އަސްލު މަޤްޞަދު ސާފުވީސް." ސާޖިދު ވިދާޅުވިއެވެ.
އޭގެއިތުރުން ކަންބޮޑުވުމާއެކު ސާޖިދު ވިދާޅުވީ، މި ނިންމުމުގެ ސަބަބުން އެމްއެމްއޭގައި މަސައްކަތްކުރާ ވެރިންނާމެދު ހިތްހަމަނުޖެހޭ ކޮންމެ މުވައްޒަފަކަށްވެސް، ފުރައްސާރައިގެ ދޮގު މައްސަލައެއް އުފައްދައިގެން ވެރިންގެ މަޤާމު ގެއްލުވާލުމުގެ ނުރައްކާތެރި ފުރުޞަތެއް މިވަނީ ހުޅުވިފައި ކަމަށެވެ.
ހަމައެއާއެކު، މައްސަލައިގެ ތަފްޞީލް އޭނާއަށް ލިބުމުގެ ކުރިން މީޑިޔާތަކަށް އެ މަޢުލޫމާތު އެމްއެމްއޭގެ ތެރެއިން ފޯރުކޮށްދީފައިވާކަމަށް ތުހުމަތު ކުރަށްވައި ސާޖިދު ވިދާޅުވީ، މިއީ އޭނާގެ އަބުރު ކަތިލުމަށް ހިންގާފައިވާ ރޭވުންތެރި އަމަލެއް ކަމަށެވެ. އަދި އެމްއެމްއޭގައި މުވައްޒަފުންގެ މަޢުލޫމާތު ރައްކާތެރިކުރާނެ ހަރުދަނާ އުޞޫލެއް ނެތްކަން މީގެން ހާމަވާކަމަށްވެސް އޭނާ ވިދާޅުވިއެވެ.
"އަޅުގަނޑު އެ މަޤާމުގައި ހުރުމުން އުނދަގޫވާ ފަރާތެއް ހުރިނަމަ، ވަޒީފާއިން ވަކިވާން ސީދާ ބުނި ނަމަވެސް ރީތި ގޮތުގައި އެކަން ކުރެވުނީހެވެ. މީހެއްގެ އަބުރު ކަތިލުމުގެ ބޭނުމެއް ނެތް." ސާޖިދު ވިދާޅުވިއެވެ.
ސާޖިދު ބަޔާން ނިންމަވާލައްވަމުން ވިދާޅުވީ، އޭނާއާމެދު އަޅާފައިވާ ފިޔަވަޅަކީ ޤާނޫނީ ހަމަތަކުގެ މަތިން އަޅާފައިވާ ފިޔަވަޅެއް ނޫންކަން މައްސަލައިގެ ތަފްޞީލު އެނގޭ ކޮންމެ މީހަކަށްވެސް ސާފުވާނެ ކަމަށެވެ.
ސާޖިދު މިހެން ވިދާޅުވެފައިވާއިރު، ޖިންސީ ފުރައްސާރައިގެ ޢަމަލެއް ސާބިތުވާ ކަމަށްބުނެ، މަރުކަޒީ ބޭންކްގެ ފައިނޭންޝަލް އިންޓަލިޖަންސްގެ ވެރިޔާގެ މަޤާމުން އިސްމާއީލް ސާޖިދު ވަކިކޮށްފައިވަނީ، 29 ޖަނަވަރީ 2026 ގައެވެ. އެ މަޤާމަށް އޭނާ އައްޔަނު ކޮށްފައިވަނީ މިދިޔަ އަހަރުގެ އޮގަސްޓްމަހުގެ 3 ވަނަ ދުވަހުއެވެ. އޭނާ ވަނީ މީގެ ކުރިން ޓެކްސް އެޕީލް ޓްރިބިއުނަލްގެ މެމްބަރުކަންވެސް ކުރަށްވާފައެވެ.
މި މައްސަލަ އުފެދެން ދިމާވި އަސްލު ސަބަބާ ގުޅޭގޮތުން ސާޖިދު ވިދާޅުވީ، އެފްއައިޔޫގެ މުވައްޒަފެއްގެ ވަޒީފާގެ މަސްއޫލިއްޔަތުން ބޭރުން ކޮށްގެން ނުވާނެ ކަންތައްތަކެއް މުވައްޒަފަކު ކުރުމުން، އެ މުވައްޒަފާމެދު އިދާރީ ގޮތުން ފިޔަވަޅު އެޅުމަކީ މިއަދު އޭނާއަށް މި އަނިޔާ ލިބުމުގެ މައިގަނޑު އަސާސް ކަމަށެވެ.
"ފުރައްސާރަ ކުރި ކަމަށް ބުނާ ދުވަހާއި މައްސަލަ ހުށަހެޅި ދުވަހާ ދެމެދު 39 ދުވަސް ހިނގާފައިވޭ. މި މުއްދަތުގެ ތެރޭގައި ހިނގާފައިވާ ކަންކަން އިދާރާގެ ލިޔެކިޔުންތަކުން ސާފުވާން ހުރިއިރު، ކޮމިޓީން މިކަންކަން ރަނގަޅަށް ބެލިނަމަ މި މައްސަލަ ހުށަހެޅުމުގެ ފަހަތުގައިވާ އަސްލު މަޤްޞަދު ސާފުވީސް." ސާޖިދު ވިދާޅުވިއެވެ.
އޭގެއިތުރުން ކަންބޮޑުވުމާއެކު ސާޖިދު ވިދާޅުވީ، މި ނިންމުމުގެ ސަބަބުން އެމްއެމްއޭގައި މަސައްކަތްކުރާ ވެރިންނާމެދު ހިތްހަމަނުޖެހޭ ކޮންމެ މުވައްޒަފަކަށްވެސް، ފުރައްސާރައިގެ ދޮގު މައްސަލައެއް އުފައްދައިގެން ވެރިންގެ މަޤާމު ގެއްލުވާލުމުގެ ނުރައްކާތެރި ފުރުޞަތެއް މިވަނީ ހުޅުވިފައި ކަމަށެވެ.
ހަމައެއާއެކު، މައްސަލައިގެ ތަފްޞީލް އޭނާއަށް ލިބުމުގެ ކުރިން މީޑިޔާތަކަށް އެ މަޢުލޫމާތު އެމްއެމްއޭގެ ތެރެއިން ފޯރުކޮށްދީފައިވާކަމަށް ތުހުމަތު ކުރަށްވައި ސާޖިދު ވިދާޅުވީ، މިއީ އޭނާގެ އަބުރު ކަތިލުމަށް ހިންގާފައިވާ ރޭވުންތެރި އަމަލެއް ކަމަށެވެ. އަދި އެމްއެމްއޭގައި މުވައްޒަފުންގެ މަޢުލޫމާތު ރައްކާތެރިކުރާނެ ހަރުދަނާ އުޞޫލެއް ނެތްކަން މީގެން ހާމަވާކަމަށްވެސް އޭނާ ވިދާޅުވިއެވެ.
"އަޅުގަނޑު އެ މަޤާމުގައި ހުރުމުން އުނދަގޫވާ ފަރާތެއް ހުރިނަމަ، ވަޒީފާއިން ވަކިވާން ސީދާ ބުނި ނަމަވެސް ރީތި ގޮތުގައި އެކަން ކުރެވުނީހެވެ. މީހެއްގެ އަބުރު ކަތިލުމުގެ ބޭނުމެއް ނެތް." ސާޖިދު ވިދާޅުވިއެވެ.
ސާޖިދު މިހެން ވިދާޅުވެފައިވާއިރު، ޖިންސީ ފުރައްސާރައިގެ ޢަމަލެއް ސާބިތުވާ ކަމަށްބުނެ، މަރުކަޒީ ބޭންކްގެ ފައިނޭންޝަލް އިންޓަލިޖަންސްގެ ވެރިޔާގެ މަޤާމުން އިސްމާއީލް ސާޖިދު ވަކިކޮށްފައިވަނީ، 29 ޖަނަވަރީ 2026 ގައެވެ. އެ މަޤާމަށް އޭނާ އައްޔަނު ކޮށްފައިވަނީ މިދިޔަ އަހަރުގެ އޮގަސްޓްމަހުގެ 3 ވަނަ ދުވަހުއެވެ. އޭނާ ވަނީ މީގެ ކުރިން ޓެކްސް އެޕީލް ޓްރިބިއުނަލްގެ މެމްބަރުކަންވެސް ކުރަށްވާފައެވެ.
ކިޔުންތެރިންގެ ހިޔާލު