އަދާލަތު ޕާޓީގެ ރައީސްކަމުގެ މަގާމަށް، އެ ޕާޓީގެ ނައިބު ރައީސް ޝައިޚް މުޙައްމަދު ޝިފާން މިއަދު އިންތިޚާބުކޮށްފިއެވެ.
ޝިފާން މި މަގާމަށް ހޮވިވަޑައިގަތީ ވޯޓުލީ މީހުންގެ 99 އިންސައްތަ ތާއީދާއެކުގައެވެ.
"ފަހިވޯޓު" މެދުވެރިކޮށް އޮންލައިންކޮށް ކުރިއަށްގެންދިޔަ މި އިންތިޚާބުގައި ޝައިޚް ޝިފާނާ ވާދަކުރެއްވި އިކްރާމް ޢަބްދުއްސައްތާރަށް ލިބިވަޑައިގަތީ އެންމެ އިންސައްތައެކެވެ. މި އިންތިޚާބުގައި ވޯޓުލުމުގެ ޙައްޤު ލިބިފައިވާ މީހުންގެ ތެރެއިން ވޯޓުލާފައިވަނީ 22 އިންސައްތަ މީހުންނެވެ.
އިންތިޚާބުގެ ކާމިޔާބީއާ ގުޅިގެން ޝައިޚް ޝިފާން ވަނީ އޭނާއަށް އިތުބާރުކުރައްވައި ވޯޓު ދެއްވި ހުރިހާ މެންބަރުންނަށް ޝުކުރު އަދާކުރައްވާފައެވެ.
އިންތިޚާބުގައި ވާދަކުރެއްވި އިކްރާމް، ނިމިދިޔަ ހަފުތާގައި ނަން އަނބުރާ ގެންދެވި ނަމަވެސް، ޕާޓީން ނިންމީ އިންތިޚާބު ކުރިއަށް ގެންދިއުމަށެވެ. އިކްރާމް ނަން އަނބުރާ ގެންދެވީ، އިންތިޚާބުގެ ކަންކަން ރޭވިފައިވަނީ ދެފުށް ފެންނަ އުސޫލުތަކާ ޚިލާފަށް، ވަކި ނަތީޖާއެއް ނެރުމަށް މަގުފަހިވާ ގޮތަށް ކަމަށް ބުނެ، އިންތިޚާބުގެ އިންސާފުވެރިކަމާ މެދު ސުވާލު އުފެއްދެވުމަށްފަހުއެވެ.
އަދާލަތު ޕާޓީގެ ރައީސްކަމުގެ މަގާމުގައި އެންމެ ފަހުން ހުންނެވީ ކުރީގެ ހޯމް މިނިސްޓަރު އައްޝައިޚް ޢިމްރާން ޢަބްދުﷲ އެވެ. އޭނާ ވަނީ ވިދިވިދިގެން ދެ ދައުރު އަދާލަތު ޕާޓީގެ ރައީސްގެ މަގާމު ފުރުއްވާފައެވެ.
"ފަހިވޯޓު" މެދުވެރިކޮށް އޮންލައިންކޮށް ކުރިއަށްގެންދިޔަ މި އިންތިޚާބުގައި ޝައިޚް ޝިފާނާ ވާދަކުރެއްވި އިކްރާމް ޢަބްދުއްސައްތާރަށް ލިބިވަޑައިގަތީ އެންމެ އިންސައްތައެކެވެ. މި އިންތިޚާބުގައި ވޯޓުލުމުގެ ޙައްޤު ލިބިފައިވާ މީހުންގެ ތެރެއިން ވޯޓުލާފައިވަނީ 22 އިންސައްތަ މީހުންނެވެ.
އިންތިޚާބުގެ ކާމިޔާބީއާ ގުޅިގެން ޝައިޚް ޝިފާން ވަނީ އޭނާއަށް އިތުބާރުކުރައްވައި ވޯޓު ދެއްވި ހުރިހާ މެންބަރުންނަށް ޝުކުރު އަދާކުރައްވާފައެވެ.
އަދާލަތު ޕާޓީގެ ރައީސްކަމުގެ މަގާމުގައި އެންމެ ފަހުން ހުންނެވީ ކުރީގެ ހޯމް މިނިސްޓަރު އައްޝައިޚް ޢިމްރާން ޢަބްދުﷲ އެވެ. އޭނާ ވަނީ ވިދިވިދިގެން ދެ ދައުރު އަދާލަތު ޕާޓީގެ ރައީސްގެ މަގާމު ފުރުއްވާފައެވެ.
ކިޔުންތެރިންގެ ހިޔާލު