އީރާނާ ދެކޮޅަށް އެމެރިކާއިން ފަށާފައިވާ ހަނގުރާމައިގެ ފުރަތަމަ ހަތަރު ދުވަހުގެ ތެރޭގައި، އެމެރިކާގެ ދެ ބިލިއަނެއްހާ ޑޮލަރުގެ އަސްކަރީ ސާމާނު ހަލާކުވެފައިވާ ކަމަށް އައު ތަފާސްހިސާބުތަކުން ދައްކައިފިއެވެ. އަނަޑޯލޫ އެޖެންސީން އެއްކުރި މައުލޫމާތަށް ބަލާއިރު، މިހާތަނަށް ލިބުނު ގެއްލުމުގެ ޖުމްލަ އަގު 1.902 ބިލިއަން ޑޮލަރަށް އަރައެވެ.
މީގެ ތެރެއިން އެންމެ ބޮޑު ގެއްލުމެއް ލިބިފައިވަނީ ގަތަރުގައި ހުންނަ އަލް އުދައިދު އެއާބޭސްގައި ހުރި އެމެރިކާގެ އަރލީ ވޯނިންގ ރޭޑިއާ ސިސްޓަމަކަށް އީރާނުން ދިން މިސައިލް ހަމަލާއެއްގައެވެ. މި ސިސްޓަމުގެ އަގު އެކަނިވެސް 1.1 ބިލިއަން ޑޮލަރަށް އަރާ ކަމަށް ރިޕޯޓުތައް ބުނެއެވެ.
މީގެ އިތުރުން، މިދިޔަ އާދީއްތަ ދުވަހު ކުވެއިތުގެ ވައިގެ ދިފާއީ ނިޒާމުން އޮޅިގެން ދިން ހަމަލާއެއްގައި އެމެރިކާގެ ތިން އެފް-15 އީ ސްޓްރައިކް އީގަލް މަތިންދާބޯޓު ވަނީ ވައްޓާލާފައެވެ.
މި ބޯޓުތައް ދުއްވަން ތިބި މީހުން ސަލާމަތްވި ނަމަވެސް، މި ބޯޓުތައް ހަލާކުވުމުގެ ސަބަބުން 282 މިލިއަން ޑޮލަރުގެ ގެއްލުން ލިބިފައިވެއެވެ. އަދި ބަހްރޭންގައި ހުންނަ އެމެރިކާގެ ފިފްތު ފްލީޓްގެ މަރުކަޒަށް ދިން ހަމަލާތަކުގައި ސެޓެލައިޓް މުވާސަލާތީ ނިޒާމުތަކަށާއި ބައެއް އިމާރާތްތަކަށް ބޮޑެތި ގެއްލުންތަކެއް ލިބިފައިވާކަން ވަނީ ހާމަވެފައެވެ.
އީރާނުން ވަނީ ޔޫއޭއީގައި ހުރި އެމެރިކާގެ "ތާޑް" އެންޓި-ބެލިސްޓިކް މިސައިލް ސިސްޓަމްގެ ރޭޑިއާ ކޮމްޕޯނަންޓެއް ވެސް ހަލާކުކޮށްލާފައެވެ. ސެޓެލައިޓް ފޮޓޯތަކުން ދައްކާ ގޮތުގައި ގާތްގަނޑަކަށް 500 މިލިއަން ޑޮލަރުގެ އަގުހުރި މި ރޭޑިއާއަށް ވަނީ ސީދާ ހަމަލާއެއް އަރާފައެވެ.
މި ހަމަލާތަކުގައި މެދުއިރުމަތީގެ އެކި ގައުމުތަކުގައި ހުރި އެމެރިކާގެ ހަތް އަސްކަރީ މަރުކަޒަކަށް އީރާނުން އަމާޒުކޮށްފައިވެއެވެ. މީގެ ތެރޭގައި ކުވެއިތު، އިރާގު، ގަތަރު އަދި ޔޫއޭއީގައި ހުރި ބޭސްތައް ހިމެނެއެވެ.
އަސްކަރީ މަރުކަޒުތަކުގެ އިތުރުން، ސައުދީ އަރަބިއްޔާ، ކުވެއިތު އަދި ޔޫއޭއީގައި ހުންނަ އެމެރިކާގެ ޑިޕްލޮމެޓިކް މިޝަންތަކަށް ވެސް ހަމަލާތައް އަމާޒުވެފައިވާ ކަމަށް ރިޕޯޓުތައް ބުނެއެވެ.
ސައުދީގެ ރިޔާޒުގައި ހުންނަ އެމެރިކާ އެމްބަސީއަށް ދިން ޑްރޯން ހަމަލާތަކެއްގައި އެތަނުގައި ހުރި ސީއައިއޭގެ ސްޓޭޝަނަށް ގެއްލުން ލިބިފައިވާއިރު، ކުވެއިތުގައި ހުންނަ އެމްބަސީ ވަނީ ސަލާމަތީ ސަބަބުތަކަށްޓަކައި ބަންދުކޮށްފައެވެ. މި ހަމަލާތަކާ ގުޅިގެން ސަރަހައްދުގެ މަސްރަހު ވަނީ ނުހަނު ބޮޑަށް ނުތަނަވަސްވެފައެވެ.
މީގެ އިތުރުން، މިދިޔަ އާދީއްތަ ދުވަހު ކުވެއިތުގެ ވައިގެ ދިފާއީ ނިޒާމުން އޮޅިގެން ދިން ހަމަލާއެއްގައި އެމެރިކާގެ ތިން އެފް-15 އީ ސްޓްރައިކް އީގަލް މަތިންދާބޯޓު ވަނީ ވައްޓާލާފައެވެ.
މި ބޯޓުތައް ދުއްވަން ތިބި މީހުން ސަލާމަތްވި ނަމަވެސް، މި ބޯޓުތައް ހަލާކުވުމުގެ ސަބަބުން 282 މިލިއަން ޑޮލަރުގެ ގެއްލުން ލިބިފައިވެއެވެ. އަދި ބަހްރޭންގައި ހުންނަ އެމެރިކާގެ ފިފްތު ފްލީޓްގެ މަރުކަޒަށް ދިން ހަމަލާތަކުގައި ސެޓެލައިޓް މުވާސަލާތީ ނިޒާމުތަކަށާއި ބައެއް އިމާރާތްތަކަށް ބޮޑެތި ގެއްލުންތަކެއް ލިބިފައިވާކަން ވަނީ ހާމަވެފައެވެ.
އީރާނުން ވަނީ ޔޫއޭއީގައި ހުރި އެމެރިކާގެ "ތާޑް" އެންޓި-ބެލިސްޓިކް މިސައިލް ސިސްޓަމްގެ ރޭޑިއާ ކޮމްޕޯނަންޓެއް ވެސް ހަލާކުކޮށްލާފައެވެ. ސެޓެލައިޓް ފޮޓޯތަކުން ދައްކާ ގޮތުގައި ގާތްގަނޑަކަށް 500 މިލިއަން ޑޮލަރުގެ އަގުހުރި މި ރޭޑިއާއަށް ވަނީ ސީދާ ހަމަލާއެއް އަރާފައެވެ.
މި ހަމަލާތަކުގައި މެދުއިރުމަތީގެ އެކި ގައުމުތަކުގައި ހުރި އެމެރިކާގެ ހަތް އަސްކަރީ މަރުކަޒަކަށް އީރާނުން އަމާޒުކޮށްފައިވެއެވެ. މީގެ ތެރޭގައި ކުވެއިތު، އިރާގު، ގަތަރު އަދި ޔޫއޭއީގައި ހުރި ބޭސްތައް ހިމެނެއެވެ.
ސައުދީގެ ރިޔާޒުގައި ހުންނަ އެމެރިކާ އެމްބަސީއަށް ދިން ޑްރޯން ހަމަލާތަކެއްގައި އެތަނުގައި ހުރި ސީއައިއޭގެ ސްޓޭޝަނަށް ގެއްލުން ލިބިފައިވާއިރު، ކުވެއިތުގައި ހުންނަ އެމްބަސީ ވަނީ ސަލާމަތީ ސަބަބުތަކަށްޓަކައި ބަންދުކޮށްފައެވެ. މި ހަމަލާތަކާ ގުޅިގެން ސަރަހައްދުގެ މަސްރަހު ވަނީ ނުހަނު ބޮޑަށް ނުތަނަވަސްވެފައެވެ.
ކިޔުންތެރިންގެ ހިޔާލު