ސޫދާނުގެ އަސްކަރިއްޔާގެ އިސް ޖެނެރަލަކު، އީރާނަށް އެމެރިކާ ނުވަތަ އިސްރާއީލުގެ އެއްގަމު ސިފައިން އަރައިފި ނަމަ، އީރާނުގެ ދިފާއުގައި ސޫދާނުން ހަނގުރާމައަށް ނުކުންނާނެ ކަމަށް ވިދާޅުވެ ވަރުގަދަ އިންޒާރެއް ދެއްވައިފިއެވެ.

ޖެނެރަލް ވިދާޅުވި ގޮތުގައި އީރާނަކީ ސޫދާނުގެ އަޚުވަންތަ ގައުމެއް ކަމަށާއި، އެ ގައުމުގެ ސިޔާދަތަށް އުނިކަން އަންނަ ފަދަ އެއްވެސް އަމަލެއް ބޭރުގެ ބާރުތަކުން ހިންގައިފި ނަމަ ސޫދާނުގެ ބްރިގޭޑްތައް އީރާނަށް ފޮނުވައި، ހިލޭސާބަހަށް ހަނގުރާމައިގައި ބައިވެރިވާން ތައްޔާރަށް އޮތް ކަމަށް އޭނާ ހުވާކުރައްވައި ވިދާޅުވިއެވެ.

މި ބަޔާނަކީ މެދުއިރުމަތީގެ މަސްރަހު ނުތަނަވަސްވެފައިވާ ދަނޑިވަޅެއްގައި، ސޫދާނާއި އީރާނާ ދެމެދު އޮތް އަސްކަރީ އަދި ސިޔާސީ ގުޅުން އިތުރަށް ވަރުގަދަވަމުންދާކަން ހާމަކޮށްދޭ ކަމެކެވެ.

ޚާއްސަކޮށް ސޫދާނުގެ ދާޚިލީ ހަނގުރާމައިގައި އީރާނުގެ އެހީތެރިކަން ސޫދާނުގެ ސަރުކާރު ސިފައިންނަށް ލިބެމުންދާ ކަމަށް ރިޕޯޓުތައް ބުނާއިރު، މިފަދަ ބަޔާނެއްގެ ސަބަބުން ސަރަހައްދީ ބާރުތަކުގެ މެދުގައި އޮތް ނުތަނަވަސްކަން އާ ހަރުފަތަކަށް ދާނެ ކަމަށް ބެލެވެއެވެ.

މީގެ އިތުރުން، މި ޖެނެރަލް ވަނީ ހުޅަނގުގެ ބާރުތަކުން އިސްލާމީ ގައުމުތަކަށް ދެމުންދާ ނުފޫޒާ ދެކޮޅަށް އެކަތިގަނޑަކަށް ވުމަށް ގޮވާލައްވާފައެވެ. އޭނާ ފާހަގަކުރެއްވި ގޮތުގައި، އީރާނަށް ދެވޭ ކޮންމެ ހަމަލާއަކީ މުޅި އިސްލާމީ އުންމަތަށް ދެވޭ ހަމަލާއެއް ކަމުގައި ސޫދާނުން ދެކޭނެއެވެ. މި އިންޒާރާއެކު، ބައިނަލްއަގުވާމީ މުޖުތަމައުން މިހާރު ދަނީ ސޫދާނުގެ މި ނިންމުމުގެ ސަބަބުން މުޅި މެދުއިރުމަތީގެ މަސްރަހަށް އަތުވެދާނެ ބަދަލުތަކަށް ފާރަވެރިވަމުންނެވެ.