ރާއްޖޭގައި ޝީޝާ ބޭނުންކުރުން މަނާކުރުމަށާއި، ހަކުރު އެކުލެވޭ ބުއިންތަކުން ނަގާ ޓެކްސް ބޮޑުކުރުމާ ގުޅޭގޮތުން ސަރުކާރުން މަޝްވަރާ ކުރަމުން އަންނަކަމަށް ހެލްތު މިނިސްޓަރު އަބްދުﷲ ނާޒިމް އިބްރާހީމް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން މިނިސްޓަރު ނާޒިމް ވިދާޅުވީ، މޯލްޑިވިއަން މެޑިކަލް އެސޯސިއޭޝަން (އެމްއެމްއޭ) އިން ގޮވާލާފައިވާ ގޮތަށް، ޝީޝާ މަނާކުރުމަށާއި ހަކުރު ގިނަ ބުއިންތަކުން ޓެކްސް ބޮޑުކުރުމުގެ މަޝްވަރާތައް ސަރުކާރުގެ އެކި ފަންތިތަކުގައި މިހާރު ކުރިއަށްދާ ކަމަށެވެ.
އަދި ހަކުރަށް ދޭ ސަބްސިޑީ ކަނޑާލައި، ޓެކްސް ނަގަން ފެށުމަކީ ވެސް އެ މަޝްވަރާތަކުގެ ތެރޭގައި ހިމެނޭކަމެއްކަން އޭނާ ހާމަކުރެއްވިއެވެ.
"ކިހާ ހިސާބެއްގައި ތޯ މުޅިން ތަންފީޒުވެގެން ދާނީ، އެއީ ކަންނޭނގެ އުފެދޭނެ ސުވާލަކީ. އެންމެ މުހިއްމު ދަނޑިވަޅުގައި، މުހިއްމު ހާލަތުގައި، މުހިއްމު ވަގުތުގައި އެކަންކުރުން ވަރަށް މުހިއްމު." ނާޒިމް ވިދާޅުވި އެވެ.
ދިވެހި ޑޮކްޓަރުންގެ ޖަމިއްޔާއިން މިދިޔަ އޮކްޓޫބަރު މަހު ނެރުނު ބަޔާނެއްގައި ވަނީ، ރާއްޖޭގެ ޒުވާނުންގެ މެދުގައި އާންމުވަމުންދާ ސިއްހަތަށް ނުރައްކާތެރި އާދަތަކާ ދެކޮޅަށް ފިޔަވަޅު އެޅުމަށް ގޮވާލާފައެވެ. އެގޮތުން ހަކުރު އެކުލެވޭ ބުއިންތަކާއި، ޕާމް އޮއިލް، ޓްރާންސް ފެޓް ގިނައިން ހުންނަ ކާބޯތަކެއްޗާއި، ޕްރޮސެސްކޮށްފައިވާ މަހުގެ ބާވަތްތަކުން ނަގާ ޓެކްސް ބޮޑުކުރުމަށް އެ ޖަމިއްޔާއިން ވަނީ ހުށަހަޅާފައެވެ. މީގެ އިތުރުން އެކި ފްލޭވާތަކުގެ ދުންފަތާއި ޝީޝާ އެއްކޮށް މަނާކުރުމަށްވެސް ޑޮކްޓަރުން ވަނީ ބާރުއަޅުއްވާފައެވެ.
ޝީޝާ އާއި އެނަޖީ ޑްރިންކް ފަދަ ތަކެއްޗަކީ ރާއްޖޭގެ ގިނަ އަދަދެއްގެ ޒުވާނުން އާންމުކޮށް ބޭނުންކުރަމުން އަންނަ ތަކެއްޗެވެ. މިކަމުގެ ސަބަބުން ކުރިމަތިވާ ސިއްހީ މައްސަލަތަކަށް ރިއާޔަތްކުރައްވައި މިނިސްޓަރު ވިދާޅުވީ، މި ބަދަލުތައް ތަންފީޒު ކުރާނީ އެންމެ މުހިންމު ހާލަތުގައި، އެކަމަށް އެންމެ އެކަށީގެންވާ ދަނޑިވަޅު ބަލައިފައި ކަމަށެވެ.
ނާޒިމް ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން އަންނަނީ ރައްޔިތުންގެ ސިއްހީ ދުޅަހެޔޮކަން އިތުރުކުރުމަށްޓަކައި ސިޔާސަތުތަކަށް ބަދަލުތަކެއް ގެނައުމަށް މަސައްކަތް ކުރަމުން ކަމަށެވެ. އެގޮތުން ރާއްޖޭގައި ވޭޕް މަނާކޮށްފައިވާއިރު، ސިނގިރޭޓުގެ ޓެކްސް ވެސް ވަނީ ބޮޑުކޮށްފައެވެ. އޭގެ އިތުރުން ޖެނަރޭޝަނަލް ބޭން ތަންފީޒުކޮށް، 2007 ވަނަ އަހަރުގެ ޖެނުއަރީ އެކަކުން ފެށިގެން އުފަންވެފައިވާ އަދި އުފަންވާ ކުދިންނަށް ދުންފަތް ވަނީ މަނާ ކޮށްފައެވެ.
އަދި ހަކުރަށް ދޭ ސަބްސިޑީ ކަނޑާލައި، ޓެކްސް ނަގަން ފެށުމަކީ ވެސް އެ މަޝްވަރާތަކުގެ ތެރޭގައި ހިމެނޭކަމެއްކަން އޭނާ ހާމަކުރެއްވިއެވެ.
"ކިހާ ހިސާބެއްގައި ތޯ މުޅިން ތަންފީޒުވެގެން ދާނީ، އެއީ ކަންނޭނގެ އުފެދޭނެ ސުވާލަކީ. އެންމެ މުހިއްމު ދަނޑިވަޅުގައި، މުހިއްމު ހާލަތުގައި، މުހިއްމު ވަގުތުގައި އެކަންކުރުން ވަރަށް މުހިއްމު." ނާޒިމް ވިދާޅުވި އެވެ.
ދިވެހި ޑޮކްޓަރުންގެ ޖަމިއްޔާއިން މިދިޔަ އޮކްޓޫބަރު މަހު ނެރުނު ބަޔާނެއްގައި ވަނީ، ރާއްޖޭގެ ޒުވާނުންގެ މެދުގައި އާންމުވަމުންދާ ސިއްހަތަށް ނުރައްކާތެރި އާދަތަކާ ދެކޮޅަށް ފިޔަވަޅު އެޅުމަށް ގޮވާލާފައެވެ. އެގޮތުން ހަކުރު އެކުލެވޭ ބުއިންތަކާއި، ޕާމް އޮއިލް، ޓްރާންސް ފެޓް ގިނައިން ހުންނަ ކާބޯތަކެއްޗާއި، ޕްރޮސެސްކޮށްފައިވާ މަހުގެ ބާވަތްތަކުން ނަގާ ޓެކްސް ބޮޑުކުރުމަށް އެ ޖަމިއްޔާއިން ވަނީ ހުށަހަޅާފައެވެ. މީގެ އިތުރުން އެކި ފްލޭވާތަކުގެ ދުންފަތާއި ޝީޝާ އެއްކޮށް މަނާކުރުމަށްވެސް ޑޮކްޓަރުން ވަނީ ބާރުއަޅުއްވާފައެވެ.
ނާޒިމް ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން އަންނަނީ ރައްޔިތުންގެ ސިއްހީ ދުޅަހެޔޮކަން އިތުރުކުރުމަށްޓަކައި ސިޔާސަތުތަކަށް ބަދަލުތަކެއް ގެނައުމަށް މަސައްކަތް ކުރަމުން ކަމަށެވެ. އެގޮތުން ރާއްޖޭގައި ވޭޕް މަނާކޮށްފައިވާއިރު، ސިނގިރޭޓުގެ ޓެކްސް ވެސް ވަނީ ބޮޑުކޮށްފައެވެ. އޭގެ އިތުރުން ޖެނަރޭޝަނަލް ބޭން ތަންފީޒުކޮށް، 2007 ވަނަ އަހަރުގެ ޖެނުއަރީ އެކަކުން ފެށިގެން އުފަންވެފައިވާ އަދި އުފަންވާ ކުދިންނަށް ދުންފަތް ވަނީ މަނާ ކޮށްފައެވެ.
ކިޔުންތެރިންގެ ހިޔާލު