އުމްރާއަށް މީހުން ގެންދާ ގުރޫޕްތަކަށް މި ފަހަކަށް އައިސް ބޮޑެތި މައްސަލަތަކާ ކުރިމަތިލާން ޖެހެނީ، މީގެކުރިން ސަރުކާރުން ދެމުން އައި ބައެއް ލުއިތައް މިހާރު ލިބެން ނުހުންނާތީ ކަމަށް ކުރީގެ އިސްލާމިކް މިނިސްޓަރު އަޙްމަދު ޒިޔާދު ބާޤިރު ވިދާޅުވެއްޖެއެވެ.
މީސްމީޑިއާގައި ޙިއްސާކުރެއްވި މެސެޖެއްގައި ޒިޔާދު ވިދާޅުވީ، ވޭތުވެދިޔަ ދެ އަހަރު ދުވަހުގެ ތެރޭގައި ހަތަރު ޢުމްރާ ގުރޫޕެއްގެ ބޮޑެތި މައްސަލަތައް ފެންމަތިވެފައިވާ ކަމަށެވެ. މި މައްސަލަތައް މެދުވެރިވާ މައިގަނޑު ސަބަބެއްގެ ގޮތުގައި އޭނާ ފާހަގަކުރެއްވީ، ކުރިން އުމްރާ ގުރޫޕްތަކަށް ހުއްދަ ދިނުމުގައި ބަލަމުން އައި މާލީ ތަނަވަސްކަމުގެ ޝަރުތުތަކަށް ބަދަލު އައިސްފައިވުމެވެ. އެގޮތުން، ކުރިން ލާޒިމުކުރި ބޭންކު ގެރެންޓީ ބެހެއްޓުން މިހާރު އުވާލާފައި އޮތުމަކީ މައްސަލަތައް ގޯސްވާން ދިމާވި ސަބަބެއް ކަމަށް އޭނާ ވިދާޅުވިއެވެ.
ހަމައެއާއެކު ޒިޔާދު ވިދާޅުވީ، ކުރިން އުމްރާ ގުރޫޕްތަކުން ސައުދީ އަރަބިއްޔާއަށް ފޮނުވަންޖެހޭ ޓީޓީ ހެދުމުގައި ދިވެހި ބޭންކުތަކުން ރަސްމީ ރޭޓުގައި ޑޮލަރު ދޫކުރި ނަމަވެސް، މިހާރު އެކަން ހުއްޓާލާފައިވާ ކަމަށެވެ. މީގެ ނަތީޖާއަކީ ގުރޫޕްތަކުން ކަޅު ބާޒާރުން ބޮޑު އަގުގައި ޑޮލަރު ގަންނަން ޖެހި، މާލީ ބޮޑެތި ގެއްލުންތަކާ ކުރިމަތިލާން ޖެހުން ކަމަށް އޭނާ ފާހަގަކުރެއްވިއެވެ.
"މިއީ ދުވަހަކުވެސް މީގެކުރިން ދިވެހި އުމްރާ ގުރޫޕްތަކަށް ދިމާވި މައްސަލައެއް ނޫން،" ޒިޔާދު ވިދާޅުވިއެވެ.
ޒިޔާދު މިހެން ވިދާޅުވެފައިވާއިރު، މިދިޔަ އަންގާރަ ދުވަހު ފުރަން އޮތް އުމްރާ ގުރޫޕެއްގެ ދަތުރު ކެންސަލްވުމާ ގުޅިގެން، އިސްލާމިކް މިނިސްޓްރީން ވަނީ އެ ކުންފުނީގެ ހުއްދަ ވަގުތީ ގޮތުން ހިފަހައްޓާފައެވެ. މީގެ އިތުރުން، މި ރަމަޟާން މަހު އުމްރާއަށް ދިޔަ ހަތަރު ގުރޫޕަކުން ރާއްޖެއިން ގެންދިޔަ ކާބޯތަކެތި ސައުދީއަށް އެތެރެ ނުކުރެވި އުކާލަން ޖެހުނު މައްސަލައާއި، ޕާސްޕޯޓު ފޮޓޯއާއި، ސޫރަ ދިމާނުވެގެން ޖިއްދާ އެއާޕޯޓުގައި ދިވެއްސަކު ތާށިވި މައްސަލަވެސް ޒިޔާދު ވަނީ ފާހަގަކުރަށްވާފައެވެ.
ޒިޔާދު ވިދާޅުވީ މިފަދަ ކަންކަމަކީ ކުރިންވެސް ދިމާވާ ކަންކަން ކަމަށާއި، ނަމަވެސް ކުރީގެ ސަރުކާރުތަކުގައި މިފަދަ މައްސަލަތައް ހައްލުކުރުމަށް ރަނގަޅު އިންތިޒާމުތަކެއް ހަމަޖެހިފައި އޮންނަ ކަމަށެވެ. އެގޮތުން، ސައުދީގައި ހުންނަ ދިވެހި އެންބަސީގެ މުވައްޒަފުން އަބަދުވެސް އުމްރާވެރިންގެ އިސްތިގުބާލުގައި އެއާޕޯޓުގައި ތިއްބަވާ ކަމަށާއި، މިހާރަށްވުރެ މަދު މުވައްޒަފުން ތިބި ދުވަސްވަރުވެސް އިންތިޒާމުތައް މާ ފުރިހަމަ ކަމަށް އޭނާ ވިދާޅުވިއެވެ.
އެހެންކަމުން މިފަދަ މައްސަލަތައް ހައްލުކުރުމަށް ސަރުކާރުގެ ފަރާތުން ހަރުދަނާ ފިޔަވަޅުތަކެއް އެޅުމަށް ކުރީގެ މިނިސްޓަރު ޒިޔާދު ވަނީ ގޮވާލައްވާފައެވެ.
ހަމައެއާއެކު ޒިޔާދު ވިދާޅުވީ، ކުރިން އުމްރާ ގުރޫޕްތަކުން ސައުދީ އަރަބިއްޔާއަށް ފޮނުވަންޖެހޭ ޓީޓީ ހެދުމުގައި ދިވެހި ބޭންކުތަކުން ރަސްމީ ރޭޓުގައި ޑޮލަރު ދޫކުރި ނަމަވެސް، މިހާރު އެކަން ހުއްޓާލާފައިވާ ކަމަށެވެ. މީގެ ނަތީޖާއަކީ ގުރޫޕްތަކުން ކަޅު ބާޒާރުން ބޮޑު އަގުގައި ޑޮލަރު ގަންނަން ޖެހި، މާލީ ބޮޑެތި ގެއްލުންތަކާ ކުރިމަތިލާން ޖެހުން ކަމަށް އޭނާ ފާހަގަކުރެއްވިއެވެ.
"މިއީ ދުވަހަކުވެސް މީގެކުރިން ދިވެހި އުމްރާ ގުރޫޕްތަކަށް ދިމާވި މައްސަލައެއް ނޫން،" ޒިޔާދު ވިދާޅުވިއެވެ.
ޒިޔާދު މިހެން ވިދާޅުވެފައިވާއިރު، މިދިޔަ އަންގާރަ ދުވަހު ފުރަން އޮތް އުމްރާ ގުރޫޕެއްގެ ދަތުރު ކެންސަލްވުމާ ގުޅިގެން، އިސްލާމިކް މިނިސްޓްރީން ވަނީ އެ ކުންފުނީގެ ހުއްދަ ވަގުތީ ގޮތުން ހިފަހައްޓާފައެވެ. މީގެ އިތުރުން، މި ރަމަޟާން މަހު އުމްރާއަށް ދިޔަ ހަތަރު ގުރޫޕަކުން ރާއްޖެއިން ގެންދިޔަ ކާބޯތަކެތި ސައުދީއަށް އެތެރެ ނުކުރެވި އުކާލަން ޖެހުނު މައްސަލައާއި، ޕާސްޕޯޓު ފޮޓޯއާއި، ސޫރަ ދިމާނުވެގެން ޖިއްދާ އެއާޕޯޓުގައި ދިވެއްސަކު ތާށިވި މައްސަލަވެސް ޒިޔާދު ވަނީ ފާހަގަކުރަށްވާފައެވެ.
އެހެންކަމުން މިފަދަ މައްސަލަތައް ހައްލުކުރުމަށް ސަރުކާރުގެ ފަރާތުން ހަރުދަނާ ފިޔަވަޅުތަކެއް އެޅުމަށް ކުރީގެ މިނިސްޓަރު ޒިޔާދު ވަނީ ގޮވާލައްވާފައެވެ.
ކިޔުންތެރިންގެ ހިޔާލު