ބަރަކާތްތެރި ރަމަޟާން މަހަކީ ދުނިޔޭގެ އެކި ކަންކޮޅުތަކުގައި ދިރިއުޅޭ މުސްލިމުން، މާތްﷲ އަށް ކުށްތަންވުމުގެ ގޮތުން ރޯދަހިފުމާއި، ދުޢާކުރުމާއި، އަދި ޞަދަޤާތް ދިނުމުގައި ހޭދަކުރާ މުޤައްދަސް މަހެކެވެ. މި މާތް މަހުގެ ހުރިހާ ރޭތަކުގެ ތެރެއިންވެސް ފަހުދިހައިގެ އޮނަހިރި ރޭތަކަކީ މުސްލިމުންގެ މެދުގައި ވަކިން ޚާއްޞަވެގެންވާ ރޭތަކެކެވެ. އެއީ، މާތްﷲގެ ރަޙްމަތާއި ބަރަކާތުން ފުރިގެންވާ "ލައިލަތުލްޤަދްރި" ވިލޭރޭ އޭގެން ރެއެއްގެ ތެރޭގައި ހިމެނިގެން ވާތީއެވެ.
ލައިލަތުލްޤަދްރި ވިލޭރެއަކީ އިސްލާމްދީނުގެ ރިސާލަތުގެ ފެށުމެވެ. އެއީ މުޙައްމަދު ނަބިއްޔާ ﷺ މައްކާގެ ހިރާ ހޮހަޅައިގައި އިންނަވަނިކޮށް، ޖިބްރީލްގެފާނު މެދުވެރިކޮށް ކީރިތި ޤުރުއާނުގެ ފުރަތަމަ އާޔަތްތައް ބާވައިލެއްވި މަތިވެރި ރެއެވެ. ބާވައިލެއްވުނު ފުރަތަމަ އާޔަތްތަކަކީ އަލްޢަލަޤް ސޫރަތުގެ ފުރަތަމަ ފަސް އާޔަތެވެ. މި މުހިއްމު ވަގުތަކީ ވަޙީގެ ފެށުމެވެ. އަދި މާތްﷲގެ އެންމެ ފަހުގެ ރަސޫލާގެ ގޮތުގައި މުޙައްމަދު ﷺ އިޚްތިޔާރު ކުރެވި، އެކަލޭގެފާނުގެ ރަސޫލުކަން ފެށުނު ތާރީޚީ ވަގުތެވެ. މި ރެއަށްފަހު، ކުރިއަށް އޮތް 23 ވަރަކަށް އަހަރުގެ ތެރޭގައި މުޅި ޤުރުއާން ބާވައިލެއްވި ނިމުނެވެ.
ކީރިތި ޤުރުއާނުގެ އަލްޤަދްރި ސޫރަތުގައި މި ރޭ ސިފަކޮށްފައިވަނީ "ހާސް މަހަށްވުރެ ހެޔޮކަން ބޮޑު" ރެއެއްގެ ގޮތުގައެވެ. މީގެ މާނައަކީ މި އެންމެ ރޭގަނޑެއްގައި ކުރާ އަޅުކަމުގެ ޘަވާބާއި ދަރުމަ، 83 އަހަރަށްވުރެ ގިނަ ދުވަހު ކުރާ އަޅުކަމަށްވުރެ އިތުރުވެގެންވުމެވެ. ލައިލަތުލްޤަދްރި ވިލޭރޭގެ ސީދާ ތާރީޚު ކަށަވަރުކޮށް އެނގެން ނެތް ނަމަވެސް، ރަމަޟާން މަހުގެ ފަހު ދިހައެއްގެ ރޭތަކުގެ ތެރެއިން ރެއެއްގައި އެރޭ ވާކަން އިސްލާމީ އުނގަންނައިދިނުންތަކުން އެނގެއެވެ. މީގެ ތެރެއިންވެސް 27 ވިލޭރެއަށް މުސްލިމުން ވަނީ ވަރަށް ބޮޑު އަހައްމިއްޔަތުކަމެއް ދީފައެވެ.
މި ރޭގެ މަތިވެރިކަމަށްޓަކައި މުސްލިމުން ރޭގަނޑުގެ ވަގުތުތައް ހޭދަކުރަނީ އަޅުކަމުގައެވެ. މިސްކިތްތައް ފުރިބާރުވެފައި އޮންނަނީ ދަމުނަމާދު ކުރުމާއި، ޤުރުއާން ކިޔެވުމާއި، އިޚްލާޞްތެރިކަމާއެކު ދުޢާކުރުމުގައެވެ. މާތްﷲގެ ޙަޟްރަތުގައި ފާފަ ފުއްސެވުމަށް އެދި ދެންނެވުމާއި، ރަޙްމަތަށް އެދި ދުޢާކުރުމަކީ މިރޭގެ އެންމެ މުހިއްމު އެއް މަސައްކަތެވެ. އިސްލާމީ އަޤީދާގައިވާ ގޮތުން، މިރޭ މަލާއިކަތުން ބިމަށް ފައިބައިވަޑައިގަންނަވައެވެ. އަދި ފަތިސް ވަންދެން މުއުމިނުންނަށް ސުލްހައާއި އަމާންކަން މިންވަރުކޮށްދެއްވައެވެ.
މިރޭގެ ރޫޙާނީ ފައިދާ އިންތިހާއަށް ބޮޑެވެ. މިއީ މުއުމިނުންނާއި ޚާލިޤުވަންތަﷲ އާއި ދެމެދު އޮންނަ ގުޅުން ބަދަހިކުރުމަށް ލިބޭ ރަނުގެ ފުރުޞަތެކެވެ. ގިނަ ބަޔަކު މިރޭގެ ބޭނުން ހިފަނީ އަމިއްލަ ނަފްސު އިޞްލާޙުކޮށް، ޞާލިޙު ދިރިއުޅުމަކަށް ނިޔަތްގަނެ ތައުބާވުމަށެވެ. މުޅި ދުނިޔޭގައި އެތައް މިލިއަން މުސްލިމުންނެއް މިރޭތައް ހޭދަކުރަނީ އަޅުކަމުގައެވެ.
ޚުލާޞާކޮށް ދަންނަވާނަމަ، ރަމަޟާންމަހުގެ ފަހު ދިހައެއްގެ ރޭތަކަކީ ހަމައެކަނި ތާރީޚީ ރޭތަކެއް ނޫނެވެ. އެއީ އީމާންތެރިކަން އާލާކޮށް، ރޫޙާނީ ބާރުވެރިކަން ހޯދައި، މާތްﷲގެ ނިޢުމަތްތަކަށް ޝުކުރުވެރިވުމުގެ މަތިވެރި މުނާސަބަތެކެވެ.
ކީރިތި ޤުރުއާނުގެ އަލްޤަދްރި ސޫރަތުގައި މި ރޭ ސިފަކޮށްފައިވަނީ "ހާސް މަހަށްވުރެ ހެޔޮކަން ބޮޑު" ރެއެއްގެ ގޮތުގައެވެ. މީގެ މާނައަކީ މި އެންމެ ރޭގަނޑެއްގައި ކުރާ އަޅުކަމުގެ ޘަވާބާއި ދަރުމަ، 83 އަހަރަށްވުރެ ގިނަ ދުވަހު ކުރާ އަޅުކަމަށްވުރެ އިތުރުވެގެންވުމެވެ. ލައިލަތުލްޤަދްރި ވިލޭރޭގެ ސީދާ ތާރީޚު ކަށަވަރުކޮށް އެނގެން ނެތް ނަމަވެސް، ރަމަޟާން މަހުގެ ފަހު ދިހައެއްގެ ރޭތަކުގެ ތެރެއިން ރެއެއްގައި އެރޭ ވާކަން އިސްލާމީ އުނގަންނައިދިނުންތަކުން އެނގެއެވެ. މީގެ ތެރެއިންވެސް 27 ވިލޭރެއަށް މުސްލިމުން ވަނީ ވަރަށް ބޮޑު އަހައްމިއްޔަތުކަމެއް ދީފައެވެ.
މި ރޭގެ މަތިވެރިކަމަށްޓަކައި މުސްލިމުން ރޭގަނޑުގެ ވަގުތުތައް ހޭދަކުރަނީ އަޅުކަމުގައެވެ. މިސްކިތްތައް ފުރިބާރުވެފައި އޮންނަނީ ދަމުނަމާދު ކުރުމާއި، ޤުރުއާން ކިޔެވުމާއި، އިޚްލާޞްތެރިކަމާއެކު ދުޢާކުރުމުގައެވެ. މާތްﷲގެ ޙަޟްރަތުގައި ފާފަ ފުއްސެވުމަށް އެދި ދެންނެވުމާއި، ރަޙްމަތަށް އެދި ދުޢާކުރުމަކީ މިރޭގެ އެންމެ މުހިއްމު އެއް މަސައްކަތެވެ. އިސްލާމީ އަޤީދާގައިވާ ގޮތުން، މިރޭ މަލާއިކަތުން ބިމަށް ފައިބައިވަޑައިގަންނަވައެވެ. އަދި ފަތިސް ވަންދެން މުއުމިނުންނަށް ސުލްހައާއި އަމާންކަން މިންވަރުކޮށްދެއްވައެވެ.
ޚުލާޞާކޮށް ދަންނަވާނަމަ، ރަމަޟާންމަހުގެ ފަހު ދިހައެއްގެ ރޭތަކަކީ ހަމައެކަނި ތާރީޚީ ރޭތަކެއް ނޫނެވެ. އެއީ އީމާންތެރިކަން އާލާކޮށް، ރޫޙާނީ ބާރުވެރިކަން ހޯދައި، މާތްﷲގެ ނިޢުމަތްތަކަށް ޝުކުރުވެރިވުމުގެ މަތިވެރި މުނާސަބަތެކެވެ.
ކިޔުންތެރިންގެ ހިޔާލު