މަސްތުވާތަކެއްޗާ ގުޅުންހުރި މައްސަލަތަކުގައި ޝަރުއީ މަރުހަލާއިން ފެންނަން ހުރި ތަފާސް ހިސާބުތަކާމެދު ވަރަށް ބޮޑަށް ކަންބޮޑުވެ ވަޑައިގަންނަވާ ކަމަށް ރައްޔިތުންގެ މަޖިލީހުގެ އައްޑޫ މިދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެ އެވެ.

ޑްރަގުގެ މައްސަލަތައް ނުބެލި ލަސްވާތީ މީސް މީޑިއާގައި އާއްމުންގެ މީހަކު ކޮށްފައިވާ ޓްވީޓެއްގައި ވަނީ، ފާއިތުވެދިޔަ 2019 ވަނަ އަހަރުވެސް ޑްރަގް ޓްރެފިކިންގެ 92 މައްސަލަ ޝަރީއަތަށް ފޮނުވިއިރު ޝަރުއީ މަރުހަލާއިން ނިމިފައިވަނީ އެންމެ 2 މައްސަލަކަމަށެވެ. އަދި މިއަހަރުގެ ޖޫން މަހުގެ ނިޔަލަށް 47 މައްސަލައެއް ހުށައަޅާފައި ވާއިރު ނިމިފައި ވަނީ އެންމެ މައްސަލައެއް ކަމަށް އެ ޓްވީޓްގައި ވެއެވެ.

މި ޓްވީޓާއި ގުޅިގެން ރޮޒޭނާ ވިދާޅުވީ މިއީ ވަރަށް ކަންބޮޑުވާ ތަފާސްހިސާބެއް ކަމަށާއި، ދަޢުލަތުގެ އިދާރާތަކުން މިހާރު ފެންނަން ހުރި ތަފާސްހިސާބުތަކަށް ރިޢާޔަތް ކުރުމަށްފަހު ރަނގަޅު ބަދަލުތަކެއް ގެނަސް ޕޮޒިޓިވް ނަތީޖާއެއް ފެންނާނެ ކަމަށް އުއްމީދު ކުރައްވާ ކަމަށެވެ.

Varah kanboduvaa fadha statistics fennamun midhanee. Alhugandah engey Minister @aishamdidi varah masakkaiy eba kuravvaakan. @HandsTmv in varah muhimmu kankan faahaga eba kurey. Mikan kamah riaayaiy koh rangalhu badhalu thakeh genevi, postive results fenumah varah edhen. https://t.co/jL689sPjsE

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) October 9, 2020

ފުލުހުން ވަނީ މި މަހުގެ ތިންވަނަ ދުވަހު އައްޑޫގައި މަސްތުވާތަކެއްޗާއި ދެކޮޅަށް ހާއްސަ އޮޕަރޭޝަނެއް ހިންގައި 98.6 ކިލޯގެ މަސްތުވާތަކެތި އަތުލައިގެންފައެވެ. ނަމަވެސް އެ މައްސަލާގައި ހައްޔަރުކުރި 14 މީހުންގެ ތެރެއިން އަށް މީހުން މިހާރު ވަނީ ދޫކޮށްލާފައެވެ.