ގަތަރާއި ޔޫކްރެއިނާ ދެމެދު 10 އަހަރު ދުވަހުގެ މުއްދަތަށް ދެމިގެންދާ ދިފާއީ އެއްބަސްވުމެއްގައި ސޮއިކޮށްފިއެވެ.
މި އެއްބަސްވުން ގާއިމުކޮށްފައިވަނީ، އީރާނުން ގަތަރުގެ ރަސް ލައްފާނަށް ދިން ހަމަލާއާ ގުޅިގެން އެމެރިކާގެ ދިފާއީ ނިޒާމަށް އޮތް އިތުބާރު ކުޑަވެ، ދިފާއީ ކަންކަމުގައި ގަތަރުން އައު މަގުތަކެއް ހޯދުމަށް ފަށާފައިވާ މަސައްކަތުގެ ދަށުންނެވެ.
މި އެއްބަސްވުމުގެ މައިގަނޑު އަމާޒަކީ ގަތަރުގެ ވައިގެ ދިފާއީ ނިޒާމު އިތުރަށް ހަރުދަނާކޮށް ވަރުގަދަކުރުމެވެ. މިގޮތުން، ޔޫކްރެއިނުން ބޭނުންވާ ޒަމާނީ ވަސީލަތްތަކާއި، ފަންނީ ލަފަޔާއި، ތަޖުރިބާކާރުންގެ އެހީތެރިކަން ގަތަރަށް ފޯރުކޮށްދޭނެއެވެ. މީގެ ބަދަލެއްގެ ގޮތުން، ޔޫކްރެއިނުގެ ހަތިޔާރު އުފައްދާ ސިނާއަތްތައް ކުރިއެރުވުމަށް ގަތަރުން ބޮޑެތި މާލީ އިންވެސްޓްމަންޓްތަކެއް ކުރުމަށް ވަނީ އިގުރާރުވެފައެވެ.
ސްޓްރެޓީޖިކް ގޮތުން ބަލާއިރު، މިއީ ދެ ގައުމަށްވެސް ނުހަނު ފައިދާހުރި އެއްބަސްވުމެކެވެ. މީގެ ސަބަބުން ޔޫކްރެއިނަށް ދިގުމުއްދަތުގެ މާލީ އެހީތެރިކަން ކަށަވަރުވުމުގެ އިތުރުން، މެދުއިރުމަތީގެ ބާޒާރުގައި އެގައުމުގެ ދައުރު ފުޅާކުރުމުގެ ފުރުސަތު ލިބިގެންދާނެއެވެ. ހަތިޔާރު އުފެއްދުމުގެ އިތުރުން، ފަންނީ އަދި އިލްމީ ދިރާސާތައް ދެގައުމުގެ މެދުގައި ހިއްސާކުރުމަށްވެސް މި އެއްބަސްވުމުގައި ހިމަނާފައިވެއެވެ.
މެދުއިރުމަތީގެ މަސްރަހު ނުތަނަވަސްވެފައިވާ މި ދަނޑިވަޅުގައި، އެމެރިކާގެ ބަދަލުގައި ޔޫކްރެއިނާއެކު ގަތަރުން މިފަދަ ގުޅުމެއް ގާއިމުކުރުމަކީ، އެމެރިކާގެ ދިފާއީ ސިޔާސަތަށް ލިބުނު ނާކާމިޔާބީއެއްގެ ގޮތުގައި ގިނަ ބަޔަކު ސިފަކުރެއެވެ. މި ބަދަލާއެކު އެމެރިކާގެ ރައީސް ޑޮނަލްޑް ޓްރަމްޕްގެ ސަރުކާރުން މިކަމަށް އިޖާބަދޭނެ ގޮތަކާމެދު މިހާރު ވަނީ ބައިނަލްއަގުވާމީ ސަމާލުކަން ހުއްޓިފައެވެ.
BREAKING: Qatar and Ukraine have signed a defence cooperation agreement, which includes the exchange of expertise in countering missiles and drone systems, according to Qatar’s Defence Ministry.
— Al Jazeera English (@AJEnglish) March 28, 2026
🔴 LIVE updates: https://t.co/gE5sJeDbFu pic.twitter.com/c4KamP0IuG
މި އެއްބަސްވުމުގެ މައިގަނޑު އަމާޒަކީ ގަތަރުގެ ވައިގެ ދިފާއީ ނިޒާމު އިތުރަށް ހަރުދަނާކޮށް ވަރުގަދަކުރުމެވެ. މިގޮތުން، ޔޫކްރެއިނުން ބޭނުންވާ ޒަމާނީ ވަސީލަތްތަކާއި، ފަންނީ ލަފަޔާއި، ތަޖުރިބާކާރުންގެ އެހީތެރިކަން ގަތަރަށް ފޯރުކޮށްދޭނެއެވެ. މީގެ ބަދަލެއްގެ ގޮތުން، ޔޫކްރެއިނުގެ ހަތިޔާރު އުފައްދާ ސިނާއަތްތައް ކުރިއެރުވުމަށް ގަތަރުން ބޮޑެތި މާލީ އިންވެސްޓްމަންޓްތަކެއް ކުރުމަށް ވަނީ އިގުރާރުވެފައެވެ.
މެދުއިރުމަތީގެ މަސްރަހު ނުތަނަވަސްވެފައިވާ މި ދަނޑިވަޅުގައި، އެމެރިކާގެ ބަދަލުގައި ޔޫކްރެއިނާއެކު ގަތަރުން މިފަދަ ގުޅުމެއް ގާއިމުކުރުމަކީ، އެމެރިކާގެ ދިފާއީ ސިޔާސަތަށް ލިބުނު ނާކާމިޔާބީއެއްގެ ގޮތުގައި ގިނަ ބަޔަކު ސިފަކުރެއެވެ. މި ބަދަލާއެކު އެމެރިކާގެ ރައީސް ޑޮނަލްޑް ޓްރަމްޕްގެ ސަރުކާރުން މިކަމަށް އިޖާބަދޭނެ ގޮތަކާމެދު މިހާރު ވަނީ ބައިނަލްއަގުވާމީ ސަމާލުކަން ހުއްޓިފައެވެ.
ކިޔުންތެރިންގެ ހިޔާލު