މަޖިލީހުގެ ކުރީގެ މެންބަރު ނަފާ ނަސީމް، ރާއްޖޭގެ މިހާރުގެ އިގްތިސާދީ ހާލަތާއި ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވެ، މީސްމީޑިއާގައި ޝުއޫރު ފާޅުކުރައްވައިފިއެވެ.

އެކްސްގައި ކުރެއްވި ފޯސްޓުތަކެއްގައި ނަފާ ވަނީ، ގައުމުގެ ދަރަނި ބޮޑުވެ، ހަރަދު ކުޑަކުރަން ޖެހިފައިވާ ދަނޑިވަޅެއްގައި ސަރުކާރުން އަމަލުކުރަމުންދާ ގޮތާމެދު ސުވާލު އުފައްދަވާފައެވެ.

ނޫހަކުން ސުވާލުކުރި މިހާރު ޚަރަދުކުޑަކުރަން އަޅަންވީ ކޮންފިޔަވަޅެއްހޭ? ޖަވާބަކީ މުސާރަތައް ބޮޑު ކުރާށޭ. ދަރަންޏަށް ބިންހިއްކާށޭ، އިތުރުއެއާޕޯޓު އަޅާށޭ، ފުލެޓު އަޅާށޭ. އެންމެނަށް ލޯނުދޭށޭ. ދުވާލުދެއިރު ސައޫދީ ދުބާއީއަށް ވަފްދުތައް ފޮނުވާށޭ! ދަރަނިފަސްކޮށް އިތުރުލޯނުނަގާށޭ! ދީ?

— NafaNaseem (@monasibnaseem) April 1, 2026

އެގޮތުން، ހަރަދު ކުޑަކުރުމުގެ ނަމުގައި ކުރެވެމުންދާ ކަންކަމަށް މަލާމާތުގެ ރާގަކަށް ނަފީސާ ވިދާޅުވީ، ހަރަދު ކުޑަކުރަން ކުރަންވީ ކަމަކީ މުސާރަތައް ބޮޑުކުރުމާއި، ދަރަންޏަށް ބިންހިއްކުމާއި، އިތުރު އެއާޕޯޓުތަކާއި ފުލެޓުތައް އެޅުން ކަމަށެވެ.

ގައުމުގެ ދަރަނި ނުދެއްކިގެން އުޅޭއިރު ، ހަނގުރާމައިގެ ސަބަބުން ޚަރަދުތައް ބޮޑުވެގެން އުޅޭއިރު.. މިހުންނަނީ ކުރަންޖެހޭ މުހިއްމު ކަންކަން. ހިކުމަތްތެރި ކެރޭ ގަޓުހުރި ވެރިން ގައުމަށްޓަކާ ކުރާ ޒާތުގެ ކަމެއް. ސާބަސްދީ އަތްޖަހާ.. ދީ? https://t.co/ahViOqfmFn

— NafaNaseem (@monasibnaseem) April 1, 2026

އަދި އެންމެނަށް ލޯނު ދޫކޮށް، ދުވާލަކު ދެއިރު ސައޫދީ އަރަބިއްޔާ އާއި ދުބާއީއަށް ވަފުދުތައް ފޮނުވައި، ދަރަނި ފަސްކުރުމަށްފަހު އިތުރަށް ލޯނު ނެގުމަކީ "ހަރަދު ކުޑަކުރަން" ކުރަންވީ ކަންކަން ކަމަށް އޭނާ ސިފަކުރެއްވިއެވެ.

ނަފާގެ ޕޯސްޓުގައި އިތުރަށް ވިދާޅުވީ، ގައުމުގެ ދަރަނި ނުދެއްކިގެން އުޅޭއިރު އަދި ދުނިޔޭގައި ހިނގަމުންދާ ހަނގުރާމަތަކުގެ ސަބަބުން ތަކެތީގެ އަގު ބޮޑުވެފައިވާ މި ދަނޑިވަޅުގައި، މިފަދަ ކަންކަން ކުރުމަކީ "ހިކުމަތްތެރި، ކެރޭ، ގަޓުހުރި" ވެރިން ގައުމަށްޓަކައި ކުރާނެ ކަންކަން ކަމަށެވެ.

މި ވާހަކަތަކާއެކު އޭނާ ވަނީ ސަރުކާރުގެ ސިޔާސަތުތަކަށް ނުސީދާކޮށް ވަރަށް ބޮޑަށް ފާޑުވިދާޅުވެ، މިއީ އަތްޖަހައި ސާބަސް ދޭންވީ ކަންކަންތޯ ސުވާލު އުފައްދަވާފައެވެ.