ރ. އުނގޫފާރު ކުނިކޮށީގައި މިއަދު ހެނދުނު ހިނގި އަލިފާނުގެ ހާދިސާއެއްގައި ރޯވި އަލިފާންގަނޑު، ފުލުހުން ކުރި މަސައްކަތުން ކޮންޓްރޯލް ކޮށްފިއެވެ.
ދިވެހި ފުލުހުންގެ ޚިދުމަތުން ބުނީ، މި ހާދިސާގެ ރިޕޯޓު އެ އިދާރާއަށް ލިބިފައިވަނީ މިއަދު ހެނދުނު 09:57 ހާއިރު ކަމަށެވެ. ހާދިސާގެ ރިޕޯޓު ލިބުމާއެކު، އުނގޫފާރުގައި ތިބޭ ފުލުހުން ވަނީ ވަގުތުން އެ ސަރަޙައްދަށް ގޮސް އަލިފާން ނިއްވުމުގެ މަސައްކަތް ފަށާފައެވެ.
ފުލުހުން ކުރި މަސައްކަތުން މިހާރު ވަނީ އަލިފާންގަނޑު އެއްކޮށް ކޮންޓްރޯލް ކުރެވިފައި ކަމަށް އެ އިދާރާއިން މަޢުލޫމާތު ދީފައިވެއެވެ. އަދި މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައިނުވެއެވެ.
ކުނިކޮށީގައި މި އަލިފާން ރޯވާން މެދުވެރިވި ސީދާ ސަބަބު އަދި ސާފުވެފައެއް ނުވެއެވެ. ނަމަވެސް، މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ބަލަންޖެހޭ އިތުރު ކަންކަން ފުލުހުން މިހާރު ދަނީ ތަޙުޤީޤުކުރަމުންނެވެ.
މިފަދަ ހާދިސާތަކަކީ ރަށްރަށުގެ ކުނިކޮށިތަކުގައި ދޭތެރެއަކުން ހިނގާ ހާދިސާތަކަކަށްވާއިރު، މިކަމުގެ ސަބަބުން ރަށުތެރެއަށް ދުމުގެ އަސަރުކޮށް، އާންމު ސިއްހަތަށް ނޭދެވޭ އަސަރުތަކެއް ކުރެއެވެ. އެހެންކަމުން ކުނި މެނޭޖްކުރުމުގައި ސަމާލުވުމަށް ކަމާބެހޭ އިދާރާތަކުން އަބަދުވެސް އިލްތިމާސްކުރެއެވެ.
ފުލުހުން ކުރި މަސައްކަތުން މިހާރު ވަނީ އަލިފާންގަނޑު އެއްކޮށް ކޮންޓްރޯލް ކުރެވިފައި ކަމަށް އެ އިދާރާއިން މަޢުލޫމާތު ދީފައިވެއެވެ. އަދި މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައިނުވެއެވެ.
މިފަދަ ހާދިސާތަކަކީ ރަށްރަށުގެ ކުނިކޮށިތަކުގައި ދޭތެރެއަކުން ހިނގާ ހާދިސާތަކަކަށްވާއިރު، މިކަމުގެ ސަބަބުން ރަށުތެރެއަށް ދުމުގެ އަސަރުކޮށް، އާންމު ސިއްހަތަށް ނޭދެވޭ އަސަރުތަކެއް ކުރެއެވެ. އެހެންކަމުން ކުނި މެނޭޖްކުރުމުގައި ސަމާލުވުމަށް ކަމާބެހޭ އިދާރާތަކުން އަބަދުވެސް އިލްތިމާސްކުރެއެވެ.
ކިޔުންތެރިންގެ ހިޔާލު