ވ .އަތޮޅުގައި ހިނގި ނުރައްކާތެރި ޑައިވިން ހާދިސާގައި ގެއްލުނު ފަތުރުވެރިން ހޯދުމުގެ އޮޕަރޭޝަނުގައި އުޅެނިކޮށް، އެމްއެންޑީއެފްގެ ކޯސްޓްގާޑު ރެސްކިއު ޓީމުގެ ސްޓާފް ސާޖަންޓް މުހައްމަދު މަހުދީ ނިޔާވުމާ ގުޅިގެން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ފުން ހިތާމައެއް ފާޅުކުރައްވައި، މި މައްސަލަ މަޖިލީހަށް ހުށަހަޅުއްވާނެ ކަމަށް ވިދާޅުވެއްޖެއެވެ.
މެންބަރު މީކާއިލް އެކްސް ގައި ކުރެއްވި ތައުޒިޔާގެ މެސެޖެއްގައި ވިދާޅުވީ، މިފަދަ ހިތާމަވެރި އަދި ކުއްލި ހާލަތެއްގައި ސްޓާފް ސާޖަންޓް މަހުދީ ވަކިވެގެންދިއުމަކީ ނުހަނު އަސަރު ކުރުވި ހިތްދަތި ހަބަރެއް ކަމަށެވެ. އަދި ނިޔާވި ފަހުލަވާނުގެ އާއިލާއަށާއި، ރަހުމަތްތެރިންނަށް އަދި އެކުގައި މަސައްކަތްކުރި ސިފައިންގެ އެންމެހާ ބޭފުޅުންނަށް މި ބުރަ ވަގުތުގައި އިހުލާސްތެރި ތައުޒިޔާ އާއި ހެޔޮ ދުއާ ފޮނުއްވާ ކަމަށް އޭނާ ވިދާޅުވިއެވެ.
މީގެއިތުރުން މީކާއިލް ފާހަގަކުރެއްވި ގޮތުގައި، ކޭވް ޑައިވިން އޮޕަރޭޝަނުގެ ތެރެއިން މި ހިތާމަވެރި ހާދިސާގެ ހަބަރު ފެންމަތިވީއްސުރެ، ދިވެހި ރައްޔިތުންގެ މެދުގައި ސަލާމަތީ ކަންކަމާ ގުޅޭގޮތުން ބޮޑެތި ކަންބޮޑުވުންތަކެއް ވަނީ އުފެދިފައެވެ.
އަދި މި ހާދިސާ ހިނގާދިޔަ ގޮތުގެ ތަހުގީގެއް މިހާރު ކުރިއަށްދާއިރު، ރާއްޖޭގެ ސަލާމަތާއި ރައްކާތެރިކަން ދަމަހައްޓާ ރެސްކިއު ޓީމުގެ މެންބަރަކު ވަކިވެގެންދިއުމަކީ މުޅި މުޖުތަމައުއަށް ލިބުނު ބޮޑު ސިހުމެއް ކަމަށާއި، މިއާއެކު ގިނަ ސުވާލުތަކެއް އުފެދުމަކީ ހައްގު މިންވަރެއް ކަމަށްވެސް އޭނާ ވިދާޅުވިއެވެ.
މެންބަރު ވިދާޅުވީ، ރާއްޖޭގެ ފުޅާވަމުން އަންނަ ފަތުރުވެރިކަމުގެ ސިނާއަތުގައި ގެންގުޅޭ ސަލާމަތީ މިންގަނޑުތަކާއި އުސޫލުތައް ކަމާބެހޭ ފަރާތްތަކުން އަލުން މުރާޖައާކޮށް ވަރުގަދަކުރުމަށް މިއީ ލިބުނު "ވޭކް އަޕް ކޯލް" އެއް ކަމަށެވެ. އަދި ރާއްޖެއަކީ ތާރީހީގޮތުންވެސް ފަތުރުވެރިންނަށް ރައްކާތެރި މަންޒިލެއްގެ ގޮތުގައި އޮތް ވަރުގަދަ ނަން ދެމެހެއްޓުމަކީ އެންމެންގެވެސް މަސްލަހަތު ހިމެނޭ ކަމެއްކަން އޭނާ ފާހަގަކުރެއްވިއެވެ.
މި ހާދިސާއާ ގުޅިގެން ރާއްޖޭގެ ޑައިވިން ސަލާމަތީ މިންގަނޑުތަކާ މެދު ކަންބޮޑުވުން ފާޅުކުރައްވަމުން މީކާއިލް ވަނީ، މި މައްސަލަ ރައްޔިތުންގެ މަޖިލީހުގެ ސަމާލުކަމަށް ގެނެސް، މަޖިލީހުގެ ތަޅުމަށް ހުށަހަޅުއްވާނެ ކަމަށް ރަސްމީކޮށް އިއުލާނު ކުރައްވާފައެވެ.
މީގެއިތުރުން މީކާއިލް ފާހަގަކުރެއްވި ގޮތުގައި، ކޭވް ޑައިވިން އޮޕަރޭޝަނުގެ ތެރެއިން މި ހިތާމަވެރި ހާދިސާގެ ހަބަރު ފެންމަތިވީއްސުރެ، ދިވެހި ރައްޔިތުންގެ މެދުގައި ސަލާމަތީ ކަންކަމާ ގުޅޭގޮތުން ބޮޑެތި ކަންބޮޑުވުންތަކެއް ވަނީ އުފެދިފައެވެ.
އަދި މި ހާދިސާ ހިނގާދިޔަ ގޮތުގެ ތަހުގީގެއް މިހާރު ކުރިއަށްދާއިރު، ރާއްޖޭގެ ސަލާމަތާއި ރައްކާތެރިކަން ދަމަހައްޓާ ރެސްކިއު ޓީމުގެ މެންބަރަކު ވަކިވެގެންދިއުމަކީ މުޅި މުޖުތަމައުއަށް ލިބުނު ބޮޑު ސިހުމެއް ކަމަށާއި، މިއާއެކު ގިނަ ސުވާލުތަކެއް އުފެދުމަކީ ހައްގު މިންވަރެއް ކަމަށްވެސް އޭނާ ވިދާޅުވިއެވެ.
މެންބަރު ވިދާޅުވީ، ރާއްޖޭގެ ފުޅާވަމުން އަންނަ ފަތުރުވެރިކަމުގެ ސިނާއަތުގައި ގެންގުޅޭ ސަލާމަތީ މިންގަނޑުތަކާއި އުސޫލުތައް ކަމާބެހޭ ފަރާތްތަކުން އަލުން މުރާޖައާކޮށް ވަރުގަދަކުރުމަށް މިއީ ލިބުނު "ވޭކް އަޕް ކޯލް" އެއް ކަމަށެވެ. އަދި ރާއްޖެއަކީ ތާރީހީގޮތުންވެސް ފަތުރުވެރިންނަށް ރައްކާތެރި މަންޒިލެއްގެ ގޮތުގައި އޮތް ވަރުގަދަ ނަން ދެމެހެއްޓުމަކީ އެންމެންގެވެސް މަސްލަހަތު ހިމެނޭ ކަމެއްކަން އޭނާ ފާހަގަކުރެއްވިއެވެ.
Heartbroken to hear about the passing of Staff Sgt Mohamed Mahudhy under such tragic circumstances. My thoughts and prayers are with his family, friends and colleagues.
— Meekail Naseem (@MickailNaseem) May 16, 2026
Maldivians have been raising their concerns since news emerged about the fatal cave diving expedition.…
މި ހާދިސާއާ ގުޅިގެން ރާއްޖޭގެ ޑައިވިން ސަލާމަތީ މިންގަނޑުތަކާ މެދު ކަންބޮޑުވުން ފާޅުކުރައްވަމުން މީކާއިލް ވަނީ، މި މައްސަލަ ރައްޔިތުންގެ މަޖިލީހުގެ ސަމާލުކަމަށް ގެނެސް، މަޖިލީހުގެ ތަޅުމަށް ހުށަހަޅުއްވާނެ ކަމަށް ރަސްމީކޮށް އިއުލާނު ކުރައްވާފައެވެ.
ކިޔުންތެރިންގެ ހިޔާލު