PAR
SUI
MAR
މި ހަފުތާގައި ފަރަންސޭސިވިލާތުގެ ރިސޯޓު ރަށެއް ކަމަށްވާ އެވިއަންގައި ބޭއްވުމަށް ހަމަޖެހިފައިވާ ގްރޫޕް އޮފް ސެވަން (ޖީ7) ސަމިޓުގައި، ދުނިޔޭގެ ބޮޑެތި ބާރުތަކާއެކު މެދުއިރުމަތީގެ ބައެއް ޤައުމުތަކުގެ އިސްވެރިން ބައިވެރިވެވަޑައިގަތުމަށް ހަމަޖެހިއްޖެއެވެ.
ތިން ދުވަހުގެ މުއްދަތަށް ކުރިއަށްދާ މި ސަމިޓް ފެށުމަށް ހަމަޖެހިފައިވަނީ ޤައުމުތަކުގެ އިސްވެރިންގެ މެދުގައި ބާއްވާ ރޭގަނޑުގެ ޚާއްޞަ ފަރިއްކޮޅަކުންނެވެ. މި ބައްދަލުވުމުގައި ދުނިޔޭގެ ބޮޑެތި އިޤްތިޞާދުތަކުގެ އިސްވެރިންގެ އިތުރުން، ޢަރަބި ޤައުމުތަކުގެ ތެރެއިން ޔުނައިޓެޑް އެރަބް އެމިރޭޓްސް (ޔޫއޭއީ)، ޤަޠަރު އަދި މިޞްރުގެ އިސްވެރިން ބައިވެރިވެވަޑައިގަންނަވާނެއެވެ.
މި ސަމިޓުގެ މައިގަނޑު މަޝްވަރާތައް ބިނާވެގެންދާނީ އީރާނާ ގުޅުންހުރި މަސްލަހަތުތަކާއި، ސްޓްރެއިޓް އޮފް ހޯރްމުޒް ނުވަތަ ހޯރްމުޒް ކަނޑުއޮޅި ބަންދުކުރުމާ ގުޅިގެން އުފެދިފައިވާ ނުތަނަވަސްކަމުގެ މައްޗަށެވެ. ދުނިޔޭގެ ހަކަތައިގެ މުހިންމު މަގަކަށްވާ ހޯރްމުޒް ކަނޑުއޮޅިން ދަތުރުފަތުރު ކުރުމަށް ހުރަސްއެޅުމަކީ ދުނިޔޭގެ ތެލުގެ ބާޒާރަށާއި އިޤްތިޞާދީ ހަމަޖެހުމަށް އޮތް ބޮޑު ނުރައްކަލެއް ކަމަށްވާތީ، ކަނޑުދަތުރުފަތުރުގެ ރައްކާތެރިކަން ކަށަވަރުކުރުމަށް ދުނިޔޭގެ ވެރިން ބާރުއަޅުއްވާނެއެވެ.
އެމެރިކާގެ ރައީސް ޑޮނަލްޑް ޓްރަމްޕް މި ސަމިޓުގައި ބައިވެރިވެވަޑައިގަންނަވާއިރު، ރަޝިޔާއާއި ޔޫކްރެއިންގެ ހަނގުރާމައާ ގުޅޭގޮތުން މަޝްވަރާކުރެއްވުމަށް ޔޫކްރެއިންގެ ރައީސް ވޮލޮޑިމީރް ޒެލެންސްކީއަށް ވެސް ވަނީ ދަޢުވަތު އަރުވާފައެވެ. ނަމަވެސް، ކުރިން އަޑު ފެތުރިފައި އޮތް ނަމަވެސް، ސޫރިޔާގެ ރައީސް އަޙްމަދު އަލް ޝަރާ މި ސަމިޓުގައި ބައިވެރިވެވަޑައިނުގަންނަވާނެކަން ފަރަންސޭސިވިލާތުގެ އޮފިޝަލުން ވަނީ ކަށަވަރުކޮށްދެއްވާފައެވެ.
ފަރަންސޭސިވިލާތުގެ އޮފިޝަލުން ހާމަކުރައްވާ ގޮތުގައި، މި ސަމިޓުގެ މަޤްޞަދަކީ ދުނިޔޭގެ ވިޔަފާރިއާއި، އާޓިފިޝަލް އިންޓެލިޖެންސްއާއި، އިސްތިރާޖީ މަޢުދަނުތަކުގެ އިތުރުން މެދުއިރުމަތީގެ ސަލާމަތީ ގޮންޖެހުންތަކާ މެދު ބައިނަލްއަޤްވާމީ އިއްތިފާޤެއް އުފެއްދުމެވެ. މީގެ އިތުރުން، އީރާނުގެ ނިއުކްލިއަރ ޕްރޮގްރާމާއި، ބެލިސްޓިކް މިސައިލްގެ ޤާބިލުކަމާ ގުޅޭގޮތުން ވެސް ފުޅާދާއިރާއެއްގައި މަޝްވަރާކުރެވޭނެއެވެ.
މި ސަމިޓުގެ ތެރެއިން ފަރަންސޭސިވިލާތުން ވަނީ ގަލްފް ސަރަޙައްދުގެ ކަނޑުގެ ސަލާމަތް ވަރުގަދަކުރުމަށްޓަކައި، އިނގިރޭސިވިލާތާއި އެހެނިހެން ބައިވެރިންނާ ގުޅިގެން ވިޔަފާރި އުޅަނދުތައް ހިމާޔަތްކުރުމަށް ދިފާޢީ އަސްކަރީ މިޝަނެއް ކުރިއަށް ގެންދިއުމުގެ ހުށަހެޅުމެއް ވެސް ކުރިމަތިލާފައެވެ.
ބައިނަލްއަޤްވާމީ މަޝްރަޙު ނުތަނަވަސްވެފައިވާ މި ދަނޑިވަޅުގައި، މި ސަމިޓުގެ ކާމިޔާބީ ވަޒަންކުރެވޭނީ ހުރިހާ ޤައުމުތަކުން އެއްބަސްވާ ގުޅިފައިވާ ބަޔާނެއް ނެރެވުމުން ކަމަށް ސިޔާސީ މުޙައްލިލުން ދެކެވަޑައިގަންނަވައެވެ.
މި ސަމިޓުގެ މައިގަނޑު މަޝްވަރާތައް ބިނާވެގެންދާނީ އީރާނާ ގުޅުންހުރި މަސްލަހަތުތަކާއި، ސްޓްރެއިޓް އޮފް ހޯރްމުޒް ނުވަތަ ހޯރްމުޒް ކަނޑުއޮޅި ބަންދުކުރުމާ ގުޅިގެން އުފެދިފައިވާ ނުތަނަވަސްކަމުގެ މައްޗަށެވެ. ދުނިޔޭގެ ހަކަތައިގެ މުހިންމު މަގަކަށްވާ ހޯރްމުޒް ކަނޑުއޮޅިން ދަތުރުފަތުރު ކުރުމަށް ހުރަސްއެޅުމަކީ ދުނިޔޭގެ ތެލުގެ ބާޒާރަށާއި އިޤްތިޞާދީ ހަމަޖެހުމަށް އޮތް ބޮޑު ނުރައްކަލެއް ކަމަށްވާތީ، ކަނޑުދަތުރުފަތުރުގެ ރައްކާތެރިކަން ކަށަވަރުކުރުމަށް ދުނިޔޭގެ ވެރިން ބާރުއަޅުއްވާނެއެވެ.
އެމެރިކާގެ ރައީސް ޑޮނަލްޑް ޓްރަމްޕް މި ސަމިޓުގައި ބައިވެރިވެވަޑައިގަންނަވާއިރު، ރަޝިޔާއާއި ޔޫކްރެއިންގެ ހަނގުރާމައާ ގުޅޭގޮތުން މަޝްވަރާކުރެއްވުމަށް ޔޫކްރެއިންގެ ރައީސް ވޮލޮޑިމީރް ޒެލެންސްކީއަށް ވެސް ވަނީ ދަޢުވަތު އަރުވާފައެވެ. ނަމަވެސް، ކުރިން އަޑު ފެތުރިފައި އޮތް ނަމަވެސް، ސޫރިޔާގެ ރައީސް އަޙްމަދު އަލް ޝަރާ މި ސަމިޓުގައި ބައިވެރިވެވަޑައިނުގަންނަވާނެކަން ފަރަންސޭސިވިލާތުގެ އޮފިޝަލުން ވަނީ ކަށަވަރުކޮށްދެއްވާފައެވެ.
ފަރަންސޭސިވިލާތުގެ އޮފިޝަލުން ހާމަކުރައްވާ ގޮތުގައި، މި ސަމިޓުގެ މަޤްޞަދަކީ ދުނިޔޭގެ ވިޔަފާރިއާއި، އާޓިފިޝަލް އިންޓެލިޖެންސްއާއި، އިސްތިރާޖީ މަޢުދަނުތަކުގެ އިތުރުން މެދުއިރުމަތީގެ ސަލާމަތީ ގޮންޖެހުންތަކާ މެދު ބައިނަލްއަޤްވާމީ އިއްތިފާޤެއް އުފެއްދުމެވެ. މީގެ އިތުރުން، އީރާނުގެ ނިއުކްލިއަރ ޕްރޮގްރާމާއި، ބެލިސްޓިކް މިސައިލްގެ ޤާބިލުކަމާ ގުޅޭގޮތުން ވެސް ފުޅާދާއިރާއެއްގައި މަޝްވަރާކުރެވޭނެއެވެ.
ބައިނަލްއަޤްވާމީ މަޝްރަޙު ނުތަނަވަސްވެފައިވާ މި ދަނޑިވަޅުގައި، މި ސަމިޓުގެ ކާމިޔާބީ ވަޒަންކުރެވޭނީ ހުރިހާ ޤައުމުތަކުން އެއްބަސްވާ ގުޅިފައިވާ ބަޔާނެއް ނެރެވުމުން ކަމަށް ސިޔާސީ މުޙައްލިލުން ދެކެވަޑައިގަންނަވައެވެ.
ކިޔުންތެރިންގެ ހިޔާލު