ދ. ކުޑަހުވަދޫ އެއާޕޯޓަށް ޤައުމީ އެއާލައިން، މޯލްޑިވިއަންގެ ޝެޑިއުލް ދަތުރުތައް މިއަދު ރަސްމީކޮށް ފަށައިފިއެވެ.
މި ދަތުރުތައް ފެށުމުގެ ގޮތުން މޯލްޑިވިއަންއިން ޚާއްޞަ ޕްރޮމޯޝަނެއް ތަޢާރަފުކޮށްފައިވާއިރު، އެއްކޮޅު ޓިކެޓެއްގެ އަގަކީ 1،111 ރުފިޔާއެވެ. މި ޕްރޮމޯޝަންގެ މަޢުލޫމާތު ހިމެނޭ ޕޯސްޓަރުތައް ވެލާނާ އިންޓަނޭޝަނަލް އެއާޕޯޓުގައި މިހާރު ވަނީ ބަހައްޓާފައެވެ.
މޯލްޑިވިއަންއިން މަޢުލޫމާތު ދިން ގޮތުގައި މާލެއާއި ކުޑަހުވަދުއާ ދެމެދު ދަތުރުތައް ފެށީ ދ. އަތޮޅުގެ ދަތުރުފަތުރުގެ ނިޒާމު ފުޅާކުރުމަށް ސަރުކާރުން ކުރަމުންދާ މަސައްކަތްތަކުގެ ދަށުންނެވެ. މި ދަތުރުތަކުގެ ސަބަބުން ތަޢުލީމީ، ޞިއްޙީ އަދި ވަޒީފާގެ އެކި ބޭނުންތަކަށް ދަތުރުކުރާ ފަރާތްތަކަށް ބޮޑެތި ލުއިފަސޭހަތަކެއް ލިބިގެންދާނެ ކަމަށް އެ އެއާލައިނުން ބުނެއެވެ. މީގެ އިތުރުން، މި ދަތުރުތަކާ އެކު ދ. އަތޮޅުގެ ވިޔަފާރިތަކަށާއި ފަތުރުވެރިކަމުގެ ދާއިރާއަށް އިތުރު ކުރިއެރުމާއި ފައިދާ ލިބޭނެ ކަމަށްވެސް މޯލްޑިވިއަންއިން ފާހަގަކުރެއެވެ.
ކުޑަހުވަދުއަށް ދަތުރުތައް ފެށުމާއެކު، މޯލްޑިވިއަންގެ ދަތުރުތައް ބާއްވާ އެތެރޭގެ އުދުހުންތަކުގެ މަންޒިލްތަކުގެ އަދަދު މިހާރު ވަނީ 18 އަށް އަރާފައެވެ.
ކުޑަހުވަދޫ އެއާޕޯޓަކީ މަންތާ އެއާއިން ހިންގަމުން އަންނަ އަދި އެ އެއާލައިންގެ މައި ހަބުގެ ގޮތުގައި ބޭނުންކުރަމުންދާ އެއާޕޯޓެކެވެ. ނަމަވެސް، ފަހަކަށް އައިސް މަންތާ އެއާގެ އެތެރޭގެ އުދުހުންތައް މަދުކޮށްފައިވާތީ، އެ އެއާލައިންގެ އެދުމުގެ މަތިން މޯލްޑިވިއަންއިން ވަނީ ކުޑަހުވަދުއަށް ޗާޓަރު ދަތުރުތަކެއް ވެސް ކޮށްދީފައެވެ. އެހެންނަމަވެސް، މަންތާ އެއާގެ އޮޕަރޭޝަންތަކަށް އައިސްފައިވާ ބަދަލުތަކާ ގުޅޭގޮތުން އެ ކުންފުނިން އަދި މިހާތަނަށް ރަސްމީކޮށް ވަކި އެއްޗެއް ހާމަކޮށްފައެއް ނުވެއެވެ.
ކުޑަހުވަދޫ އެއާޕޯޓަކީ ދ. އަތޮޅުގެ މަތީ ފަންތީގެ ރިސޯޓުތަކަށް އަންނަ ފަތުރުވެރިންނަށާއި، މާލެއާއި އަތޮޅުތެރެއާ ދެމެދު ދަތުރުކުރާ އާންމު ރައްޔިތުންނަށް ނުހަނު މުހިންމު ޚިދުމަތްތަކެއް ފޯރުކޮށްދެމުން އަންނަ އެއާޕޯޓެކެވެ.
ޤައުމީ އެއާލައިންގެ މި އައު ދަތުރުތަކާއެކު، ދ. އަތޮޅުގެ ރައްޔިތުންގެ ދަތުރުފަތުރުގެ ދަތިތަކަށް ދާއިމީ އަދި އިތުބާރުހުރި ޙައްލެއް ލިބިގެންދާނެއެވެ. އަދި މިއީ އެ ސަރަޙައްދުގެ އިޤްތިޞާދީ ޙަރަކާތްތައް އިތުރަށް ހަލުވިވެ، އަތޮޅުގެ ތަރައްޤީއަށް ލިބިގެންދިޔަ މުހިންމު ކުރިއެރުމެއް ކަމުގައި ބެލެވެއެވެ.
މޯލްޑިވިއަންއިން މަޢުލޫމާތު ދިން ގޮތުގައި މާލެއާއި ކުޑަހުވަދުއާ ދެމެދު ދަތުރުތައް ފެށީ ދ. އަތޮޅުގެ ދަތުރުފަތުރުގެ ނިޒާމު ފުޅާކުރުމަށް ސަރުކާރުން ކުރަމުންދާ މަސައްކަތްތަކުގެ ދަށުންނެވެ. މި ދަތުރުތަކުގެ ސަބަބުން ތަޢުލީމީ، ޞިއްޙީ އަދި ވަޒީފާގެ އެކި ބޭނުންތަކަށް ދަތުރުކުރާ ފަރާތްތަކަށް ބޮޑެތި ލުއިފަސޭހަތަކެއް ލިބިގެންދާނެ ކަމަށް އެ އެއާލައިނުން ބުނެއެވެ. މީގެ އިތުރުން، މި ދަތުރުތަކާ އެކު ދ. އަތޮޅުގެ ވިޔަފާރިތަކަށާއި ފަތުރުވެރިކަމުގެ ދާއިރާއަށް އިތުރު ކުރިއެރުމާއި ފައިދާ ލިބޭނެ ކަމަށްވެސް މޯލްޑިވިއަންއިން ފާހަގަކުރެއެވެ.
ކުޑަހުވަދުއަށް ދަތުރުތައް ފެށުމާއެކު، މޯލްޑިވިއަންގެ ދަތުރުތައް ބާއްވާ އެތެރޭގެ އުދުހުންތަކުގެ މަންޒިލްތަކުގެ އަދަދު މިހާރު ވަނީ 18 އަށް އަރާފައެވެ.
ކުޑަހުވަދޫ އެއާޕޯޓަކީ މަންތާ އެއާއިން ހިންގަމުން އަންނަ އަދި އެ އެއާލައިންގެ މައި ހަބުގެ ގޮތުގައި ބޭނުންކުރަމުންދާ އެއާޕޯޓެކެވެ. ނަމަވެސް، ފަހަކަށް އައިސް މަންތާ އެއާގެ އެތެރޭގެ އުދުހުންތައް މަދުކޮށްފައިވާތީ، އެ އެއާލައިންގެ އެދުމުގެ މަތިން މޯލްޑިވިއަންއިން ވަނީ ކުޑަހުވަދުއަށް ޗާޓަރު ދަތުރުތަކެއް ވެސް ކޮށްދީފައެވެ. އެހެންނަމަވެސް، މަންތާ އެއާގެ އޮޕަރޭޝަންތަކަށް އައިސްފައިވާ ބަދަލުތަކާ ގުޅޭގޮތުން އެ ކުންފުނިން އަދި މިހާތަނަށް ރަސްމީކޮށް ވަކި އެއްޗެއް ހާމަކޮށްފައެއް ނުވެއެވެ.
ޤައުމީ އެއާލައިންގެ މި އައު ދަތުރުތަކާއެކު، ދ. އަތޮޅުގެ ރައްޔިތުންގެ ދަތުރުފަތުރުގެ ދަތިތަކަށް ދާއިމީ އަދި އިތުބާރުހުރި ޙައްލެއް ލިބިގެންދާނެއެވެ. އަދި މިއީ އެ ސަރަޙައްދުގެ އިޤްތިޞާދީ ޙަރަކާތްތައް އިތުރަށް ހަލުވިވެ، އަތޮޅުގެ ތަރައްޤީއަށް ލިބިގެންދިޔަ މުހިންމު ކުރިއެރުމެއް ކަމުގައި ބެލެވެއެވެ.
ކިޔުންތެރިންގެ ހިޔާލު