ވ. އާރަށް ކުއްޔަށް ދޫކުރުމުގެ މުއާމަލާތުގެ ތެރެއިން ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ އެކައުންޓަށް ޖަމާވި ކަމަށް ބުނާ އެއް މިލިއަން ޑޮލަރަކީ ޑޮލަރު މާރުކުރުމުގެ މުއާމަލާތެއްކަން ސާބިތުކޮށްދިނުމަށް އެމަނިކުފާނުގެ ފަރާތްޕުޅުން ހުށަހެޅުއްވި ދިފާއީ ހެކިތައް ޝަރީއަތަށް ބަލައިނުގަތުމަށް ދައުލަތުން މިއަދު ކޯޓުގައި އެދިއްޖެއެވެ.
ރައީސް ޔާމީނާއި ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެންބަރު ޔޫސުފް ނައީމްގެ މައްޗަށް ދައުވާ އުފުލައިގެން ކުރިއަށްދާ މި މައްސަލައިގައި، ދައުލަތުން ތުހުމަތުކުރަނީ މައްސަލާގައި ހިމެނޭ ފައިސާއަކީ ރިޝްވަތުގެ ފައިސާ ކަމަށެވެ. ނަމަވެސް، ޔާމީނާއި ޔޫސުފް ނައީމް ވިދާޅުވަނީ އެ އެއް މިލިއަން ޑޮލަރަކީ ޑޮލަރު މާރުކުރުމުގެ މުއާމަލާތަކުން ލިބުނު ފައިސާ ކަމަށެވެ. އަދި ޔާމީންގެ އެކައުންޓަށް ޖަމާވި ޑޮލަރުގެ ބަދަލުގައި ދިވެހި ފައިސާ ޔޫސުފް ނައީމަށް ރައްދުކޮށްދިނީ ގަނޑުކޮށް ނަގުދު ފައިސާއިން ކަމަށް ވެސް ދިފާއުން ބުނެއެވެ.
މިއަދު ކުރިއަށްދިޔަ ޝަރީއަތުގެ ކުރިން ހުށަހަޅާ ހުށަހެޅުންތައް ހުށަހެޅުމުގެ މަރުހަލާގައި ދައުލަތުން ބަލައިނުގަތުމަށް އެދުނީ، ޔޫސުފް ނައީމަށް ފައިސާ ރައްދުކޮށްދިންކަން ސާބިތުކުރުމަށް ޔާމީންގެ ފަރާތްޕުޅުން ހުށަހެޅުއްވި ހަތަރު ޝަފަވީ ހެއްކަކާއި ކިތާބީ ހެއްކެކެވެ. އެއީ މާލޭގެ ކުރީގެ ޑެޕިއުޓީ މޭޔަރު އަދި މިހާރު ޔޫތު މިނިސްޓަރުގެ އެޑްވައިޒަރު އަހުމަދު ނަރީޝް، އަބްދުﷲ ރަޝީދު، ހޯރަފުށި ދާއިރާގެ މަޖިލިސް މެންބަރު މުހައްމަދު އިސްމާއީލް، ހުޅުދޫ ދާއިރާގެ މަޖިލިސް މެންބަރު މުހައްމަދު ޝާހިދު އަދި ޑޮލަރު މާރުކުރިކަން ބަޔާންކޮށްދޭ ލިޔުމެވެ.
ޕްރޮސެކިއުޓަ ޖެނެރަލްގެ އޮފީހުގެ ވަކީލު އަހުމަދު ޝަފީއު ވިދާޅުވީ، ތަހުގީގު މަރުހަލާގައި ޔާމީން ހަނުހުރުމުގެ ހައްގު ބޭނުންކުރެއްވުމަށްފަހު، އޭރު ހާމަނުކުރާ ހެކިތަކެއް ފަހުން ޝަރީއަތުގެ މަރުހަލާގައި ބަލައިނުގަނެވޭނެ ކަމަށެވެ. އަދި ޖިނާއީ އިޖުރާއަތުގެ ގާނޫނުގެ 47 ވަނަ މާއްދާގެ (ބ) އާ ހަވާލާދެއްވައި ޝަފީއު ފާހަގަކުރެއްވީ، ތުހުމަތުކުރެވޭ މީހާއާ ދެކޮޅަށް ހެއްކެއްގެ ގޮތުގައި ބޭނުންނުކުރެވޭ މައުލޫމާތެއް ނަމަ އެ މައުލޫމާތެއް ތަހުގީގަށް ހާމަކުރަން ޖެހޭނެ ކަމަށާއި އެ ހާލަތުގައި ހަނުހުރުމުގެ ހައްގު ބޭނުން ނުކުރެވޭނެ ކަމަށެވެ. މީގެ އިތުރުން ތަހުގީގުގައި ހާމަނުކޮށް ޝަރީއަތަށް ހުށަހަޅާ ހެކި ގަބޫލުނުކުރެވޭނެކަން ސުޕްރީމް ކޯޓުގެ މުހައްމަދު އަޒީމް ވާސަސް ޕީޖީ ގަޒިއްޔާއިން އެނގޭ ކަމަށް ވެސް ދައުލަތުން ބުންޏެވެ.
ދައުލަތުގެ މި ވާހަކަތަކަށް ރައްދު ދެއްވަމުން ޔާމީންގެ އިސް ވަކީލު ޑރ. މުހައްމަދު ޖަމީލް އަހުމަދު ވިދާޅުވީ، ދައުލަތުން އެ މާއްދާގެ ނާޖާއިޒު ފައިދާ ނަގަން އުޅޭ ކަމަށާއި، ތަހުގީގުގައި އެކަށީގެންވާ ވަގުތު ނުދީ، މާކުރީގެ މާލީ މުއާމަލާތްތަކާ ގުޅޭގޮތުން ގިނައިރު ވަންދެން ސުވާލުކުރުމަކީ އިންސާފުވެރި ގޮތެއް ނޫން ކަމަށެވެ. އަދި އެމްއެމްޕީއާރުސީގެ މައްސަލައިގައި އެހެން މީހުންގެ ދައުވާތައް އަނބުރާ ގެންދިޔައިރު ޔާމީނާ މެދު ތަފާތުކޮށް އަމަލުކުރާ ކަމަށް ވެސް ވިދާޅުވިއެވެ.
ރައީސް ޔާމީން ވެސް ވަނީ ކޯޓުގައި ވާހަކަފުޅު ދައްކަވާފައެވެ. އެމަނިކުފާނު ވިދާޅުވީ ތަހުގީގުގައި ހަނު ހުންނެވީ ފުލުހުން ދެއްކި ލިޔުމަކީ ތާރީހާއި ވަގުތު ޑިލީޓްކޮށް، ފުލުހުން އަމިއްލައަށް އުފައްދާފައިވާ (ފެބްރިކޭޓް ކޮށްފައިވާ) ސައްހަ ނޫން ލިޔުމަކަށް ވާތީ ކަމަށެވެ. އެހެންކަމުން އެ ލިޔުމާ ގުޅޭގޮތުން ވާހަކަ ދައްކަވަން ބޭނުންފުޅުވީ ޝަރީއަތުގެ މަޖިލީހުގައި ކަމަށާއި، ފުލުހުންގެ އަތުގައި އަދިވެސް ސައްހަ ލިޔުމެއް ނެތް ކަމަށް ޔާމީން ވިދާޅުވިއެވެ.
މީގެ އިތުރުން ޔާމީންގެ ފަރާތްޕުޅުން ވަނީ ދައުލަތުން ހުށަހަޅާފައިވާ އަހުމަދު އަދީބާއި އަބްދުﷲ ޒިޔަތުގެ ހެކިބަސް އެއްފަރާތް ކުރުމަށް އެދިވަޑައިގެންފައެވެ. އެއީ އެ ދެބޭފުޅުންގެ ކިބައިގައި ޔާމީނާ މެދު އަދާވާތްތެރިކަން އޮތްކަން ސުޕްރީމް ކޯޓުގެ ހުކުމުން އެނގެން އޮތުމާއި، ދައުލަތުން އެމީހުންނާއެކު ހަދާފައިވާ އެއްބަސްވުމަކީ ގާނޫނުން ބޭރުން ހަދާފައިވާ އެއްބަސްވުމަކަށް ވާތީ ކަމަށް ދިފާއުން ބުންޏެވެ. ނަމަވެސް ދައުލަތުން ވަނީ އެ ދެމީހުންގެ ހެކިބަސް ބަލައިނުގަނެވޭނެ ސަބަބެއް ނެތް ކަމަށާއި އެ ހެކިތަކަށް ބާރުދޭ އެހެން ހެކިތައް ހުންނާނެ ކަމަށް ބުނެފައެވެ.
މިއަދުގެ އަޑުއެހުމުގައި ދައުލަތުން ހުށަހެޅި އިކޮނޮމިކް ކައުންސިލްގެ ސޮއި ނެތް ލިޔުމަކާ ގުޅިގެންނާއި، މައްސަލައާ ސީދާ ގުޅުމެއް ނެތް އައްލާމް ލަތީފްގެ ބަޔާނާ ގުޅޭގޮތުން ގާޒީ ވަނީ ދައުލަތާ ސުވާލު ކުރައްވާފައެވެ. އަދި ދައުލަތުން ހުށަހެޅި ފޯން ކޯލް އޯޑިއޯތަކަކީ ޔާމީންގެ އަޑުކަން ކަށަވަރުކޮށްފައި ނުވާ އޯޑިއޯތަކެއް ކަމަށް ވެސް ދައުލަތުން ކޯޓުގައި ވަނީ އެއްބަސްވެފައެވެ.
ޝަރީއަތް ނިންމަވާލައްވަމުން ރައީސް ޔާމީން ވަނީ މައްސަލަ އަވަސްކޮށްދެއްވުމަށާއި، ކޮންމެހެން ހާޒިރުވާން ނުޖެހޭ އަޑުއެހުންތައް އޮންލައިންކޮށް ބާއްވައިދިނުމަށް އެދިވަޑައިގެންފައެވެ. ނަމަވެސް، ފަނޑިޔާރު ވިދާޅުވީ މިއަހަރު ތެރޭގައި މައްސަލަ ނިންމަވާނެ ކަމަށާއި، އަޑުއެހުންތައް ކުރިއަށްދާނީ ކޯޓަށް ހާޒިރުކޮށްގެން ކަމަށެވެ. މި މައްސަލައިގެ އިތުރު އަޑުއެހުމެއް އަންނަ މަހުގެ 12 ވަނަ ދުވަހު ބާއްވާ ފުއްގިރި އަޑުއެހުމަށްފަހު އޮންނާނެ ކަމަށް އިއުލާން ކުރައްވައި މިއަދުގެ އަޑުއެހުން ވަނީ ނިންމާލައްވާފައެވެ.
މިއަދު ކުރިއަށްދިޔަ ޝަރީއަތުގެ ކުރިން ހުށަހަޅާ ހުށަހެޅުންތައް ހުށަހެޅުމުގެ މަރުހަލާގައި ދައުލަތުން ބަލައިނުގަތުމަށް އެދުނީ، ޔޫސުފް ނައީމަށް ފައިސާ ރައްދުކޮށްދިންކަން ސާބިތުކުރުމަށް ޔާމީންގެ ފަރާތްޕުޅުން ހުށަހެޅުއްވި ހަތަރު ޝަފަވީ ހެއްކަކާއި ކިތާބީ ހެއްކެކެވެ. އެއީ މާލޭގެ ކުރީގެ ޑެޕިއުޓީ މޭޔަރު އަދި މިހާރު ޔޫތު މިނިސްޓަރުގެ އެޑްވައިޒަރު އަހުމަދު ނަރީޝް، އަބްދުﷲ ރަޝީދު، ހޯރަފުށި ދާއިރާގެ މަޖިލިސް މެންބަރު މުހައްމަދު އިސްމާއީލް، ހުޅުދޫ ދާއިރާގެ މަޖިލިސް މެންބަރު މުހައްމަދު ޝާހިދު އަދި ޑޮލަރު މާރުކުރިކަން ބަޔާންކޮށްދޭ ލިޔުމެވެ.
ޕްރޮސެކިއުޓަ ޖެނެރަލްގެ އޮފީހުގެ ވަކީލު އަހުމަދު ޝަފީއު ވިދާޅުވީ، ތަހުގީގު މަރުހަލާގައި ޔާމީން ހަނުހުރުމުގެ ހައްގު ބޭނުންކުރެއްވުމަށްފަހު، އޭރު ހާމަނުކުރާ ހެކިތަކެއް ފަހުން ޝަރީއަތުގެ މަރުހަލާގައި ބަލައިނުގަނެވޭނެ ކަމަށެވެ. އަދި ޖިނާއީ އިޖުރާއަތުގެ ގާނޫނުގެ 47 ވަނަ މާއްދާގެ (ބ) އާ ހަވާލާދެއްވައި ޝަފީއު ފާހަގަކުރެއްވީ، ތުހުމަތުކުރެވޭ މީހާއާ ދެކޮޅަށް ހެއްކެއްގެ ގޮތުގައި ބޭނުންނުކުރެވޭ މައުލޫމާތެއް ނަމަ އެ މައުލޫމާތެއް ތަހުގީގަށް ހާމަކުރަން ޖެހޭނެ ކަމަށާއި އެ ހާލަތުގައި ހަނުހުރުމުގެ ހައްގު ބޭނުން ނުކުރެވޭނެ ކަމަށެވެ. މީގެ އިތުރުން ތަހުގީގުގައި ހާމަނުކޮށް ޝަރީއަތަށް ހުށަހަޅާ ހެކި ގަބޫލުނުކުރެވޭނެކަން ސުޕްރީމް ކޯޓުގެ މުހައްމަދު އަޒީމް ވާސަސް ޕީޖީ ގަޒިއްޔާއިން އެނގޭ ކަމަށް ވެސް ދައުލަތުން ބުންޏެވެ.
ދައުލަތުގެ މި ވާހަކަތަކަށް ރައްދު ދެއްވަމުން ޔާމީންގެ އިސް ވަކީލު ޑރ. މުހައްމަދު ޖަމީލް އަހުމަދު ވިދާޅުވީ، ދައުލަތުން އެ މާއްދާގެ ނާޖާއިޒު ފައިދާ ނަގަން އުޅޭ ކަމަށާއި، ތަހުގީގުގައި އެކަށީގެންވާ ވަގުތު ނުދީ، މާކުރީގެ މާލީ މުއާމަލާތްތަކާ ގުޅޭގޮތުން ގިނައިރު ވަންދެން ސުވާލުކުރުމަކީ އިންސާފުވެރި ގޮތެއް ނޫން ކަމަށެވެ. އަދި އެމްއެމްޕީއާރުސީގެ މައްސަލައިގައި އެހެން މީހުންގެ ދައުވާތައް އަނބުރާ ގެންދިޔައިރު ޔާމީނާ މެދު ތަފާތުކޮށް އަމަލުކުރާ ކަމަށް ވެސް ވިދާޅުވިއެވެ.
ރައީސް ޔާމީން ވެސް ވަނީ ކޯޓުގައި ވާހަކަފުޅު ދައްކަވާފައެވެ. އެމަނިކުފާނު ވިދާޅުވީ ތަހުގީގުގައި ހަނު ހުންނެވީ ފުލުހުން ދެއްކި ލިޔުމަކީ ތާރީހާއި ވަގުތު ޑިލީޓްކޮށް، ފުލުހުން އަމިއްލައަށް އުފައްދާފައިވާ (ފެބްރިކޭޓް ކޮށްފައިވާ) ސައްހަ ނޫން ލިޔުމަކަށް ވާތީ ކަމަށެވެ. އެހެންކަމުން އެ ލިޔުމާ ގުޅޭގޮތުން ވާހަކަ ދައްކަވަން ބޭނުންފުޅުވީ ޝަރީއަތުގެ މަޖިލީހުގައި ކަމަށާއި، ފުލުހުންގެ އަތުގައި އަދިވެސް ސައްހަ ލިޔުމެއް ނެތް ކަމަށް ޔާމީން ވިދާޅުވިއެވެ.
މީގެ އިތުރުން ޔާމީންގެ ފަރާތްޕުޅުން ވަނީ ދައުލަތުން ހުށަހަޅާފައިވާ އަހުމަދު އަދީބާއި އަބްދުﷲ ޒިޔަތުގެ ހެކިބަސް އެއްފަރާތް ކުރުމަށް އެދިވަޑައިގެންފައެވެ. އެއީ އެ ދެބޭފުޅުންގެ ކިބައިގައި ޔާމީނާ މެދު އަދާވާތްތެރިކަން އޮތްކަން ސުޕްރީމް ކޯޓުގެ ހުކުމުން އެނގެން އޮތުމާއި، ދައުލަތުން އެމީހުންނާއެކު ހަދާފައިވާ އެއްބަސްވުމަކީ ގާނޫނުން ބޭރުން ހަދާފައިވާ އެއްބަސްވުމަކަށް ވާތީ ކަމަށް ދިފާއުން ބުންޏެވެ. ނަމަވެސް ދައުލަތުން ވަނީ އެ ދެމީހުންގެ ހެކިބަސް ބަލައިނުގަނެވޭނެ ސަބަބެއް ނެތް ކަމަށާއި އެ ހެކިތަކަށް ބާރުދޭ އެހެން ހެކިތައް ހުންނާނެ ކަމަށް ބުނެފައެވެ.
ޝަރީއަތް ނިންމަވާލައްވަމުން ރައީސް ޔާމީން ވަނީ މައްސަލަ އަވަސްކޮށްދެއްވުމަށާއި، ކޮންމެހެން ހާޒިރުވާން ނުޖެހޭ އަޑުއެހުންތައް އޮންލައިންކޮށް ބާއްވައިދިނުމަށް އެދިވަޑައިގެންފައެވެ. ނަމަވެސް، ފަނޑިޔާރު ވިދާޅުވީ މިއަހަރު ތެރޭގައި މައްސަލަ ނިންމަވާނެ ކަމަށާއި، އަޑުއެހުންތައް ކުރިއަށްދާނީ ކޯޓަށް ހާޒިރުކޮށްގެން ކަމަށެވެ. މި މައްސަލައިގެ އިތުރު އަޑުއެހުމެއް އަންނަ މަހުގެ 12 ވަނަ ދުވަހު ބާއްވާ ފުއްގިރި އަޑުއެހުމަށްފަހު އޮންނާނެ ކަމަށް އިއުލާން ކުރައްވައި މިއަދުގެ އަޑުއެހުން ވަނީ ނިންމާލައްވާފައެވެ.
ކިޔުންތެރިންގެ ހިޔާލު