ޤައުމީ އެއާލައިން، މޯލްޑިވިއަން އަށް ގެނައި އިޞްލާޙީ ހެޔޮ ބަދަލުތަކާއެކު، މާލީ ދަތިތަކުން އަރައިގަނެ އެ އެއާލައިނުން ފާހަގަކޮށްލެވޭ ފަދަ ކުރިއެރުންތަކެއް ހޯދަމުން އަންނަކަމަށް މިނިސްޓަރ އޮފް ޓޫރިޒަމް އެންޑް ސިވިލް އޭވިއޭޝަން މުޙައްމަދު އަމީން ވިދާޅުވެއްޖެއެވެ.
މިނިސްޓަރު މިހެން ވިދާޅުވީ މޯލްޑިވިއަންގެ އައު ސީޕްލޭން ޓާމިނަލް ރަސްމީކޮށް ހުޅުވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
މި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު އަމީން ވިދާޅުވީ، މޯލްޑިވިއަންގެ އޮނިގަނޑަށް މިފަހުން ގެނައި ބަދަލުތަކަކީ ވައިގެ ދަތުރުފަތުރުގެ ދާއިރާގެ ބައިނަލްއަޤްވާމީ މިންގަނޑުތަކާ އެއްގޮތަށް ކުރިއަށްދާ ކަމުގެ ހެއްކެއް ކަމަށާއި، މިގޮތުން ހުޅުވިގެންދިޔަ ޒަމާނީ ސީޕްލޭން ޓާމިނަލަކީ އޭގެ އަލިގަދަ ހެއްކެއް ކަމަށެވެ. އަދި މޯލްޑިވިއަން އަލުން ކޮޅަށް ޖެހުމަށް ކުރެވެމުންދާ މަސައްކަތްތަކަކީ ސަރުކާރު ހިއްސާވާ ކުންފުނިތައް (އެސްއޯއީ) ކާމިޔާބުކަމާއެކު އަލުން އާރާސްތު ކުރުމުގައި ނަމޫނާ މިސާލެއް ކަމަށް މިނިސްޓަރު ވިދާޅުވިއެވެ.
ހަމައެއާއެކު މިނިސްޓަރު ވިދާޅުވީ، 2018 އިން 2023 އާ ދެމެދު އެއާލައިން ހިންގުމުގައި ހެދިފައިވާ ގޯސްތަކުގެ ސަބަބުން ކުންފުނީގެ އޮޕަރޭޝަންތަކަށް ބޮޑެތި ލޮޅުންތަކެއް އަރައި، ބޮޑެތި ދަރަނިތަކަކާ ކުރިމަތިލާން ޖެހުނު ކަމަށެވެ. ނަމަވެސް، ވޭތުވެދިޔަ ތިން އަހަރު ދުވަހުގެ ތެރޭގައި ސަރުކާރުން ވަނީ އެއާލައިންގެ ޚިދުމަތްތައް މުޅިން އައު އޮނިގަނޑަކަށް ބަދަލުކޮށް، އޮޕަރޭޝަނަލް ގޮތުން ބޮޑެތި އިޞްލާޙުތަކެއް ގެނެސްފައި ކަމަށް ވަޒީރު ވިދާޅުވިއެވެ.
"އަޅުގަނޑުމެންގެ އަމާޒަކީ ހަމައެކަނި އިންފްރާސްޓްރަކްޗަރ އަދި ކެޕިޓަލް އެސެޓްތައް ހޯދުމަށް އިސްކަންދިނުމުގެ ބަދަލުގައި، މުވައްޒަފުން މަސައްކަތްކުރާ މާޙައުލު ރަނގަޅުކޮށްދިނުން،" މުވައްޒަފުންނަށް ބޭނުންވާ އަސާސީ ޚިދުމަތްތައް ފޯރުކޮށްދިނުމަކީ ކޮންމެހެން ކުރަންޖެހޭ ކަމެއްކަން ފާހަގަކުރައްވަމުން މިނިސްޓަރު ވިދާޅުވިއެވެ.
ވަޒީރު ވަނީ މުވައްޒަފުންގެ ލާބައަށް ކުރެވެމުންދާ މަސައްކަތްތަކުގެ ދަށުން، މޯލްޑިވިއަން ހިންގާ އައިލެންޑް އޭވިއޭޝަން ސަރވިސަސްގެ މުވައްޒަފުންނަށް ކުރިމަތިވެފައިވާ ބޯހިޔާވަހިކަމުގެ ދަތިތަކަށް ޙައްލެއް ހޯދައިދިނުމަށް ސަރުކާރުން މިހާރު ދެ ބިން ހަމަޖައްސައިދީފައި ކަމަށް ވިދާޅުވެފައެވެ. އަދި މި މަޝްރޫޢުގެ އަމަލީ މަސައްކަތް ވަރަށް އަވަހަށް ފެށިގެންދާނެ ކަމަށާއި، އައިލެންޑް އޭވިއޭޝަންގެ އޮޕަރޭޝަނަލް ޔުނިޓްތައް ޤާއިމުކުރުމަށްޓަކައި ޚާއްޞަ އިމާރާތެއް އެޅުމުގެ މަސައްކަތްވެސް މިހާރު ބާރަށް ކުރިއަށްކަން ވަޒީރުގެ ވާހަކަފުޅުގައި ފާހަގަ ކުރެއްވިއެވެ.
މި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު އަމީން ވިދާޅުވީ، މޯލްޑިވިއަންގެ އޮނިގަނޑަށް މިފަހުން ގެނައި ބަދަލުތަކަކީ ވައިގެ ދަތުރުފަތުރުގެ ދާއިރާގެ ބައިނަލްއަޤްވާމީ މިންގަނޑުތަކާ އެއްގޮތަށް ކުރިއަށްދާ ކަމުގެ ހެއްކެއް ކަމަށާއި، މިގޮތުން ހުޅުވިގެންދިޔަ ޒަމާނީ ސީޕްލޭން ޓާމިނަލަކީ އޭގެ އަލިގަދަ ހެއްކެއް ކަމަށެވެ. އަދި މޯލްޑިވިއަން އަލުން ކޮޅަށް ޖެހުމަށް ކުރެވެމުންދާ މަސައްކަތްތަކަކީ ސަރުކާރު ހިއްސާވާ ކުންފުނިތައް (އެސްއޯއީ) ކާމިޔާބުކަމާއެކު އަލުން އާރާސްތު ކުރުމުގައި ނަމޫނާ މިސާލެއް ކަމަށް މިނިސްޓަރު ވިދާޅުވިއެވެ.
ހަމައެއާއެކު މިނިސްޓަރު ވިދާޅުވީ، 2018 އިން 2023 އާ ދެމެދު އެއާލައިން ހިންގުމުގައި ހެދިފައިވާ ގޯސްތަކުގެ ސަބަބުން ކުންފުނީގެ އޮޕަރޭޝަންތަކަށް ބޮޑެތި ލޮޅުންތަކެއް އަރައި، ބޮޑެތި ދަރަނިތަކަކާ ކުރިމަތިލާން ޖެހުނު ކަމަށެވެ. ނަމަވެސް، ވޭތުވެދިޔަ ތިން އަހަރު ދުވަހުގެ ތެރޭގައި ސަރުކާރުން ވަނީ އެއާލައިންގެ ޚިދުމަތްތައް މުޅިން އައު އޮނިގަނޑަކަށް ބަދަލުކޮށް، އޮޕަރޭޝަނަލް ގޮތުން ބޮޑެތި އިޞްލާޙުތަކެއް ގެނެސްފައި ކަމަށް ވަޒީރު ވިދާޅުވިއެވެ.
ވަޒީރު ވަނީ މުވައްޒަފުންގެ ލާބައަށް ކުރެވެމުންދާ މަސައްކަތްތަކުގެ ދަށުން، މޯލްޑިވިއަން ހިންގާ އައިލެންޑް އޭވިއޭޝަން ސަރވިސަސްގެ މުވައްޒަފުންނަށް ކުރިމަތިވެފައިވާ ބޯހިޔާވަހިކަމުގެ ދަތިތަކަށް ޙައްލެއް ހޯދައިދިނުމަށް ސަރުކާރުން މިހާރު ދެ ބިން ހަމަޖައްސައިދީފައި ކަމަށް ވިދާޅުވެފައެވެ. އަދި މި މަޝްރޫޢުގެ އަމަލީ މަސައްކަތް ވަރަށް އަވަހަށް ފެށިގެންދާނެ ކަމަށާއި، އައިލެންޑް އޭވިއޭޝަންގެ އޮޕަރޭޝަނަލް ޔުނިޓްތައް ޤާއިމުކުރުމަށްޓަކައި ޚާއްޞަ އިމާރާތެއް އެޅުމުގެ މަސައްކަތްވެސް މިހާރު ބާރަށް ކުރިއަށްކަން ވަޒީރުގެ ވާހަކަފުޅުގައި ފާހަގަ ކުރެއްވިއެވެ.
ކިޔުންތެރިންގެ ހިޔާލު