ބޮޑުތަކުރުފާނު މަގު ފުޅާކޮށް ޒަމާނީ ފެންވަރަށް ތަރައްގީ ކުރުމުގެ މަސައްކަތަށް ސުނާމީ ބިނާ ސަރަހައްދުން ފެށިގެން އެމްޕީއެލްއާ ހަމައަށް މަގުމަތީގައި ހުރި އުޅަނދުތަކާއި އެހެނިހެން ތަކެތި ނެގުމަށް ހައުސިން މިނިސްޓްރީން އަންގައިފިއެވެ.
ހައުސިން މިނިސްޓްރީން ކުރި އިއުލާނެއްގައި ބުނެފައިވަނީ ބޮޑުތަކުރުފާނު މަގު ތަރައްގީކުރުމުގެ މަޝްރޫޢުގެ ދަށުން ސުނާމީ ބިނާއިން ފެށިގެން އެމްޕީއެލްއާ ހަމައަށް މަގު ހެދުމުގެ އަމަލީ މަސައްކަތް ފެށުމަށް ހަމަޖެހިފައިވާ ކަމަށެވެ.
އެހެންކަމުން އެ ސަރަހައްދުގެ މަގުމަތީގައި ބަހައްޓާފައިވާ އުޅަނދުތަކާއި އެހެނިހެން ތަކެއްޗާއި، އަދި ސުނާމީ ބިނާ ސަރަހައްދުގައި އަޅާފައިވާ އުޅަނދުފަހަރު އަންނަ ހޮނިހިރު ދުވަހުގެ ނިޔަލަށް ނެގުމަށް ހައުސިން މިނިސްޓްރީން ވަނީ އެދިފައެވެ. އަދި އެ ތާރީޚުގެ ފަހުން ނުނަގައި ހުންނަ ތަކެއްޗާއި އުޅަނދުފަހަރު މިނިސްޓްރީން ނަގާނެ ކަމަށް އެ ބަޔާނުގައި ބުނެފައިވެއެެވެ.
މާލޭގެ ބޮޑުތަކުރުފާނު މަގު ފުޅާކޮށް، ތާރުއަޅައިގެން ތަރައްގީކުރުމުގެ މަޝްރޫއުގެ ތިން ވަނަ ފިޔަވަހި ފެށުމަށްޓަކައި އެ މަގުގެ ވެސްޓް ޕާކު ސަރަހައްދު ވެސް މިހާރު އޮތީ ބަންދުކޮށްފައެވެ.
މާލޭގެ ބޮޑުތަކުރުފާނު މަގު ފުޅާކޮށް، ތާރުއަޅައިގެން ތަރައްގީކުރުމުގެ މަޝްރޫއުގެ ތިން ވަނަ ފިޔަވަހި ފެށުމަށްޓަކައި އެ މަގުގެ ވެސްޓް ޕާކު ސަރަހައްދު ވެސް މިހާރު އޮތީ ބަންދުކޮށްފައެވެ.
ކިޔުންތެރިންގެ ހިޔާލު