ދިވެހިރާއްޖެއަކީ ފުރިހަމައަށް ތަރައްގީވެފައިވާ ގައުމަކަށް ހެދުމަށް ސަރުކާރުން ކުރަމުންދާ މަސައްކަތްތަކުގައި، ޒުވާނުން އަމިއްލަ އިސްނެގުމާއެކު ބައިވެރިވުމަކީ ކޮންމެހެން މުހިންމު ކަމެއް ކަމުގައި ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ވިދާޅުވެއްޖެއެވެ.
ނައިބު ރައީސް މިހެން ވިދާޅުވީ ވިލާ ކޮލެޖުގެ މިއަހަރުގެ "ސްޓޫޑެންޓް އެޗީވްމަންޓް އެވޯޑްސް" ދިނުމަށް ބޭއްވި ހާއްސަ ރަސްމިއްޔާތު ޝަރަފުވެރިކޮށްދެއްވައި ވާހަކަފުޅު ދައްކަވަމުންނެވެ.
އެ ރަސްމިއްޔާތުގައި ވާހަކަފުޅު ދައްކަވަމުން ނައިބު ރައީސް ފާހަގަކުރެއްވި ގޮތުގައި، މަތީ ތައުލީމު ހާސިލުކޮށް ނިމޭ ދަރިވަރުން އެ ލިބިގަތް އިލްމާއި ހުނަރުގެ ބޭނުން ހިފަންވާނީ ގައުމީ ކުރިއެރުމާ ގުޅިފައިވާ ދާއިރާތަކަށް އައު އަދި އީޖާދީ ހައްލުތައް ހޯދައިދިނުމަށެވެ. މުޖުތަމައުގައި ހުރި އެކިއެކި ގޮންޖެހުންތަކުން އަރައިގަތުމަށްޓަކައި، ދެމެހެއްޓެނިވި ވިސްނުމަކާއެކު ދަރިވަރުން މަސައްކަތް ކުރާނެ ކަމާމެދު ޝައްކެއް ނެތް ކަމަށްވެސް އެމަނިކުފާނު ވިދާޅުވިއެވެ.
މީގެއިތުރުން، ދަސްވެނިވި ފަރާތްތަކުގެ ތެރޭގައި މިހާރުވެސް އަމަލީ މައިދާނުގެ ޒިންމާދާރު މަގާމުތައް ފުރަމުންދާ ފަރާތްތައް ތިބިކަން ފާހަގަކުރައްވައި، އަލަށް މަސައްކަތުގެ މާހައުލަށް ވަންނަ ޒުވާނުންނާ ގުޅިގެން މުއައްސަސާތަކުގެ ހިދުމަތުގެ ފެންވަރު ރަނގަޅުކުރުމަށް މަސައްކަތްކުރުމަށް އެމަނިކުފާނު އެދިވަޑައިގެންނެވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ތަސައްވުރާ ބެހޭގޮތުން ވާހަކަފުޅު ދައްކަވަމުން ނައިބު ރައީސް ވިދާޅުވީ، 2040 ވަނަ އަހަރު އަންނަންވާއިރަށް ރާއްޖެއަކީ ތަރައްގީވެފައިވާ ގައުމަކަށް ހެދުމަށް ސަރުކާރުން ފަށާފައިވާ ދަތުރަކީ ކޮންމެ ދިވެއްސެއްގެވެސް އުންމީދުތަކާ ގުޅިފައިވާ ކަމެއް ކަމަށެވެ. އަދި މި އަމާޒަށް ވާސިލުވެވޭނީ އެންމެހާ ރައްޔިތުންނާއި، ހާއްސަކޮށް ޒުވާނުން އެބޭފުޅުންގެ އީޖާދީ ފިކުރާއެކު އަމިއްލައަށް އިސްނަގައިގެން ކުރިއަށް ނުކުމެ، އެއްބާރުލުން ދީގެން ކަމަށްވެސް ވިދާޅުވިއެވެ.
ތައުލީމީ ދާއިރާގެ މުހިންމުކަމަށް އަލިއަޅުއްވާލައްވަމުން އެމަނިކުފާނު ވިދާޅުވީ، ގިނަ އަދަދެއްގެ ދަރިވަރުން ކާމިޔާބުކަމާއެކު ކިޔެވުން ނިންމުމަކީ ގައުމުގެ މައްސަލަތައް ހައްލުކުރުމަށް ލިބޭ ބޮޑު ބާރެއް ކަމަށެވެ. އަދި މުސްތަގުބަލަށް އަމާޒުހިފާއިރު، ޒަމާނީ ވަސީލަތްތަކާއި ހުނަރުވެރިކަން ތަރައްގީކުރުމަށް ސަމާލުކަން ދިނުމަށް އެދިވަޑައިގެންނެވިއެވެ.
މި ރަސްމިއްޔާތު ނިންމަވާލައްވަމުން ނައިބު ރައީސް ވަނީ ވިލާ ކޮލެޖުން ތައުލީމީ ދާއިރާއަށް ހޯދައިދީފައިވާ ކުރިއެރުންތަ
އް ފާހަގަކުރައްވައި، އެ ކޮލެޖުގެ ބާނީ ޤާސިމް އިބްރާހީމަށާއި މެނޭޖުމަންޓުގެ އިސްވެރިން ކުރައްވަމުން ގެންދަވާ އަގުހުރި ހިދުމަތްތަކަށް ޝުކުރު އަދާކުރައްވާފައެވެ.
އެ ރަސްމިއްޔާތުގައި ވާހަކަފުޅު ދައްކަވަމުން ނައިބު ރައީސް ފާހަގަކުރެއްވި ގޮތުގައި، މަތީ ތައުލީމު ހާސިލުކޮށް ނިމޭ ދަރިވަރުން އެ ލިބިގަތް އިލްމާއި ހުނަރުގެ ބޭނުން ހިފަންވާނީ ގައުމީ ކުރިއެރުމާ ގުޅިފައިވާ ދާއިރާތަކަށް އައު އަދި އީޖާދީ ހައްލުތައް ހޯދައިދިނުމަށެވެ. މުޖުތަމައުގައި ހުރި އެކިއެކި ގޮންޖެހުންތަކުން އަރައިގަތުމަށްޓަކައި، ދެމެހެއްޓެނިވި ވިސްނުމަކާއެކު ދަރިވަރުން މަސައްކަތް ކުރާނެ ކަމާމެދު ޝައްކެއް ނެތް ކަމަށްވެސް އެމަނިކުފާނު ވިދާޅުވިއެވެ.
މީގެއިތުރުން، ދަސްވެނިވި ފަރާތްތަކުގެ ތެރޭގައި މިހާރުވެސް އަމަލީ މައިދާނުގެ ޒިންމާދާރު މަގާމުތައް ފުރަމުންދާ ފަރާތްތައް ތިބިކަން ފާހަގަކުރައްވައި، އަލަށް މަސައްކަތުގެ މާހައުލަށް ވަންނަ ޒުވާނުންނާ ގުޅިގެން މުއައްސަސާތަކުގެ ހިދުމަތުގެ ފެންވަރު ރަނގަޅުކުރުމަށް މަސައްކަތްކުރުމަށް އެމަނިކުފާނު އެދިވަޑައިގެންނެވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ތަސައްވުރާ ބެހޭގޮތުން ވާހަކަފުޅު ދައްކަވަމުން ނައިބު ރައީސް ވިދާޅުވީ، 2040 ވަނަ އަހަރު އަންނަންވާއިރަށް ރާއްޖެއަކީ ތަރައްގީވެފައިވާ ގައުމަކަށް ހެދުމަށް ސަރުކާރުން ފަށާފައިވާ ދަތުރަކީ ކޮންމެ ދިވެއްސެއްގެވެސް އުންމީދުތަކާ ގުޅިފައިވާ ކަމެއް ކަމަށެވެ. އަދި މި އަމާޒަށް ވާސިލުވެވޭނީ އެންމެހާ ރައްޔިތުންނާއި، ހާއްސަކޮށް ޒުވާނުން އެބޭފުޅުންގެ އީޖާދީ ފިކުރާއެކު އަމިއްލައަށް އިސްނަގައިގެން ކުރިއަށް ނުކުމެ، އެއްބާރުލުން ދީގެން ކަމަށްވެސް ވިދާޅުވިއެވެ.
ތައުލީމީ ދާއިރާގެ މުހިންމުކަމަށް އަލިއަޅުއްވާލައްވަމުން އެމަނިކުފާނު ވިދާޅުވީ، ގިނަ އަދަދެއްގެ ދަރިވަރުން ކާމިޔާބުކަމާއެކު ކިޔެވުން ނިންމުމަކީ ގައުމުގެ މައްސަލަތައް ހައްލުކުރުމަށް ލިބޭ ބޮޑު ބާރެއް ކަމަށެވެ. އަދި މުސްތަގުބަލަށް އަމާޒުހިފާއިރު، ޒަމާނީ ވަސީލަތްތަކާއި ހުނަރުވެރިކަން ތަރައްގީކުރުމަށް ސަމާލުކަން ދިނުމަށް އެދިވަޑައިގެންނެވިއެވެ.
އް ފާހަގަކުރައްވައި، އެ ކޮލެޖުގެ ބާނީ ޤާސިމް އިބްރާހީމަށާއި މެނޭޖުމަންޓުގެ އިސްވެރިން ކުރައްވަމުން ގެންދަވާ އަގުހުރި ހިދުމަތްތަކަށް ޝުކުރު އަދާކުރައްވާފައެވެ.
ކިޔުންތެރިންގެ ހިޔާލު