ދިރިއުޅުމުގެ ޚަރަދުތައް ކުޑަކޮށް، ފެންވަރު ރަނގަޅު ތާޒާ ކާބޯތަކެތި ހެޔޮއަގުގައި ހޯދަން ބޭނުންވާ ފަރާތްތަކަށް މަޑިހާ ކުންފުނިން ހިންގާ މަޤްބޫލު "އުފަންވެލި" ފިހާރަތަކުން ރަނުގެ ފުރުޞަތެއް ހުޅުވާލައިފިއެވެ.

މާދަމާއިން ފެށިގެން އޮކްޓޫބަރު 17 ވާ ހޮނިހިރު ދުވަހުގެ ނިޔަލަށް ކުރިއަށްގެންދާ ތިން ދުވަހުގެ މި ޚާއްޞަ ޕްރޮމޯޝަނަކީ އާންމު ދިރިއުޅުމަށް އެންމެ ބޭނުންތެރި މުދާ ހެޔޮއަގުގައި އެއް ފުރާޅެއްގެ ދަށުން ހޯދުމަށް ލިބޭނެ ވަރަށް ބޮޑު ލުޔެކެވެ.

މާލެ އަދި ހުޅުމާލޭގައި ހުންނަ އުފަންވެލީގެ ހުރިހާ ފިހާރައެއްގައި ކުރިއަށްދާ މި ޕްރޮމޯޝަންގެ ދަށުން، ކޮންމެ ގެއެއްގެ ބަދިގެއަށް ވެސް ކޮންމެހެން ބޭނުންވާ އަސާސީ ބާވަތްތަކާއި މަޤްބޫލު މޭވާތައް ބާޒާރުގެ އެންމެ ވާދަވެރި އަގުގައި ލިބެން ހުންނާނެއެވެ. އެގޮތުން ކެއްކުމަށް އެންމެ ޢާންމުކޮށް ބޭނުންކުރާ ފިޔާ އަދި އަލުވީގެ އިތުރުން ކުކުޅާއި، ބްރައުން ބިސް ހާއްސަ އަގުތަކެއްގައި ލިބިގެންދާނެއެވެ. މީގެއިތުރުން ދުޅަހެޔޮ ޞިއްޙަތަކަށް ބޭނުންވާ ތާޒާ ކެވެންޑިޝް ދޮންކެޔޮ، އަންނާރު، އާފަލު އަދި އޮރެންޖު ފަދަ މޭވާގެ ބާވަތްތައް ވެސް މި މުއްދަތުގެ ތެރޭގައި ހެޔޮ އަގުތަކެއްގައި ކަސްޓަމަރުންނަށް ލިބޭނެއެވެ.

މަޑިހާ ކުންފުނީގެ ވަރުގަދަ އިމްޕޯޓް އަދި ޑިސްޓްރިބިއުޝަން ވިއުގަ މެދުވެރިކޮށް، މެދުކެނޑުމެއް ނެތި ރާއްޖެއަށް މުދާ އެތެރެކޮށް، އާންމު ރައްޔިތުންނަށާއި ވިޔަފާރިތަކަށް ފަސޭހަކަމާއެކު ތަކެތި ފޯރުކޮށްދިނުމަކީ އުފަންވެލި ފިހާރަތަކުގެ އަބަދުވެސް އެންމެ ބޮޑު އަމާޒެވެ. އާއިލާތަކުގެ ޖީބަށް ލުއިވާނެ ގޮތަށް ފަރުމާކޮށްފައިވާ މި ޕްރޮމޯޝަނުން ދައްކުވައިދެނީ، ފެންވަރު ރަނގަޅު ތަކެތި އަތްފޯރާ ފަށުގައި ފޯރުކޮށްދިނުމަށް އެ ކުންފުނިން އަބަދުވެސް ދޭ އިސްކަމެވެ.

މާދަމާއިން ފެށިގެން ހޮނިހިރު ދުވަހުގެ ނިޔަލަށް މި ޕްރޮމޯޝަން ކުރިއަށްދާއިރު، ތަކެތީގެ ސްޓޮކް ހުސްވުމުގެ ކުރިން ވީހާވެސް އަވަހަކަށް ކައިރީގައި ހުންނަ އުފަންވެލި ފިހާރައަކަށް ޒިޔާރަތްކޮށް، މި އަގުހުރި ފުރުޞަތުގެ ފައިދާ ހޯއްދެވުމަކީ ބުއްދިވެރި ކަމެކެވެ.