އެމެރިކާގެ ރިޔާސީ އިންތިހާބުގައި ކޮރަޕްޝަނުގެ އަމަލެއް ނުހިނގާ ކަމަށް އިންތިހާބުގެ ބައިނަލްއަޤްވާމީ އޮބްޒާވަރުން ހާމަކޮށްފިއެވެ.

އިންޓަރނޭޝަނަލް އޮބްޒަރވަރުން، އެމެރިކާގެ ރިޔާސީ އިންތިހާބުގައި ކޮރަޕްޝަނުގެ އަމަލެއް ނުހިނގާ ކަމަށް ހާމަކޮށްފައި މިވަނީ އެމެރިކާގެ ރިޔާސީ އިންތިހާބުގެ ނަތީޖާ ގަބޫލު ނުކުރައްވައި އިންތިހާބުގައި ކޮރަޕްޝަން ހިމެނޭ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެފަައިވަނިކޮށެވެ.

އިންޓަރނޭޝަނަލް އޮބްޒަރވަރުން ހާމަކޮށްފައިވާ ގޮތުން، އެމެރިކާގެ ރިޔާސީ އިންތިހާބުގެ ކަންކަމުގައި، އަދި އިންތިހާބުގެ ވޯޓު ގުނުމުގައި އެއްވެސް ކޮރަޕްޝަނެއް ހިމެނޭ ކަމަށް ފާހަގަ ވެފައެއްނެތެވެ.

ނަމަވެސް ޓްރަމްޕް އަދި ޓްރަމްޕްގެ ސަޕޯޓްރުންދަނީ އެމެރިކާގެ ރިޔާސީ އިންތިހާބުގައި ކޮރަޕްޝަން ހިމެނޭ ކަމަށާއި، ވޯޓުން ވައްކަންކޮށްފައިވާކަމަށާއި މަރުވެފައި ތިބި މީހުންގެ ނަމުގައި ވޯޓު ލާފައިވާ ކަމަށް ބުނެ އެތަކެއް ތުހުމަތު ތަކެއް ކުރަމުންނެވެ.

ޓްރަމްޕް އިންތިހާބުހގެ ނަތީޖާ ގަބޫލު ނުކުރެއްވުމާ ބެހޭގޮތުން އެމެރިކާގެ ރިޔާސީ އިންތިހާބު ކާމިޔާބު ކުރެއްވި އިދިކޮޅު ކެންޑިޑޭޓް ޖޯ ބައިޑަން އަރިހުން ސުވާލު ކުރުމުން، ވިދާޅުވީ އިންތިހާބުގެ ނަތީޖާ ގަބޫލު ނުކުރުމަކީ ލަދު ގަންނަން ޖެހޭނެ ކަމެއްކަމަށެވެ.

"އަހަރެން ދެކޭ ގޮތުގައި އިންތިހާބުގެ ނަތީޖާ ގަބޫލު ނުކުރުން މިއީ ލަދު ގަންނަން ޖެހޭނެ ކަމެއް. އަދި ޓްރަމްޕްގެ އަގު ވެއްޓިދާނެ ފަދަ އަމަލެއް. ގަބޫލު ކުރެވޭ ރިޕަބްލިކަން ޕާޓީ އަށް ލިބުނު ނާކާމިޔާބީ. އެކަމަކު ރައީސަކު ހޮވަން ވޯޓުލީ މީހުންވެސް ގަބޫލު ކުރާނެ މިއީ އެކުވެރި ވާންވީ ވަގުތުކަން." ޖޯ ބައިޑެން ވިދާޅުވެފައި ވެއެވެ.