ރަޝިޔާވެ ހޮސްޕިޓަލެއްގައި ކޮވިޑް ޖެހިގެން ހާލުބޮޑުވެ ވެންޓިލޭޓަރަށް ލާފައި އޮތް އަންހެނަކު ވިހައިފިއެވެ.
އުމުރުން 36 އަހަރުގެ ސްވެޓްލާނާ ނަމަކަށް ކިޔާ މިއަންހެން މީހާއަށް ކޮވިޑް ޖެހުނު ކަމަށް ލަފާކުރެވެނީ އޭނާގެ ބައްޕަ ހޮސްޕިޓަލުގައި ބާއްވާފައި އޮތް އިރު، ބައްޕަ އަށް ޒިޔާރަތް ކުރުމުންނެވެ.
ސްވެޓްލާނާގެ ބައްޕަ ހޮސްޕިޓަލުގައި އޮތީ ހިތުގެ އޮޕަރޭޝަނަކަށް ފަހުއެވެ. އަދި ހޮސްޕިޓަލުން ދޫކޮށްލިތާ 8 ވަނަ އަށް ވީދުވަހު ސްވެޓްލާނާގެ ބައްޕަ ވަނީ ކޮވިޑް ޖެހިގެން މަރުވެފައެވެ.
ސްވެޓްލާނާގެ ބައްޕަ މަރުވިތާ މާގިނަ ދުވަހެއް ނުވެ ސްވެޓްލާނާ ވިހަން ވެގެން ހޮސްޕިޓަލްގައި އެޑްމިޓް ކުރެވުނެވެ. އަދި ވިހެއުމަށް ހޮސްޕިޓަލުގައި އެޑްމިޓް ކުރިފަހުން ކޮވިޑަށް ޕޮޒިޓިވް ވުމުން ކޮވިޑަށް ފަރުވާ ދިނުމަށް ކަނޑައެޅިފައިވާ ހާއްސަ ހޮސްޕިޓަލަކަށް ސްވެޓްލާނާ ވަނީ ބަދަލު ކޮށްފައެވެ.
ހޮސްޕިޓަލް ބަދަލު ކުރުމަށްފަހު، ސްވެޓްލާނާގެ ހާލު ދެރަވެ ވެންޓިލޭޓަރަށް ލާން ޖެހުނެވެ. ސްވެޓްލާނާ ވިހެއި އިރުވެސް އޮތީ ވެންޓިލޭޓަރުގައެވެ. އަދި ވިހެއުމަށްފަހު މާގިނައިރުތަކެއް ނުވެ ސްވެޓްލާނާ ވަނީ މަރުވެފައެވެ. ވިހެއި ދަރިފުޅާއެކު 24 ގަޑި އިރުވެސް ހޭދަ ކޮށްލަން ނުލިބުނެވެ. ސްވެޓްލާނާ މަރުވީ ކޮވިޑް ޖެހިގެން ހާލުބޮޑުވެ ވެންޓިލޭޓަރުގައި ފަރުވާ ދެނިކޮށެވެ.
ސްވެޓްލާނާ މަރުވުމުގެ ކުރިން އޭނާގެ މަންމަ ވަރަށް ބޮޑަށް ބަލިވެ ހޮސްޕިޓަލަށް ދިޔަކަމަށް ވެއެވެ. ނަމަވެސް ހޮސްޕިޓަލުގައި އެޑްމިޓްކޮށް ފަރުވާ ދިނުމަށް އެނދެއް ނުލިބުމުގެ ސަބަބުން ހޮސްޕިޓަލުގެ ތަޅުންމަތީގައި އޮވެ އިތުރަށް ހާލު ދެރަވީކަމަށް ސްވެޓްލާނާގެ ބޮޑުދައިތައަކު ބުނެފައިވެއެވެ. ސްވެޓްލާނާގެ މަންމަގެ ވެސް ހާލު ދެރަވެ، ހޮސްޕިޓަލަށް ދިޔަތާ 10 ވަނަ އަށް ވީދުވަހު ވަނީ މަރުވެފައެވެ.
ސްވެޓްލާނާ އާއި އެކު ސްވެޓްލާނާގެ މުޅި އާއިލާ ކޮވިޑުޖެހި ދުނިޔެ ދޫކޮށް ދިޔައީއެވެ.
ސްވެޓްލާނާ މަރުވިއިރު އޭނާގެ ދަރިފުޅުގެ ބައްޕަގެ މަޢުލޫމާތު ހޮސްޕިޓަލަށް ދީފައި ނެތުމުން ބައްޕަނެތް ކުއްޖެއްގެ ގޮތުގައި ދުވަސް ނުފުރާ ވިހާފައި އޮތް ތުއްތު ކުއްޖާ އޮތީ އަދިވެސް ހޮސްޕިޓަލުގައެވެ.
ސްވެޓްލާނާގެ ބައްޕަ ހޮސްޕިޓަލުގައި އޮތީ ހިތުގެ އޮޕަރޭޝަނަކަށް ފަހުއެވެ. އަދި ހޮސްޕިޓަލުން ދޫކޮށްލިތާ 8 ވަނަ އަށް ވީދުވަހު ސްވެޓްލާނާގެ ބައްޕަ ވަނީ ކޮވިޑް ޖެހިގެން މަރުވެފައެވެ.
ސްވެޓްލާނާގެ ބައްޕަ މަރުވިތާ މާގިނަ ދުވަހެއް ނުވެ ސްވެޓްލާނާ ވިހަން ވެގެން ހޮސްޕިޓަލްގައި އެޑްމިޓް ކުރެވުނެވެ. އަދި ވިހެއުމަށް ހޮސްޕިޓަލުގައި އެޑްމިޓް ކުރިފަހުން ކޮވިޑަށް ޕޮޒިޓިވް ވުމުން ކޮވިޑަށް ފަރުވާ ދިނުމަށް ކަނޑައެޅިފައިވާ ހާއްސަ ހޮސްޕިޓަލަކަށް ސްވެޓްލާނާ ވަނީ ބަދަލު ކޮށްފައެވެ.
ހޮސްޕިޓަލް ބަދަލު ކުރުމަށްފަހު، ސްވެޓްލާނާގެ ހާލު ދެރަވެ ވެންޓިލޭޓަރަށް ލާން ޖެހުނެވެ. ސްވެޓްލާނާ ވިހެއި އިރުވެސް އޮތީ ވެންޓިލޭޓަރުގައެވެ. އަދި ވިހެއުމަށްފަހު މާގިނައިރުތަކެއް ނުވެ ސްވެޓްލާނާ ވަނީ މަރުވެފައެވެ. ވިހެއި ދަރިފުޅާއެކު 24 ގަޑި އިރުވެސް ހޭދަ ކޮށްލަން ނުލިބުނެވެ. ސްވެޓްލާނާ މަރުވީ ކޮވިޑް ޖެހިގެން ހާލުބޮޑުވެ ވެންޓިލޭޓަރުގައި ފަރުވާ ދެނިކޮށެވެ.
ސްވެޓްލާނާ މަރުވުމުގެ ކުރިން އޭނާގެ މަންމަ ވަރަށް ބޮޑަށް ބަލިވެ ހޮސްޕިޓަލަށް ދިޔަކަމަށް ވެއެވެ. ނަމަވެސް ހޮސްޕިޓަލުގައި އެޑްމިޓްކޮށް ފަރުވާ ދިނުމަށް އެނދެއް ނުލިބުމުގެ ސަބަބުން ހޮސްޕިޓަލުގެ ތަޅުންމަތީގައި އޮވެ އިތުރަށް ހާލު ދެރަވީކަމަށް ސްވެޓްލާނާގެ ބޮޑުދައިތައަކު ބުނެފައިވެއެވެ. ސްވެޓްލާނާގެ މަންމަގެ ވެސް ހާލު ދެރަވެ، ހޮސްޕިޓަލަށް ދިޔަތާ 10 ވަނަ އަށް ވީދުވަހު ވަނީ މަރުވެފައެވެ.
ސްވެޓްލާނާ މަރުވިއިރު އޭނާގެ ދަރިފުޅުގެ ބައްޕަގެ މަޢުލޫމާތު ހޮސްޕިޓަލަށް ދީފައި ނެތުމުން ބައްޕަނެތް ކުއްޖެއްގެ ގޮތުގައި ދުވަސް ނުފުރާ ވިހާފައި އޮތް ތުއްތު ކުއްޖާ އޮތީ އަދިވެސް ހޮސްޕިޓަލުގައެވެ.
ކިޔުންތެރިންގެ ހިޔާލު