އިނގިރޭސި ވިލާތުގެ ބޮޑުވަޒީރު ބޮރިސް ޖޯންސަން ރަސްމީ ދަތުރުފުޅެއްގައި އިންޑިއާއަށް ޒިޔާރަރަތް ކުރައްވަން ނިންމަވައިފިއެވެ.

ޖޯންސަން ވިދާޅުވި ގޮތުގައި އަންނަ އަހަރުގެ ޖެނުއަރީގައި އޭނާ މި ދަތުރުފުޅު ކުރައްވާނެ އެވެ.

މިއީ ޖޯންސަން މަގާމާ ހަވާލުވެ ވަޑައިގެންނެވި ފަހުން އިންޑިއާއަށް ކުރައްވާ ފުރަތަމަ ދަތުުރުފުޅެވެ.

އިނގިރޭސިވިލާތުން އިންޑިއާގައި އިންވެސްޓް ކުރުމާއި އިންޑިއާއިން އިނގިރޭސިވިލާތުގައި އިންވެސްޓްކުރުމާ ބެހޭ ވާހަކަތައް މި ދަތުރުގައި އިންޑިއާއާ ހިއްސާކުރައްވާނެއެވެ. ވަޒީފާގެ ފުރުސަތުތައް ތަނަވަސް ކުރުމާއި ތިމާވެއްޓާ ގުޅުންހުރި މައުލޫތަކުގައި ވެސް ދެގައުމުން މިފުރުސަތުގައި މަޝްވަރާ ކުރާނެ ކަމަށް މައުލޫމާތު ލިބެއެވެ.