ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި އަލިފާނުގެ ހާދިސާއެއް ހިނގައި ގިނަ ބައެއްގެ ބޯހިޔާވަހިކަން ނެތިގޮސް މަގުމަތިވެއްޖެކަމަށް އަލިފް ދާލުން ހާމަކޮށްފިއެވެ.
އަލިފް ދާލުގެ ރެފިއުޖީ އޭޖެންސީ (ޔޫ.އެން.އެޗް.ސީ.އާރް) އިން ހާމަކޮށްފައިވާގޮތުގައި، ރޮހިންޏާ ރެފިއުޖީ ކޭމްޕުގައި ހިނގާދިޔަ އަލިފާނުގެ ހާދިސާގައި 3500 އެއްހާ މީހުން ދިރިއުޅެމުންގެންދާ 550 ގެދޮރު ވަނީ ބޭނުން ނުކުރެވޭވަރަށްު ހަލާކުވެފައެވެ. މީގެ އިތުރުން އެސަރަހައްދުގައި ގާއިމު ކޮށްފައިވާ 150 ފިހާރައެއްވެސް ބޭނުން ނުކުރެވޭވަރަށް ހަލާކުވެފައިވާކަމަށް އަލިފް ދާލުން ވަނީ ހާމަކޮށްފައެވެ.
"ރެފިއުޖީ ކޭމްޕުގެ އީ ބްލޮކް ސަރަހައްދު ވަނީ އެއްކޮށް އަނދާހުލިވެފަ. އެސަރަހައްދުން އެއްވެސް އެއްޗެއް ސަލާމަތެއް ނުކުރެވުނު. ހުރިހާ އެއްޗެއް ހުރީ އަނދާ ހުލިވެފަ." ނޫސްވެރިންނަށް މައުލޫމާތު ދެމުން ރެފިއުޖީ ކޭމްޕުގައި ދިރިއުޅެމުންދާ މުހައްމަދު އަރަކާނީ ބުނެފައިވެއެވެ.
މުހައްމަދު އަރަކާނީ ބުނެފައިވަނީ ރެފިއުޖީ ކޭމްޕުގެ އީ ބްލޮކް ސަރަހައްދު އެއްކޮށް އަނދާހުލިވެފައިވުމުން އެސަރަހައްދުން އެއްވެސް މުދަލެއްވެސް ސަލާމަތެއް ނުވާކަމަށާއި، މިކަމާއި ގުޅިގެން އެ ސަރަހައްދުގައި ދިރިއުޅެމުން ދިޔަ ގިނަ ރެފިއުޖީއިން ރޮއެ ހިތާމަކުރާކަމަށެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި އަލިފާނުގެ ހާދިސާއެއް ހިނގާދިއުމަށް މެދުވެރިވި ސަބަބެއް އަދި ނޭނގުނުކަމުގައިވިޔަސް، އަލިފް ދާލުގެ ރެފިއުޖީ އޭޖެންސީ އިން މިހާދިސާ ތަހުގީގު ކުރަމުންދާކަމަށް ވަނީ ހާމަކޮށްފައެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ތިބި މީހުން ބެލެހެއްޓުމަށް އެންމެ އިސްރޯލެއް އަދާކުރަނީވެސް އަލިފް ދާލުގެ ރެފިއުޖީ އޭޖެންސީއިންނެވެ. މިގޮތުން ރެފިއުޖީއިންނަށް ބޯހިޔާވަހިކަން ފޯރުކޮށްދިނުމާއި، ކެއިން ބުއިމާއި، ބޭސް ފަރުވާގެ ކަންތައްތައް ބަލަހައްޓަނީ އަލިފް ދާލުގެ ރެފިއުޖީ އޭޖެންސީއިންނެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ހިނގާދިޔަ އަލިފާނުގެ ހާދިސާގައި އަލިފާން ނިއްވުމަށް ދެގަޑިއިރެއްހާއިރު ހޭދަވިކަމަށް ބަންގްލަދޭޝް ސަރުކާރުގެ ފަރާތުން ރެފިއުޖީ ކޭމްޕާ ހަވާލުވެ ހުންނެވި މުހައްމަދު ޝަމްސުދް ޑިސޫޒާ ބުނެފައިވެއެވެ. އަދި މިހާދިސާގައި އަނދައިގެން ދިޔަ ސަރަހައްދު އަލުން އާރާސްތުކުރުމާއި ބެހޭގޮތުން ގޮތެއް ނިންމައިފައި ނުވާކަމަށްވެސް މުހައްމަދު ޝަމްސުދް ޑިސޫޒާ ވަނީ ބުނެފައެވެ.
މިހާދިސާއަށްފަހު އިންސާނިއްޔަތަށް މަސައްކަތް ކުރާ ގިނަ ޖަމިއްޔާ ޖަމާއަތްތަކުން ދަނީ ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ތިބި މީހުންގެ ރައްކާތެރިކަން ކަށަވަރުކުރުމަށް ގޮވާލަމުންނެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ދިރިއުޅޭ ރެފިއުޖީންނަކީ މިޔަންމާގެ ރަޚީން ސްޓޭޓް އަށް ނިސްބަތްވާ މީހުންނެވެ. މިޔަންމާގެ ރަޚީން ސްޓޭޓްގައި މުސްލިމުންނާ ދެކޮޅަށް ހިންގަމުންދިޔަ އަނިޔާވެެރިކަމުން ސަލާމަތްވުމަށް ސަރަހައްދީ ގައުމުތަކުގެ އެހީތެރިކަން ގިނަ ބަޔަކު ހޯދާފައިވާއިރު 700،000 އަށް ވުރެއް ގިނަ ރޮހިންޏާ މުސްލިމުން ވަނީ ބަންގްލަދޭޝްއަށް ރެފިއުޖީންގެ ގޮތުގައި ހިޖުރަކޮށްފައެވެ.
އަލިފް ދާލުގެ ރެފިއުޖީ އޭޖެންސީ (ޔޫ.އެން.އެޗް.ސީ.އާރް) އިން ހާމަކޮށްފައިވާގޮތުގައި، ރޮހިންޏާ ރެފިއުޖީ ކޭމްޕުގައި ހިނގާދިޔަ އަލިފާނުގެ ހާދިސާގައި 3500 އެއްހާ މީހުން ދިރިއުޅެމުންގެންދާ 550 ގެދޮރު ވަނީ ބޭނުން ނުކުރެވޭވަރަށްު ހަލާކުވެފައެވެ. މީގެ އިތުރުން އެސަރަހައްދުގައި ގާއިމު ކޮށްފައިވާ 150 ފިހާރައެއްވެސް ބޭނުން ނުކުރެވޭވަރަށް ހަލާކުވެފައިވާކަމަށް އަލިފް ދާލުން ވަނީ ހާމަކޮށްފައެވެ.
"ރެފިއުޖީ ކޭމްޕުގެ އީ ބްލޮކް ސަރަހައްދު ވަނީ އެއްކޮށް އަނދާހުލިވެފަ. އެސަރަހައްދުން އެއްވެސް އެއްޗެއް ސަލާމަތެއް ނުކުރެވުނު. ހުރިހާ އެއްޗެއް ހުރީ އަނދާ ހުލިވެފަ." ނޫސްވެރިންނަށް މައުލޫމާތު ދެމުން ރެފިއުޖީ ކޭމްޕުގައި ދިރިއުޅެމުންދާ މުހައްމަދު އަރަކާނީ ބުނެފައިވެއެވެ.
މުހައްމަދު އަރަކާނީ ބުނެފައިވަނީ ރެފިއުޖީ ކޭމްޕުގެ އީ ބްލޮކް ސަރަހައްދު އެއްކޮށް އަނދާހުލިވެފައިވުމުން އެސަރަހައްދުން އެއްވެސް މުދަލެއްވެސް ސަލާމަތެއް ނުވާކަމަށާއި، މިކަމާއި ގުޅިގެން އެ ސަރަހައްދުގައި ދިރިއުޅެމުން ދިޔަ ގިނަ ރެފިއުޖީއިން ރޮއެ ހިތާމަކުރާކަމަށެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި އަލިފާނުގެ ހާދިސާއެއް ހިނގާދިއުމަށް މެދުވެރިވި ސަބަބެއް އަދި ނޭނގުނުކަމުގައިވިޔަސް، އަލިފް ދާލުގެ ރެފިއުޖީ އޭޖެންސީ އިން މިހާދިސާ ތަހުގީގު ކުރަމުންދާކަމަށް ވަނީ ހާމަކޮށްފައެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ތިބި މީހުން ބެލެހެއްޓުމަށް އެންމެ އިސްރޯލެއް އަދާކުރަނީވެސް އަލިފް ދާލުގެ ރެފިއުޖީ އޭޖެންސީއިންނެވެ. މިގޮތުން ރެފިއުޖީއިންނަށް ބޯހިޔާވަހިކަން ފޯރުކޮށްދިނުމާއި، ކެއިން ބުއިމާއި، ބޭސް ފަރުވާގެ ކަންތައްތައް ބަލަހައްޓަނީ އަލިފް ދާލުގެ ރެފިއުޖީ އޭޖެންސީއިންނެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ހިނގާދިޔަ އަލިފާނުގެ ހާދިސާގައި އަލިފާން ނިއްވުމަށް ދެގަޑިއިރެއްހާއިރު ހޭދަވިކަމަށް ބަންގްލަދޭޝް ސަރުކާރުގެ ފަރާތުން ރެފިއުޖީ ކޭމްޕާ ހަވާލުވެ ހުންނެވި މުހައްމަދު ޝަމްސުދް ޑިސޫޒާ ބުނެފައިވެއެވެ. އަދި މިހާދިސާގައި އަނދައިގެން ދިޔަ ސަރަހައްދު އަލުން އާރާސްތުކުރުމާއި ބެހޭގޮތުން ގޮތެއް ނިންމައިފައި ނުވާކަމަށްވެސް މުހައްމަދު ޝަމްސުދް ޑިސޫޒާ ވަނީ ބުނެފައެވެ.
ބަންގްލަދޭޝްގެ ރޮހިންޏާ ރެފިއުޖީ ކޭމްޕުގައި ދިރިއުޅޭ ރެފިއުޖީންނަކީ މިޔަންމާގެ ރަޚީން ސްޓޭޓް އަށް ނިސްބަތްވާ މީހުންނެވެ. މިޔަންމާގެ ރަޚީން ސްޓޭޓްގައި މުސްލިމުންނާ ދެކޮޅަށް ހިންގަމުންދިޔަ އަނިޔާވެެރިކަމުން ސަލާމަތްވުމަށް ސަރަހައްދީ ގައުމުތަކުގެ އެހީތެރިކަން ގިނަ ބަޔަކު ހޯދާފައިވާއިރު 700،000 އަށް ވުރެއް ގިނަ ރޮހިންޏާ މުސްލިމުން ވަނީ ބަންގްލަދޭޝްއަށް ރެފިއުޖީންގެ ގޮތުގައި ހިޖުރަކޮށްފައެވެ.
ކިޔުންތެރިންގެ ހިޔާލު