މިދިޔަ ހުކުރު ދުވަހު ކޮވިޑަށް ޕޮޒިޓިވް ވެފައިވާ ޗައިނާގެ އައިސް ކްރީމް ތަކެއް ނައްތާލައިފިއެވެ.

މި އައިސް ކްރީމް ތައް ޕޮޒިޓިވް ވެފައިވާކަން އެނގުނީ ފުޑް އިންސްޕެކްޝަނަށް ފޮނުވުމުންނެވެ. މިގޮތުން ކޮވިޑަށް ޕޮޒިޓިވްވެފައިވަނީ ސްޓްރޯބެރީ، ޗޮކޮލެޓް އަދި ޓާރޯ އައިސްކްރީމްގެ ބާވަތެވެ. މިއާއެކު މިކުންފުނިން އައިސް ކްރީމް ގަތް މީހުން ހޯދުމުގެ މަސައްކަތްވެސް ޗައިނާގެ ސިއްހީ އިދާރާތަކުން ދަނީ ކުރަމުންނެވެ.

އަދި މި ޕޮޒިޓިވްވި އައިސް ކްރީމް އަކީ، ކޭކާއި، އައިސް ކްރީމް އާއި ގަނޑުކުރި ކާނާގެ ބާވަތްތައް ތައްޔާރުކުރާ ޑެެގިއައުޑޯ ނަމަކަށް ކިޔުނު ޗައިނާގެ ކުންފުންޏަކުން ތައްޔާރުކޮށްފައިވާ ތަކެއްޗެވެ. މިކަމާގުޅިގެން މިކުންފުނިން ވަނީ ޕޮޒިޓިވް ވެފައިވާ 4،836 އައިސްކްރީމް ތަށީގެ ތެރެއިން 2،089 އައިސްކްރީމް ތަށި ނައްތާލާފައެވެ.

މިކަމާ ގުޅޭގޮތުން ސިއްހީ މާހިރުން ބުނެފައިވަނީ އައިސް ކްރީމް އަށް ކޮވިޑުގެ އަސަރު ކޮށްފައިވަނީ މިބަލި ޖެހިފައިވާ މީހެއްގެ ފަރާތުން ކަމަށާއި، އަދި މިވައިރަސް އައިސްކްރީމުން ފެނިފައިމިވަނީ އައިސްކްރީމް އަކީ ފިނި އެއްޗެއް ކަމަށްވުމުން ކޮރޯނާ ވައިރަަސް ސަލާމަތް ވުމުގެ ފުރުސަތު ބޮޑުވީއެވެ.

މީގެ އިތުރުން މިކުންފުނީގެ 1600 މުވައްޒަފަކު އެކަހެރިކޮށް ކޮވިޑަށް ޓެސްޓުކުރެވެމުން ދާކަމަށްވެސް ކުންފުނިން ވަނީ ހާމަކޮށްފައެވެ. މީގެ ތެރެއިން މިހާތަނަށް 700 މީހުން ވަނީ ކޮވިޑަށް ނެގަޓިވްވެފައެވެ.