ގްރޭޓަރ މާލެ ކަނެކްޓިވިޓީ ބްރިޖް، ގުޅީފަޅާ ގުޅާލާ ސަރަޙައްދު ހިމާޔަތްކުރުމުގެ މަސައްކަތް ފަށަން ތައްޔާރުވެއްޖެއެވެ.

މިނިސްޓްރީ އޮފް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ, އެމްޓީސީސީއާ ހަވާލުކޮށްފައިވަނީ، ގުޅީފަޅުން ބްރިޖް ގުޅާލާ ސަރަޙައްދު ބޮޑުހިލަ ޖަހައިގެން ޙިމާޔަތްކުރުމުގެ މަސައްކަތެވެ.

ބްރިޖް ގުޅާލާ ސަރަޙައްދު ބޮޑުހިލަ ޖަހައިގެން ޙިމާޔަތްކުރުމުގެ މަސައްކަތަށް ބޭނުންވާ ސާމާނު މިހާރުވަނީ ގުޅީފަޅަށް ގެންގޮސް، މަސައްކަތް ފެށުމަށް ތައްޔާރުވެފައެވެ.

އެމްޓީސީސީން ބުނީ ގޮނޑުދޮށް ޙިމާޔަތްކުރުމުގެ މަސައްކަތް 55 ދުވަސްތެރޭ ނިންމާލެވޭނެ ކަމަށެވެ. މި މަސައްކަތަށް 8.94 މިލިއަން ރުފިޔާ ހޭދަވާނެއެވެ.

We have mobilized Gulhifalhu for additional works related to bridge landing point shore protection on 2nd June 2021. The project is valued at MVR 8.94 million. The project is to be completed within 55 days.#MTCCProjects pic.twitter.com/WhpBB4yWRB

— MTCC Plc (@MTCCPlc) June 3, 2021

ގްރޭޓަރ މާލޭ ކަނެކްޓިވިޓީ ބްރިޖް މަޝްރޫޢުގެ ދަށުން މާލެ-ވިލިމާލެ-ގުޅިފަޅު އަދި ތިލަފުށި ގުޅާލުމަށްވަނީ ނިންމާފައެވެ. މިމަސައްކަތުގެ ޢަމަލީ މަސައްކަތް ފެށުމުގެ ކުރިން ހަދަންޖެހޭ ސަރވޭއާއި، ބްރިޖްގެ ކުރެހުންތައް ފައިނަލްކުރުމުގެ މަސައްކަތްތައް ދަނީ ކުރަމުންނެވެ. އަދި ބްރިޖްގެ ޢަމަލީ މަސައްކަތް ކުރާނެ ބަޔަކު ހޯދުމުގެ މަސައްކަތްވެސްވަނީ ފަށާފައެވެ.