ރާއްޖޭގެ ކުޅިވަރުގެ މައިދާނުގައި ފާހަގަކޮށްލެވޭ ޝަހުސިއްޔަތެއްކަމަށްވާ، އަދި ކުޅިވަރަށް ގިނަ ހިދުމަތްތަކެއް ކޮށްދެއްވާފައިވާ މާދިހު އިސްމާއިލް ރޭ ކުއްލި ގޮތަކަށް ނިޔާވެއްޖެއެވެ.

މާދިހުގެ އާއިލާއިން ބުނީ އޭނާ ނިޔާވީ ރޭ ފަތިހު 5:32 ހާއިރު އައިޖީއެމް ހޮސްޕިޓަލުގައި ފަރުވާ ދެމުން ދަނިކޮށެވެ. އަދި މާދިހު ނިޔާވެފައިވަނީ ކުއްލިއަކަށް ހޮޑުލައި މާބޮޑަށް ހާލު ދެރަވާން ފެށުމުން އައިޖީއެމްޗަށް ގެންގޮސް ފަރުވާދެމުން ދަނިކޮށްކަމަށްވެސް އޭނާގެ އާއިލާއިން ބުނެއެވެ.

Shocked & saddened by the sudden demise of our close friend & Amra’s PE Sir, whom they fondly refer to as their #MaadhihSir. May Allah bless his soul & grant him his rightful place in paradise. Our heartfelt condolences to his family.
إِنَّا لِلَّٰهِ وَإِنَّا إِلَيْهِ رَاجِعُونَ pic.twitter.com/SJSIEor09X

— Mariya Didi 🎈 (@MariyaDidi) June 8, 2021

51 އަހަރުގެ މާދިހަކީ ރާއްޖޭގެ ކުޅިވަރުގެ ދާއިރާގައި، ހާއްސަކޮށް ކްރިކެޓާއި ފުޓްބޯޅަ އަދި ފެތުން ފަދަ ހަރަކާތްތަކުގައި އޭނާގެ ހިދުމަތްތައް ފާހަގަކޮށްލެވޭ ސަހުސިއްޔަތެކެވެ.

މާދިހަކީ ކޯވިޑް-19ގެ އާލާސްކަންފުޅުގައި މިދިޔަ އަހަރު ނިޔާވި ރ. އަތޮޅުގެ ކުރީގެ މެމްބަރު އިސްމާއިލް ޒަކަރިއްޔާގެ ބޭފުޅެކެވެ. އަދި މާދިހަކީ އެފް.އޭ.އެމްގެ ކުރީގެ ޖެނެރަލް ސެކްރެޓަރީ ޝާހު އިސްމާއިލާއި އެމްއެންޑީއެފްގެ އިންފޮމޭޝަން އޮފިސަރ މޭޖަރ އިބްރާހިމް އާޒިމްގެ އެއްބަނޑު އެއްބަފާ ބޭފުޅެކެވެ.