ރާއްޖޭގައި އޮޕަރޭޓްކުރާ ވައިގެ ބަނދަރެއްގެ އެއަރ ޓްރެފިކް ކޮންޓްރޯލް ބޭރުބަޔަކަށް ނުވަތަ އަމިއްލަ ފަރާތަކަށްވެސް ނުދޭނެކަމަށް މިނިސްޓަރ އޮފް އިކޮނޮމިކް ޑިވެލޮޕްމަންޓް ފައްޔާޒު އިސްމާއިލް ވިދާޅުވެއްޖެއެވެ.
ފައްޔާޒު މިހެން ވިދާޅުވީ ދިވެހިންގެ ބައިވެރިވުމެއްނެތި ބޭރު ކުންފުނިތަކަށް ރާއްޖޭގެ އެއަރޕޯޓްތައް ހިންގޭ ގޮތްހެދުމަށް ނުވަތަ އެއާޓްރާންސްޕޯރޓްގެ ޚިދުމަތް ދެވޭގޮތަށް ސަރުކާރުން ނިންމުމާއި ގުޅިގެން އެކަމަށް ގިނަ ބަޔަކު ފާޑު ކިޔަމުންދާ ދަނޑިވަޅެއްގައެވެ.
ފައްޔާޒު ވިދާޅުވީ ފޮރިން ޑައިރެކްޓް އިންވެސްޓްމެންޓު ޕޮލިސީއަށް ސަރުކާރުން ގެނެސްފައިވާ ބަދަލުގެ ތެރެއިން ރާއްޖޭގެ ވައިގެ ބަނދަރެއްގެ އެއާރ ޓްރެފިކްގެ ކޮންޓްރޯލް ބޭރު ބަޔަކަށް ނުވަތަ އަމިއްލަ ފަރާތަކަށްވެސް ނުދޭނެކަމަށެވެ. ފައްޔާޒު ވިދާޅުވީ ރާއްޖޭގެ ހުރިހާ އެއަރޕޯޓެއްގެ އެއަރ ޓްރެފިކް ކޮންޓްރޯލް ބަލަހައްޓާނީ ދިވެހި ދައުލަތުންކަމަށެވެ.
ފައްޔާޒު ވަނީ ހަނިމާދޫ އެއަރޕޯޓް ބޭރު ބަޔަކަށް ދޭން އުޅޭކަމަށް ދައްކަމުންދާ ވާހަކަތައްވެސް ދޮގުކުރައްވާފައެވެ. އެގޮތުން ހަނިމާދޫ އެއަރޕޯޓް ތަރައްޤީކުރަނީ އިންޑިއާގެ އެގްޒިމް ބޭންކުން ލޯނު ނަގައިގެން ކަމުގައިވީ ނަމަވެސް އެ އެއަރޕޯޓު ހިންގާނީ ދިވެހި ސަރުކާރުން ނުވަތަ ސަރުކާރުގެ ހިއްސާވާ ކުންފުންޏަކުންކަމަށް ފައްޔާޒު ވިދާޅުވިއެވެ.
ފޮރިން ޑައިރެކްޓް އިންވެސްޓްމެންޓް (އެފްޑީއައި)ގެ ޕޮލިސީއަށް ގެނައި ބަދަލުތަކުގެ ތެރޭގައި 100 ޕަސެންޓް ރާއްޖެއިން ބޭރުގެ ކުންފުނިތަކަށް 50 އަހަރު ދުވަހުގެ މުއްދަތަށް ރާއްޖޭގައި އެއާޕޯޓުތައް އޮޕަރޭޓު ކުރެވޭނެ ގޮތް ނުވަތަ އެއާޓްރާންސްޕޯރޓް ޚިދުމަތް ދެވޭގޮތަށް ހެދުން ހިމެނެއެވެ. އަދި އެ ފުރުސަތު ލިބޭނީ 5 މިލިއަން ޑޮލަރުގެ އިންވެސްޓްމެންޓަކާއެކު ރާއްޖޭގެ ސަރުކާރުގެ ހުއްދަ ލިބިގެން ކަމަށްވެސް ވަނީ ބުނެފައެވެ.
މީގެ ކުރިން އެފްޑީއައި ޕޮލިސީގައި ކަނޑައަޅާފައި އޮންނަނީ 100 ޕަސެންޓު ބޭރުގެ ހިއްސާ އޮންނަ ކުންފުނިތަކަށް ރާއްޖޭގައި އެއާޕޯޓު އޮޕަރޭޓް ނުކުރެވޭ ގޮތަށެވެ. އެގޮތުން ކުރިން އޮންނަ ގޮތުން އެއާ ޓްރާންސްޕޯޓު ހިދުމަތް ރާއްޖޭގައި ދެވޭނީ އެންމެ ބޮޑުވެގެން ބޭރުގެ 75 ޕަސެންޓް ހިއްސާ އޮންނަ ކުންފުނިތަކަށެވެ.
ސަރުކާރުގެ މި ނިންމުމާއި ގުޅިގެން ގިނަ ބަޔަކު އަންނަނީ ސަރުކާރަށް ފާޑު ކިޔަމުންނެވެ. އަދި މިއީ ދައުލަތަށް މިކަމުން ގެއްލުންތަކެއް ކުރިމަތިވެދާނެ ކަމެއްކަަމަށް ބައެއް ފަރާތްތަކުން ބުނެއެވެ.
Recent amendment to Foreign Direct Investment does not allow operation of air traffic by a private investor whether foreign or local. In any airport in the Maldives this will be conducted by the State. To remove any misunderstanding will be changing the wording to reflect clearly
— Fayyaz Ismail (@faya_i) June 14, 2021
ފައްޔާޒު ވިދާޅުވީ ފޮރިން ޑައިރެކްޓް އިންވެސްޓްމެންޓު ޕޮލިސީއަށް ސަރުކާރުން ގެނެސްފައިވާ ބަދަލުގެ ތެރެއިން ރާއްޖޭގެ ވައިގެ ބަނދަރެއްގެ އެއާރ ޓްރެފިކްގެ ކޮންޓްރޯލް ބޭރު ބަޔަކަށް ނުވަތަ އަމިއްލަ ފަރާތަކަށްވެސް ނުދޭނެކަމަށެވެ. ފައްޔާޒު ވިދާޅުވީ ރާއްޖޭގެ ހުރިހާ އެއަރޕޯޓެއްގެ އެއަރ ޓްރެފިކް ކޮންޓްރޯލް ބަލަހައްޓާނީ ދިވެހި ދައުލަތުންކަމަށެވެ.
And for further clarification , although Hanimaadhoo Airport will be developed by a loan facility through Indian Exim bank. The ownership operation and management of the airport will be carried out by government or assigned SOE.
— Fayyaz Ismail (@faya_i) June 14, 2021
ފޮރިން ޑައިރެކްޓް އިންވެސްޓްމެންޓް (އެފްޑީއައި)ގެ ޕޮލިސީއަށް ގެނައި ބަދަލުތަކުގެ ތެރޭގައި 100 ޕަސެންޓް ރާއްޖެއިން ބޭރުގެ ކުންފުނިތަކަށް 50 އަހަރު ދުވަހުގެ މުއްދަތަށް ރާއްޖޭގައި އެއާޕޯޓުތައް އޮޕަރޭޓު ކުރެވޭނެ ގޮތް ނުވަތަ އެއާޓްރާންސްޕޯރޓް ޚިދުމަތް ދެވޭގޮތަށް ހެދުން ހިމެނެއެވެ. އަދި އެ ފުރުސަތު ލިބޭނީ 5 މިލިއަން ޑޮލަރުގެ އިންވެސްޓްމެންޓަކާއެކު ރާއްޖޭގެ ސަރުކާރުގެ ހުއްދަ ލިބިގެން ކަމަށްވެސް ވަނީ ބުނެފައެވެ.
ސަރުކާރުގެ މި ނިންމުމާއި ގުޅިގެން ގިނަ ބަޔަކު އަންނަނީ ސަރުކާރަށް ފާޑު ކިޔަމުންނެވެ. އަދި މިއީ ދައުލަތަށް މިކަމުން ގެއްލުންތަކެއް ކުރިމަތިވެދާނެ ކަމެއްކަަމަށް ބައެއް ފަރާތްތަކުން ބުނެއެވެ.
ކިޔުންތެރިންގެ ހިޔާލު