ރަނގަޅު އެލަވަންސްތަކެއް ދޭނަމަ ދިވެހި ޓީޗަރުން ލިބޭނެކަމަށް ތައުލީމީ ދާއިރާގައި ގިނަ ދުވަސްތަކެއް ވަންދެން ޚިދުމަތްކުރެއްވި މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
ޑިފެންސް މިނިސްޓަރުކަމާއި، އެޑިއުކޭޝަން މިނިސްޓްރީގެ ސްޓޭޓް މިނިސްޓަރގެ މަޤާމު އަދާކުރެއްވި އާދަމް ޝަރީފް މިއަދު ވިދާޅުވީ ބިދޭސީ ޓީޗަރުންނަށް އެލަވަންސްތައް ދޭ ގޮތަށް ރަށުން ބޭރުގައި މަސައްކަތްކުރާ ދިވެހި ޓީޗަރުންނަށްވެސް އެލަވަންސްތައް ދޭނަމަ ފެންވަރު ރަނގަޅު ދިވެހި ޓީޗަރުން ލިބޭނެކަމަށެވެ. އަދި ޤައުމީ މަންހަޖު އެންމެ ރަނގަޅަށް ތަންފީޒުކުރެވޭނީ ދިވެހި ޓީޗަރުންނަށްކަމަށްވެސް އާދަމް ޝަރީފް ވިދާޅުވިއެވެ.
ރަނގަޅު އެލަވަންސްތަކެއް ދީގެން ދިވެހި ޓީޗަރުން ހޯދުމަށް އާދަމް ޝަރީފް ގޮވާލައްވާފައި މިވަނީ، ރާއްޖޭގައި އަރަބި އަދި ގުރުއާން ކިޔަވައިދިނުމަށް އިންޑިއާގެ ކެރެލާ ސްޓޭޓުން ޓީޗަރުންތަކެއް ގެނެސްފައިވާ ދަނޑިވަޅެއްގައެވެ.
އެޑިއުކޭޝަން މިނިސްޓްރީން ބުނީ ކެރެލާއިން ގުރުއާން އަދި އަރަބި ޓީޗަރުން ގެނައީ، ދިވެހި ޓީޗަރުން ނުލިބިގެންކަމަށެވެ.
Bidheysee teachers aa eggothah, rashun beyrugai khidhumaiykuraa dheysee teachers ah food allowance aai accommodation allowance dheygothah usool badhalu koffi nama, fenvaru rangalhu dheysee teachers libeyne, Qaumee manhaju emme rangalhah thanfeez kureveynee dheysee teachers ah!
— Adam Shareef Umar (@Adamshareefz) June 24, 2021
ރަނގަޅު އެލަވަންސްތަކެއް ދީގެން ދިވެހި ޓީޗަރުން ހޯދުމަށް އާދަމް ޝަރީފް ގޮވާލައްވާފައި މިވަނީ، ރާއްޖޭގައި އަރަބި އަދި ގުރުއާން ކިޔަވައިދިނުމަށް އިންޑިއާގެ ކެރެލާ ސްޓޭޓުން ޓީޗަރުންތަކެއް ގެނެސްފައިވާ ދަނޑިވަޅެއްގައެވެ.
އެޑިއުކޭޝަން މިނިސްޓްރީން ބުނީ ކެރެލާއިން ގުރުއާން އަދި އަރަބި ޓީޗަރުން ގެނައީ، ދިވެހި ޓީޗަރުން ނުލިބިގެންކަމަށެވެ.
ކިޔުންތެރިންގެ ހިޔާލު