އެމެރިކާގެ ނައިބު ރައީސް، މައިކް ޕެންސްގެ ސްޕޯކްސްވުމަން، ކޭޓީ މިލަރއާއި ރައީސް ޑޮނާލްޑް ޓްރަމްޕްގެ ދަރިކަނބަލުން، އިވާންކާ ޓްރަމްޕް ގެ ޕަރސަނަލް އެސިސްޓެންޓް ކޯވިޑް-19 އަށް ޕޮޒިޓިވްވެއްޖެއެވެ.
ގަލްފް ނޫހުން ރިޕޯޓުކޮށްފައިވާ ގޮތުގައި މިލަރ ޕޮޒިޓިވްވުމަކީ ދުނިޔޭގެ އެންމެ ބޮޑު އެއް ބާރުކަމުގައިވާ އެމެރިކާގެ ވައިޓްހައުސް ތެރޭގައިވެސް ވައިރަހުގެ މޫތައް ފެތުރިފައިވާކަން ހާމަވެގެންދިޔަ ކަމެކެވެ. އަދި މިލަރ އަކީ ނައިބު ރައީސްއާއި ރައީސް ހިމެނޭ ގޮތަށް ބާއްވާ ގިނަ ބައްދަލުވުންތަކުގައި ބައިވެރިވެ ވަޑައިގަންނަވާ، ވައިޓް ހައުސްގެ އިސް މުވައްޒަފެކެވެ. ކޭޓީ މިލަރ އަކީ ރައީސް ޓްރަމްޕްގެ ސްޕީޗްތައް ލިޔުމުގައި ހަރަކާތްތެރިވާ ސްޓީވެން މިލަރގެ އަންހެނުންނެވެ.
ވައިޓް ހައުސްގެ އޮފިޝަލުންނާއި ބައްދަލުކޮށް މިލަރ ވާހަކަދައްކަވާ އުޅުއްވާތަން މިދިޔަ ބުރާސްފަތި ދުވަހު ޓްރަމްޕް ބޭއްވި އަޅުކަމުގެ ހަފްލާއެއްގައި ވެސް ވަނީ ފެނިފައެވެ. އެ ހަފްލާގައި ވައިޓްހައުސްގެ އިސް މުވައްޒަފުންނާއި، ރިޔާސީ އާއިލާގެ އެތައް މެންބަރުންނެއްވެސް ވަނީ ބައިވެރިވެފައެވެ. ކޭޓީ މިލަރ ޕޮޒިޓިވްވުމާއި ގުޅިގެން މައިކް ޕެންސް، އަޔޯވާގެ ޑެ މޮއިންއަށް ކުރައްވަމުން ގެންދެވި ދަތުރުފުޅުވެސް ވަނީ މެދުކަނޑާލަން ޖެހިފައެވެ. އެދަތުރުގައި މިލަރއާއި ބައްދަލުވެފައިވާ އިތުރު 6 މީހަކު ބައިވެރިވެއެވެ.
ނަންހާމަކުރަން ބޭނުންނުވާ، ފަރާތަކާއި ހަވާލާދީ ސީއެންއެންގައި ރިޕޯޓުކޮށްފައިވާ ގޮތުގައި ރައީސް ޓްރަމްޕްގެ ދަރިކަނބަލުން، އިވާންކާގެ އެންމެ ގާތުގައިއުޅޭ އެހީތެރިޔާވެސް ވަނީ ބައްޔަށް ޕޮޒިޓިވް ވެފައެވެ. ނަމަވެސް އިވާންކާއާއި އޭނާއާއި ބައްދަލު ނުވާތާ އެތައް ހަފްތާއެއް ވެއްޖެކަމަށް ވެއެވެ. އީވާންކާ އޮންލައިންކޮށް ގޭގައި އިންނަވައިގެން މަސައްކަތްކުރައްވާތާ ދެ މަސްދުވަސް ވެދާނެކަމަށް ރިޕޯޓްތައް ބުނެއެވެ.
އެއްވެސް އަލާމާތެއް ފެނިފައި ނުވިނަމަވެސް، ރައްކާތެރިކަމުގެ ގޮތުން އިވާންކާއާއި، އޭނާގެ ފިރިމީހާ، ޖޭރެޑް ކުޝްނަރ ވެސް ވަނީ ހުކުރު ދުވަހު ވައިރަހަށް ޓެސްޓުކޮށް ނަތީޖާ ނެގެޓިވްވެފައެވެ.
ރައީސް ޓްރަމްޕަށް ޚިދުމަތްކޮށްދޭ މީހަކު ކޯވިޑް-19 އަށް ޕޮޒިޓިވްވުމާއި ގުޅިގެން ވައިޓް ހައުސް އާއިލާގެ މެންބަރުން ވައިރަހަށް ވަނީ ޓެސްޓުކޮށްފައެވެ. މި ޓެސްޓްގައި ރައީސް ޓްރަމްޕާއި ނައިބުރައީސް، މައިކް ޕެންސް ވަނީ ނެގެޓިވްވެފައެވެ. ކުރިއަށް އޮތްތާނގައި އެ ދެބޭފުޅުންވެސް ދުވާލަކު އެއްފަހަރު ޓެސްޓުކުރުމަށް ސަރުކާރުން ވަނީ ނިންމާފައެވެ.
އެމެރިކާއިން 1.32 މިލިއަނަށް ވުރެ ގިނަ މީހުން ވައިރަހަށް ވަނީ ޕޮޒިޓިވްވެފައެވެ. ބަލީގައި މަރުވި މީހުންގެ އަދަދު ވަނީ 78،616 އަށް އަރާފައެވެ.
ވައިޓް ހައުސްގެ އޮފިޝަލުންނާއި ބައްދަލުކޮށް މިލަރ ވާހަކަދައްކަވާ އުޅުއްވާތަން މިދިޔަ ބުރާސްފަތި ދުވަހު ޓްރަމްޕް ބޭއްވި އަޅުކަމުގެ ހަފްލާއެއްގައި ވެސް ވަނީ ފެނިފައެވެ. އެ ހަފްލާގައި ވައިޓްހައުސްގެ އިސް މުވައްޒަފުންނާއި، ރިޔާސީ އާއިލާގެ އެތައް މެންބަރުންނެއްވެސް ވަނީ ބައިވެރިވެފައެވެ. ކޭޓީ މިލަރ ޕޮޒިޓިވްވުމާއި ގުޅިގެން މައިކް ޕެންސް، އަޔޯވާގެ ޑެ މޮއިންއަށް ކުރައްވަމުން ގެންދެވި ދަތުރުފުޅުވެސް ވަނީ މެދުކަނޑާލަން ޖެހިފައެވެ. އެދަތުރުގައި މިލަރއާއި ބައްދަލުވެފައިވާ އިތުރު 6 މީހަކު ބައިވެރިވެއެވެ.
ނަންހާމަކުރަން ބޭނުންނުވާ، ފަރާތަކާއި ހަވާލާދީ ސީއެންއެންގައި ރިޕޯޓުކޮށްފައިވާ ގޮތުގައި ރައީސް ޓްރަމްޕްގެ ދަރިކަނބަލުން، އިވާންކާގެ އެންމެ ގާތުގައިއުޅޭ އެހީތެރިޔާވެސް ވަނީ ބައްޔަށް ޕޮޒިޓިވް ވެފައެވެ. ނަމަވެސް އިވާންކާއާއި އޭނާއާއި ބައްދަލު ނުވާތާ އެތައް ހަފްތާއެއް ވެއްޖެކަމަށް ވެއެވެ. އީވާންކާ އޮންލައިންކޮށް ގޭގައި އިންނަވައިގެން މަސައްކަތްކުރައްވާތާ ދެ މަސްދުވަސް ވެދާނެކަމަށް ރިޕޯޓްތައް ބުނެއެވެ.
އެއްވެސް އަލާމާތެއް ފެނިފައި ނުވިނަމަވެސް، ރައްކާތެރިކަމުގެ ގޮތުން އިވާންކާއާއި، އޭނާގެ ފިރިމީހާ، ޖޭރެޑް ކުޝްނަރ ވެސް ވަނީ ހުކުރު ދުވަހު ވައިރަހަށް ޓެސްޓުކޮށް ނަތީޖާ ނެގެޓިވްވެފައެވެ.
އެމެރިކާއިން 1.32 މިލިއަނަށް ވުރެ ގިނަ މީހުން ވައިރަހަށް ވަނީ ޕޮޒިޓިވްވެފައެވެ. ބަލީގައި މަރުވި މީހުންގެ އަދަދު ވަނީ 78،616 އަށް އަރާފައެވެ.
ކިޔުންތެރިންގެ ހިޔާލު