ޑރ. އިޔާޒު މިހެން ވިދާޅުވެފައި މިވަނީ، ކުރީގެ ރައީސް، ރައީސް މުހައްމަދު ނަޝީދަށް އަމާޒުކޮށް ބޮމުގެ ހަމަލާއެއް ދީފައިވަނީ އެމަނިކުފާނަކީ އިސްލާމްދީނަށް ފުރައްސާރަކުރާ މީހެއްކަމަށްބުނެ، އެމަނިކުފާނު މަރާލުމުގެ މަޤްޞަދުގައިކަމަށް ފުލުހުން ބުނެފައިވަނިކޮށެވެ.
އިންސާނާގެ ފުރާނައަކީ ޙުރުމަތްތެރިވެގެންވާ އެއްޗެއް. الله ހުއްދަ ކުރެއްވި ކަމެއްގައި މެނުވީ އިންސާނާގެ ފުރާނަ ދުއްވާ ނުލެވޭނެ. އެފަދަ ކަމެއް މީހެއްގެ މައްޗަށް ޘާބިތުވެއްޖެކަން ކަނޑައަޅާނީ ޝަރްޢީ ކޯޓުތަކުން. އަދި ތަންފީޛު ކުރާނީ ދައުލަތުން. އެއީ ރަޢްޔިތުން އަމިއްލަ އަށް ކުރެވޭނެ..
— Dr.Mohamed Iyaz (@dr_iyaz) July 25, 2021
ޑރ. އިޔާޒު ވިދާޅުވީ އިންސާނާގެ ފުރާނައަކީ ޙުރުމަތްތެރިވެގެންވާ އެއްޗެއްކަމަށެވެ. އަދި الله ހުއްދަ ކުރެއްވި ކަމެއްގައި މެނުވީ އިންސާނާގެ ފުރާނަ ދުއްވާ ނުލެވޭނެކަމަށް އޭނާ ވިދާޅުވިއެވެ. އަދި އެފަދަ ކަމެއް މީހެއްގެ މައްޗަށް ޘާބިތުވެއްޖެކަން ކަނޑައަޅާނީ ޝަރްޢީ ކޯޓުތަކުންކަމަށާއި އަދި ތަންފީޛު ކުރާނީ ދައުލަތުންކަމަށްވެސް އިޔާޒު ވިދާޅުވިއެވެ. އަދި އެއީ ރައްޔިތުން އަމިއްލައަށް ކުރެވޭނެ އަދި ކޮށްގެންވާނެވެސް ކަމެއް ނޫންކަމަށްވެސް އިޔާޒު ވިދާޅުވިއެވެ.
އަދި ކޮށްގެންވާނެވެސް ކަމެއް ނޫން. މުޖްތަމަޢުގެ ހަމަޖެހުމާއި މަސަލަސް ކަމަށް ރިޢާޔަތް ކުރުމަކީ ކޮންމެ މީހެއްގެވެސް ފަރްދީ ޛިންމާ އެއް. އަނިޔާވެރި ޢަމަލުތައް ހުއްޓުވޭނީ ޅަފަތުން ފެށިގެން އިސްލާމީ ތަރްބިއްޔަތު ދެވި, މުޖްތަމަޢުގައި ޢަދުލު އިންޞާފު ގާއިމް ކުރެވިގެން.
— Dr.Mohamed Iyaz (@dr_iyaz) July 25, 2021
އިޔާޒު ވިދާޅުވީ މުޖްތަމަޢުގެ ހަމަޖެހުމާއި މަސަލަސްކަމަށް ރިޢާޔަތްކުރުމަކީ ކޮންމެ މީހެއްގެވެސް ފަރްދީ ޒިންމާއެއްކަމަށެވެ. އަދި އަނިޔާވެރި ޢަމަލުތައް ހުއްޓުވޭނީ ޅަފަތުން ފެށިގެން އިސްލާމީ ތަރްބިއްޔަތު ދެވި, މުޖްތަމަޢުގައި ޢަދުލު އިންޞާފު ގާއިމް ކުރެވިގެންކަމަށް ވެސް ޑރ. އިޔާޒް ވިދާޅުވިއެވެ.
ބާރުގަދަ މީހާ އަށް މޮޅުގޮތް, ނިކަމެތި މީހާ އަށް ނިކަމެތިގޮތް އޮންނަ އުޞޫލު ބަދަލު ކުރަން ޖެހޭ. ނޫންނަމަ ކިތަންމެ ތަރައްގީ އެއް ގެނައިނަމަވެސް އެކަމުގެ މަންފާ އެއް ނުކުރާނެ. އަދި މުޖްތަމަޢުގެ އަފްރާދުންނަށް ހަމަޖެހިގެން އުޅެވޭނެ ގޮތެއްވެސް ނުވާނެ.
— Dr.Mohamed Iyaz (@dr_iyaz) July 25, 2021
އިޔާޒު ވިދާޅުވީ ބާރުގަދަ މީހާއަށް މޮޅުގޮތް, ނިކަމެތި މީހާއަށް ނިކަމެތިގޮތް އޮންނަ އުޞޫލު ބަދަލު ކުރަންޖެހޭކަމަށެވެ. ނޫންނަމަ ކިތަންމެ ތަރައްގީއެއް ގެނައިނަމަވެސް އެކަމުގެ މަންފާއެއް ނުކުރާނެކަމަށާއި އަދި މުޖްތަމަޢުގެ އަފްރާދުންނަށް ހަމަޖެހިގެން އުޅެވޭނެ ގޮތެއްވެސް ނޯންނާނެކަމަށް އިޔާޒު ވިދާޅުވިއެވެ.
ކިޔުންތެރިންގެ ހިޔާލު