ދިވެހިރާއްޖެއަށް މިދިޔަ ވިއްސަކަށް އަހަރުގެ ތެރޭގައި ޑިމޮކްރަސީ ގެނައުމުގައި ލިބިފައިވާ ކުރިއެރުމަކީ އެންމެ މީހެއްގެ މަސައްކަތެއް ނޫންކަމަށް މަރަދޫ ދާއިރާގެ މެމްބަރު އިބްރާހިމް ޝަރީފް، އައްޑޫ ޝަރީފް ވިދާޅުވެއްޖެއެވެ.

ޝަރީފް ވިދާޅުވީ، ވެރިކަން ކުރާ ޕާޓީގެ ތެރޭގައި ވެރިކަމާއި ހެދި އަރާރުންވުމަކީ ވަރަށް ކަންބޮޑުވެވަޑައިގަންނަވާ ކަމެއްކަމަށެވެ. އަދި އެކަމުގެ ސަބަބުން ކޯވިޑްފަދަ އުނދަގޫ ހާލަތެއްގައި ސަރުކާރު ހިންގުމަށް ގޮންޖެހުންތައް ކުރިމަތިވަމުންދާކަމަށް ޝަރީފް ވިދާޅުވިއެވެ.

އެހެންކަމުން މިވަގުތު ގައުމަށް ދިމާވެފައިވާ މައްސަލަތައް ހައްލުކުރުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް އެއްބާރުލުން ދީގެން ހުރިހާ އެންމެން މަސައްކަތްކުރަންޖެހޭކަމަށް ޝަރީފް ވިދާޅުވިއެވެ.

d power struggle within d ruling party is deeply https://t.co/eKQpGSyraP is negatively impacting efficient running of govt in middle of a public health crisis n an economic downturn.We all must work together to help @ibusolih in his efforts to resolve challenges facing d nation.

— Ibrahim Shareef (@AdduShareef) July 29, 2021

ޝަރީފް ވިދާޅުވީ މިދިޔަ ވިއްސަކަށް އަހަރުގެ ތެރޭގައި ރާއްޖެއިން ޑިމޮކްރަސީއަށް ކުރި ދަތުރުގައި ބޮޑެތި ކާމިޔާބީތަކެއްް ހޯދާފައިވާ ކަމަށެވެ. އަދި އަޅުގަނޑުމެން އެންމެންގެ މަސައްކަތާއެކު އެކާމިޔާބީތައް ދަމަހައްޓަންޖެހޭ ކަމަށްވެސް ޝަރީފް ވިދާޅުވިއެވެ. ޝަރީފް ވިދާޅުވީ އެމްޑީޕިންވެސް އެކި ގޮތްގޮތުން ކާމިޔާބީތަކެއްް ހާސިލްކޮށްފައިވާކަމަށާއި، ނަމަވެސް އެއީ އެންމެ މީހެއްގެ މަސައްކަތް ނޫންކަމަށެވެ. އަދި އެއީ ގިނަ ބައެއްގެ ބުރަ މަސައްކަތުން ލިބިފައިވާ ކާމިޔާބީތަކެއްކަން ޝަރީފް ފާހަގަކުރެއްވިއެވެ.

We mus all collectively work to preserve the achievements of the past 2decades in our country’s journey towards democracy.Our own party’s n the country’s achievements in economic, social n political arena r result of hard work of many No single person can lay claim to everything

— Ibrahim Shareef (@AdduShareef) July 29, 2021

ޝަރީފް ވިދާޅުވީ އެންމެ މީހެއްގެ މަސްްލަހަތަށް ކަންކަން ކުރުމަކީ ޑިމޮކްރަސީ ދަންނަ ކަމެއް ނޫންކަމަށެވެ. އަދި ކަންކަން ހައްލުކޮށް، ކުރިއެރުން ދެމެހެއްޓޭނީ މަޝްވަރާގެ އުސޫލުންކަމަށާއި، ރާއްޖެއަށް ސިޔާސީ ހަމަޖެހުން މިވަގުތު ކޮންމެހެންވެސް ބޭނުންވާކަމަށް ވެސް ޝަރީފް ވިދާޅުވިއެވެ.

Efforts to impose d will of a single individual cannot obliviously be democratic.Our country’s social,economic n political gains can only be preserved if we work to resolve political differences thru discussion n dialogue.MDV needs political stability now more than ever.

— Ibrahim Shareef (@AdduShareef) July 29, 2021

"ގައުމު އިޖުތިމާޢީ ގޮތުންނާއި އިގުތިޞާދީ ގޮތުން އަދި ސިޔާސީ ގޮތުން ކުރިއެރުމާއި ހަމަޖެހުން ދެމެހެއްޓޭނީ މަޝްވަރާގެ އުސޫލު އިހުތިޔާރުކޮށްގެން." ޝަރީފް ވިދާޅުވިއެވެ.

ޝަރީފް މިފަދައިން ވާހަކަދައްކަވާފައި މިވަނީ، ވެރިކަންކުރާ އެމްޑީޕީގެ ތެރޭގައި ބޮޑެތި މައްސަލަތަކެއް އުފެދިފައިވާ ދަނޑިވަޅެއްގައެވެ. ގިނަ ބަޔަކު ގަބޫލުކުރާ ގޮތުގައި ހުރިހާވެސް މައްސަލައަކީ އެމްޑީޕީގެ ރައީސް، އަދި ކުރީގެ ރައީސް މުހައްމަދު ނަޝީދު ބޭނުންފުޅުވާ ގޮތަށް ކަންކަން ނުވުމުން ދިމާވާ މައްސަލަތަކެވެ. އަދި ރައީސް ސާލިހުގެ ސާބިތުކަމަކީ ރައީސް ނަޝީދުގެ މަސައްކަތްޕުޅު ކާމިޔާބު ނުވުމަށް އޮތް އެންމެ ބޮޑު ހުރަސްކަމަށްވެސް ބައެއް ފަރާތްތަކުން ބުނެއެވެ.