މިމަޝްވަރާތައް ކުރިއަށްގެންގޮސްފައިވަނީ ރާއްޖޭގެ ޚާރިޖީ ވަޒީރު އަބްދުﷲ ޝާހިދު ބަލްގޭރިއާއަށް މިހާރު ކުރަށްވަމުން ގެންދަވާ ދަތުރުފުޅުގެ ތެރެއިން، ބަލްޤޭރިއާގެ މިނިސްޓަރ އޮފް އިކޮނަމީގެ ނާއިބު ކަލީނާ ކޮންސްޓަންޓިނޯވާއެކު ބޭއްވި ބައްދަލުކުރެއްވުމުގައެވެ.
މި ބައްދަލުކުރެއްވުމުގައި ރާއްޖެއާ ބަލްގޭރިއާދެމެދު ވިޔަފާރިއާ އިޤްތިސާދީ ދާއިރާއިން އިތުރަށް ގުޅުން ބަދަހިކުރުމާއި ގުޅޭގޮތުން މަޝްވަރާކުރެއްވިއެވެ. އަދި ރާއްޖޭގެ މަހުގެ އުފެއްދުންތައް ބަލްގޭރިއާއަށް އެކްސްޕޯޓުކުރެވޭނެ ގޮތްތަކާއި ގުޅޭގޮތުންވެސް މިބައްދަލުވުމުގައި މަޝްވަރާކުރެއްވިކަމަށް ޚާރިޖީ ވަޒީރު ޝާހިދު ވިދާޅުވިއެވެ.
It was a pleasure to meet Deputy Minister of Economy of #Bulgaria Ms. Kalina Konstantinova today, and discuss ways to further strengthen economic cooperation and trade between our two countries. I also explored the possibility of exporting Maldivian fish products to Bulgaria. pic.twitter.com/M4cadSc6ZW
— Abdulla Shahid (@abdulla_shahid) July 29, 2021
ޝާހިދުގެ ދަތުރުފުޅުގައި، ޓްރާންސްޕޯޓާއި އައިސިޓީ ދާއިރާއިން ގުޅުން ބަދަހިކުރުމާއި ގުޅޭގޮތުންވެސް މަޝްވަރާތައް ބޭއްވެވިއެވެ. މި މަޝްވަރާތައް ކުރިއަށްގެންގޮސްފައިވަނީ އެޤައުމުގެ ޓްރާންސްޕޯޓް، އިންފޮމޭޝަން ޓެކްނޯލޮޖީ އެންޑް ކޮމިއުނިކޭޝަން މިނިސްޓަރ ގިއޯރގީ ތެދްރޮވްއާއެކު ބޭއްވެވި ބައްދަލުކުރެއްވުމުގައެވެ.
Met with Minister of Transport, Information Technology and Communication of #Bulgaria Georgi Todorov, today. Discussed stronger cooperation between🇲🇻and🇧🇬 in the fields of transport and ICT. Confident that Maldives-Bulgaria cooperation in these fields will continue to strengthen pic.twitter.com/tUPsyhmJMA
— Abdulla Shahid (@abdulla_shahid) July 29, 2021
މި ބައްދަލުކުރެއްވުމުގައި ދަތުރުފަތުރުގެ ދާއިރާއާއި އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީގެ ދާއިރާއިން ގުޅުން ބަދަހިކުރުމަށް ފުޅާދާއިރާއެއްގައި މިބައްދަލުކުރެއްވުމުގައި މަޝްވަރާކުރެވުނުކަމަށާއި އަދޮ މި މަޝްވަރާތަކުގެ ސަބަބުން ކުރިއަށްއޮތްތަނުގައި އެ ދާއިރާތަކުން ދެޤައުމުގެ މެދުގައި އިތުރަށް ގުޅުން ބަދަހިވެގެންދާނެކަމުގެ ފުރިހަމަ ޔަޤީންކަން އެބައޮތްކަމަށްވެސް ޝާހިދު ވިދާޅުވިއެވެ.
މި ބައްދަލުވުންތަކުގެ ކުރިން މިނިސްޓަރ އަބްދުﷲ ޝާހިދު ވަނީ ބަލްޤޭރިއާގެ ފޮރިން މިނިސްޓަރާއި ޓޫރިޒަމް މިނިސްޓަރާއިވެސް ބައްދަލުކުރައްވައި ވިޔަފާރިއާއި އިޤްތިޞާދީ ދާއިރާ، އަދި ފަތުރުވެރިކަމުގެ ދާއިރާއިން ގުޅުން ބަދަހިކުރުމާ ގުޅޭގޮތުން މުހިއްމު މަޝްވަރާތަކެއްކުރަށްވައިފައެވެ.
Pleased to meet Foreign Minister of #Bulgaria @SvetlanStoev today. Discussed issues of mutual interest such as increasing tourism cooperation, people-to-people contact & economic interaction between🇲🇻& 🇧🇬. I also shared with him my priorities for #UNGA76, the #PresidencyOfHope pic.twitter.com/84D41AZztj
— Abdulla Shahid (@abdulla_shahid) July 28, 2021
ކިޔުންތެރިންގެ ހިޔާލު