ސްޓެލްކޯއިން ކުރިއަށްގެންދާ ‏ވ. ތިނަދޫގެ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ އަމަލީ މަސައްކަތް ފަށައިފިއެވެ.



ސްޓެލްކޯއިން ތިނަދޫގެ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ އަމަލީ މަސައްކަތް ފަށާފައިވަނީ މިއަދުއެވެ. އަދި މި މަސައްކަތް މި މަހުގެ 15 ވަނަ ދުވަހުގެ ނިޔަލަށް ނިންމާލެވޭނެކަމަށް އެކުންފުނިން ހާމަކޮށްފައިވެއެވެ.

ވ. ތިނަދޫގެ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތް ކުރިޔަށްދަނީ. މި މަސައްކަތް މި މަހުގެ 15 ވަނަ ދުވަހުގެ ނިޔަލަށް ނިންމާލެވި، އެކަމުގެ ފަސޭހަތައް ތިނަދޫގެ ރައްޔިތުންނަށް ލިބިގެންދާނެ. pic.twitter.com/9gf2oMucqg

— STELCO (@STELCOMALDIVES) August 3, 2021

ސްޓެލްކޯއިން ހާމަކޮށްފައިވާ ގޮތުގައި، ރަށްރަށުގައި ކުރިއަށްދާ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތަކީ، އެރަށްރަށުގައި އިތުރުވަމުންދާ ޑިމާންޑާއިއެއްވަރަށް ހިދުމަތްދީ، އަދި ވޮލްޓޭޖް ޑްރޮޕްވުން ހައްލު ކުރުމަށް ކުރެވޭ މަސައްކަތްތަކެވެ.

މިގޮތުން ތިނަދޫގައި ކުރިއަށްދާ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތް ނިމުމުން އެކަމުގެ ފަސޭހަތައް ތިނަދޫގެ ރައްޔިތުންނަށް ލިބިގެންދާނެކަމަށް ސްޓެލްކޯއިން ހާމަކޮށްފައިވެއެވެ.