ކުރީގެ ރައީސް އަބްދުﷲ ޔާމީންގެ ސަރުކާރުގައި ހިންގި އެމްއެމްޕީއާރުސީ ޚިޔާނާތާއި ގުޅިގެން ރިޝްވަތު ނެގިކަމުގެ ތުހުމަތުގައި މަޤާމުން އެކަހެރި ކޮށްފައިވާ ޔޫތު މިނިސްޓަރ އަޙްމަދު މަޙްލޫފްގެ ރާގު ބަދަލު ކުރަށްވައި، އެ މައްސަލާގައި ދަޢުވާ ކުރި ނަމަވެސް އިސްތިޢުފާ ނުދެއްވާނެކަމަށް ވިދާޅުވެއްޖެއެވެ.
މީގެ ކުރިން މަޙްލޫފް ވިދާޅުވެފައިވަނީ، އެމްއެމްޕީއާރުސީ ޚިޔާނާތުގެ މައްސަލާގައި ޤާނޫނާއި ގަވައިދާއި، އެސެޓް ރިކަވަރީ ކޮމިޝަނާއި، ފުލުހުންނާއި، ޕީޖީއާއި، އޭސީސީން އަމިއްލައަށް ހަދައިގެން ތިބި އުސޫލުތަކާ އެއްގޮތަށް ތަފާތު ކުރުމެއް ނެތި މައްސަލަ ގެންދާނަމަ ދަޢުވާ ކުރާ ހިސާބުން އެންމެ ދުވަހަކުވެސް އިތުރަށް މަޤާމުގައި ދެމި ނުހުންނަވާނެ ކަމަށެވެ.
މަހުލޫފަށް ދައުވާ ކުރަން އެންޓި ކޮރަޕްޝަން ކޮމިޝަން (އޭސީސީ) އިން ޕީޖީ އޮފީހަށް ފޮނުވާފައި އޮންނަތާ ދެ މަހެއްހާ ދުވަސް ވެފައިވާއިރު އަދިވެސް ދައުވާ ކުރުމާއިމެދު ޕީޖީ އޮފީހުން ވަކި ގޮތެއް ނިންމާފައެއް ނުވެއެވެ. މަހުލޫފުގެ މައްސަލަ ދިރާސާ ކުރުމަށް ޕީޖީ އޮފީހުގައި އެކުލަވާލާފައި އޮތް ދައުލަތުގެ ޕްރޮސެކިއުޓަރުންގެ ކޮމެޓީން ބަލަމުން ގެންދިޔަ މައްސަލަ އެ ކޮމިޓީ މެންބަރުންގެ އަތުންނަގާ އަބްދުﷲ ރާބިއުއާއި މަހްމޫދު ސަލީމާއި ހަވާލުކޮށްފައިވާ ކަމަށްވެސް ވަނީ އަޑު ފެތުރިފަ އެވެ.
އެކަމާ ގުޅިގެން މަޙްލޫފް މިއަދު ވިދާޅުވީ، އޭނާއާއި ދެކޮޅަށް ހޯދާފައިވާ ހެއްކަކީ ޗެއިން އޮފް ކަސްޓަޑީ ނެތް، އެއްވެސް ޤާނޫނީ ބުރަދަނެއް ނުލިބޭ އެއްޗެއް ކަމަށް ޕީޖީ އޮފީހުގެ ޕްރޮސިކިއުޓަރުން ބުނެފައިވާ ކަމަށެވެ. އަދި ފެށުނީއްސުރެ އޭނާގެ މައްސަލައިގެ ތެރެއަށް ވަނީ ނުފޫޒުގަދަ ސިޔާސީ ބަޔަކު ވަދެފައި ކަމަށާއި، މިއީ ޒާތީ ކަމެއް ކަމަށް މަޙްލޫފް ވިދާޅުވިއެވެ. އަދި އޭނާގެ މައްޗަށް ދައުވާކޮށްފިނަމަ ކޯޓު މަރުޙަލާގައި އިތުރު ކަންތައްތައް ހާމަވާނެ ކަމަށް މަޙްލޫފް ވިދާޅުވިއެވެ.
ކުރިން ނިންމައިގެން ހުރީ ޕީޖީ އޮފީހުން ގޮތެއް ނިންމުމުން އިސްތިއުފާ ދިނުމަށް ކަމަށާއި، ނަމަވެސް ޕީޖީ އޮފީސް ތެރެއިންވެސް ގޯސްކޮށް ކަންތައްތައް ދާތީ، ދައުވާ ކުރިޔަސް ދެން އިސްތިއުފާދިނުމާ މެދު އިތުރަށް ވިސްނާނެ ކަމަށް މަޙްލޫފް ވިދާޅުވިއެވެ. އަދި އެކަން ރައީސަށްވެސް ދަންނަވާނެ ކަމަށާއި، މަޤާމުން ވަކި ކުރުމަކީ ރައީސްގެ ކަމެއްކަމަށް މަޙްލޫފް ވިދާޅުވިއެވެ.
"ހަޑިކޮށް އެއްބަޔަކު ކުޅޭއިރު އެހާ ފަސޭހަކޮށް މަގުކޮށާދޭކަށް ނެތިން." މަޙްލޫފް ވިދާޅުވިއެވެ.
އޭގެ އިތުރުން އެ މައްސަލާގައި އޭނާއާއި ދެކޮޅަށް ހޯދިކަމަށްބުނާ ހެކިތަކާއި، ބަޔާނަކީ ކަނޑައެޅިގެން ދިވެހިރާއްޖެއާއި، ސްރީލަންކާގެ ޤާނޫނާ ހިލާފަށް ހޯދައި އަދި ނަގާފައިވާ ހެކިކަމަށާއި، އެހެކިތައް ކޯޓަށް ބަލައިވެސް ނުގަންނާނެ ކަމަށް މަޙްލޫފް ވަނީ ވިދާޅުވެފައެވެ.
މަހުލޫފުގެ މައްޗަށް ތުހުމަތު ކުރަނީ ކުރީ ސަރުކާރުން އެސްއީޒެޑު ބިލް ފާސްކުރިއިރު ރިޝްވަތުގެ ގޮތުގައި ޑޮލަރު ނެންގެވި މައްސަލައެވެ. އޭނާ ވިދާޅުވަނީ އެފައިސާއަކީ ޑޮލަރުގެ މުއާމަލާތަކަށް ނެންގެވި ފައިސާ ކަމަށެވެ. އެހެންނަމަވެސް އެފައިސާ ނެންގެވީ އޭރު މަހުލޫފު މަޖިލިސް މެމްބަރެއްގެ ގޮތުގައި ހުންނަވައިގެން ރިޝްވަތުގެ ގޮތުގައިކަމަށް އޭސީސީން ވަނީ ބުނެފައެވެ.
މިނިސްޓަރ މަޙްލޫފްގެ މައްޗަށް ދަޢުވާކުރުމަށް ޕްރޮސިކިއުޓަރ ޖެނަރަލްގެ އޮފީހަށް ފޮނުވާފައިވާތީ ޕްރޮސިކިއުޓަރ ޖެނަރަލް ވަކިގޮތެއް ނިންމަވަންދެން މިނިސްޓަރ މަޙްލޫފް މަސައްކަތުން އެކަހެރިކުރުމަށް ރައީސް ވަނީ އަންގަވާފައެވެ.
މަހުލޫފަށް ދައުވާ ކުރަން އެންޓި ކޮރަޕްޝަން ކޮމިޝަން (އޭސީސީ) އިން ޕީޖީ އޮފީހަށް ފޮނުވާފައި އޮންނަތާ ދެ މަހެއްހާ ދުވަސް ވެފައިވާއިރު އަދިވެސް ދައުވާ ކުރުމާއިމެދު ޕީޖީ އޮފީހުން ވަކި ގޮތެއް ނިންމާފައެއް ނުވެއެވެ. މަހުލޫފުގެ މައްސަލަ ދިރާސާ ކުރުމަށް ޕީޖީ އޮފީހުގައި އެކުލަވާލާފައި އޮތް ދައުލަތުގެ ޕްރޮސެކިއުޓަރުންގެ ކޮމެޓީން ބަލަމުން ގެންދިޔަ މައްސަލަ އެ ކޮމިޓީ މެންބަރުންގެ އަތުންނަގާ އަބްދުﷲ ރާބިއުއާއި މަހްމޫދު ސަލީމާއި ހަވާލުކޮށްފައިވާ ކަމަށްވެސް ވަނީ އަޑު ފެތުރިފަ އެވެ.
އެކަމާ ގުޅިގެން މަޙްލޫފް މިއަދު ވިދާޅުވީ، އޭނާއާއި ދެކޮޅަށް ހޯދާފައިވާ ހެއްކަކީ ޗެއިން އޮފް ކަސްޓަޑީ ނެތް، އެއްވެސް ޤާނޫނީ ބުރަދަނެއް ނުލިބޭ އެއްޗެއް ކަމަށް ޕީޖީ އޮފީހުގެ ޕްރޮސިކިއުޓަރުން ބުނެފައިވާ ކަމަށެވެ. އަދި ފެށުނީއްސުރެ އޭނާގެ މައްސަލައިގެ ތެރެއަށް ވަނީ ނުފޫޒުގަދަ ސިޔާސީ ބަޔަކު ވަދެފައި ކަމަށާއި، މިއީ ޒާތީ ކަމެއް ކަމަށް މަޙްލޫފް ވިދާޅުވިއެވެ. އަދި އޭނާގެ މައްޗަށް ދައުވާކޮށްފިނަމަ ކޯޓު މަރުޙަލާގައި އިތުރު ކަންތައްތައް ހާމަވާނެ ކަމަށް މަޙްލޫފް ވިދާޅުވިއެވެ.
ކުރިން ނިންމައިގެން ހުރީ ޕީޖީ އޮފީހުން ގޮތެއް ނިންމުމުން އިސްތިއުފާ ދިނުމަށް ކަމަށާއި، ނަމަވެސް ޕީޖީ އޮފީސް ތެރެއިންވެސް ގޯސްކޮށް ކަންތައްތައް ދާތީ، ދައުވާ ކުރިޔަސް ދެން އިސްތިއުފާދިނުމާ މެދު އިތުރަށް ވިސްނާނެ ކަމަށް މަޙްލޫފް ވިދާޅުވިއެވެ. އަދި އެކަން ރައީސަށްވެސް ދަންނަވާނެ ކަމަށާއި، މަޤާމުން ވަކި ކުރުމަކީ ރައީސްގެ ކަމެއްކަމަށް މަޙްލޫފް ވިދާޅުވިއެވެ.
"ހަޑިކޮށް އެއްބަޔަކު ކުޅޭއިރު އެހާ ފަސޭހަކޮށް މަގުކޮށާދޭކަށް ނެތިން." މަޙްލޫފް ވިދާޅުވިއެވެ.
- ކުރިން ނިންމައިގެން ހުރީ PG އޮފީހުން ގޮތެއް ނިންމީމަ އިސްތިއުފާ ދޭން.އެކަމަކު މިހާ ގޯސްކޮށް PG އޮފީސް ތެރެއިންވެސް ކަންކަން ދާތީ،ދައުވާ ކުރިޔަސް ދެން އަޅުގަނޑު އިސްތިއުފާދިނުމާ މެދު އިތުރަށް ވިސްނާނަށް.
— Ahmed Mahloof (@AhmedMahloof) August 9, 2021
- ހަޑިކޮށް އެއްބަޔަކު ކުޅޭއިރު އެހާ ފަސޭހަކޮށް މަގުކޮށާދޭކަށްނެތިން. https://t.co/CB5VEa3Vsd
އޭގެ އިތުރުން އެ މައްސަލާގައި އޭނާއާއި ދެކޮޅަށް ހޯދިކަމަށްބުނާ ހެކިތަކާއި، ބަޔާނަކީ ކަނޑައެޅިގެން ދިވެހިރާއްޖެއާއި، ސްރީލަންކާގެ ޤާނޫނާ ހިލާފަށް ހޯދައި އަދި ނަގާފައިވާ ހެކިކަމަށާއި، އެހެކިތައް ކޯޓަށް ބަލައިވެސް ނުގަންނާނެ ކަމަށް މަޙްލޫފް ވަނީ ވިދާޅުވެފައެވެ.
މިނިސްޓަރ މަޙްލޫފްގެ މައްޗަށް ދަޢުވާކުރުމަށް ޕްރޮސިކިއުޓަރ ޖެނަރަލްގެ އޮފީހަށް ފޮނުވާފައިވާތީ ޕްރޮސިކިއުޓަރ ޖެނަރަލް ވަކިގޮތެއް ނިންމަވަންދެން މިނިސްޓަރ މަޙްލޫފް މަސައްކަތުން އެކަހެރިކުރުމަށް ރައީސް ވަނީ އަންގަވާފައެވެ.
ކިޔުންތެރިންގެ ހިޔާލު