ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ރަސްމީ ދަތުރުފުޅެއްގައި ށ އަތޮޅަށާއި ރ އަތޮޅަށް ވަޑައިގަންނަވަން ހަމަޖެހިފައިވާ ކަމަށް ރައީސްއޮފީހުގެ ތަރުޖަމާނު މުޙައްމަދު މަބްރޫކް ޢަޒީޒް ވިދާޅުވެއްޖެއެވެ.

މަބްރޫކް މިއަދު ވިދާޅުވީ، ރައީސްގެ މި ދަތުރުފުޅުގައި ވަޑައިގަތުމަށް ހަމަޖެހިފައިވަނީ ށ އަތޮޅުގެ ހަތަރު ރަށަކަށާއި ރ. އަތޮޅުގެ ހަތަރު ރަށަކަށް ކަމަށެވެ.

މާދަމާ ފެށުމަށް ހަމަޖެހިފައިވާ މި ދަތުރުފުޅުގައި ރައީސް ށ އަތޮޅުން ވަޑައިގަތުމަށް ހަމަޖެހިފައިވާ ރަށްތަކަކީ ފުނަދޫ، ޅައިމަގު، ފޯކައިދޫ، މިލަންދޫއަށެވެ. އަދި ރ. އަތޮޅުން އެމަނިކުފާނު ވަޑައިގަންނަވާނީ ވާދޫ، އަލިފުށި، ރަސްގަތީމު އަދި އަނގޮޅިތީމެވެ.

President @ibusolih will depart tomorrow on an official trip to Shaviyani Atoll & Raa Atoll.

He will be visiting Funadhoo, Lhaimagu, Foakaidhoo and Maaungoodhoo in Shaviyani Atoll, and Vaadhoo, Alifushi, Rasgatheemu and Angolhitheemu in Raa Atoll.

— Mabrook Azeez (@MvSpokesperson) September 6, 2021

އަތޮޅުތަކަށް ރައީސް ފައްޓަވާފައިވާ ސިލްސިލާ ދަތުރުފުޅުގެ ތެރެއިން މިފަހުން އެމަނިކުފާނު ވަނީ ތ. އަތޮޅަށް ވެސް ވަޑައިގެންފައެވެ. ރައީސްގެ މިދަތުރުފުޅުތަކުގައި ރަށްރަށުގެ ރައްޔިތުންނާ، ކައުންސިލާ، ސިއްހީ އަދި ތަޢުލީމީ ދާއިރާގެ އިސް ފަރާތްތަކާއި، ސަރުކާރުގެ މުއައްސަސާތަކުގެ އިސްވެރިންނާއި، ކުންފުނިތަކުގެ ވެރިންނާ ބައްދަލު ކުރަށްވައި އެފަރާތްތަކުގެ ޝަކުވާތައް އަޑުއައްސަވައި ރަށުގެ ތަރައްގީއަށާއި ރައްޔިތުންނަށް ބޭނުންވާ ކަންކަމުގެ މައުލޫމާތު އޮޅުން ފިލުއްވައި ހައްދަވަމުން ގެންދަވައެވެ.