ފުލުހުންގެ ވަޒީފާއިން ރިޓަޔަރ ކުރިކުރުން ބާތިލްކޮށްފިނަމަ އަލުން ވަޒީފާއަށް ނުކުތުމުގެ ހިތްވަރުވެސް އެބަހުރި ކަމަށް ވިދާޅުވެ ހޮޅިވާހަކަ ނުދެއްކެވުމަށް ފުލުހުންގެ ވަޒީފާއިން ޝަރަފްވެރިކަމާއެކު ރިޓަޔަރ ކުރަށްވާފައިވާ އެސިސްޓެންޓް ކޮމިޝަނަރ އޮފް ޕޮލިސް ރިޓަޔާރޑް ޑރ. ޢަބްދުﷲ ފައިރޫޝް ރައްޔިތުންގެ މަޖިލީހުގެ މެންބަރުންނަށް ގޮވާލައްވައިފިއެވެ.
ޑރ. ފައިރޫޝް މިމޭރުމުން ވާހަކަ ދައްކަވާފައި މިވަނީ، ފައިރޫޝް މަގާމުން ޝަރަފްވެރިކަމާއެކު ރިޓަޔާ ކޮށްދީފައިވަނީ އޭނާއާ ގުޅޭ ގޮތުން ހުރި މައްސަލަތައް ރަނގަޅަށް ނުބަލައި ކަމަށް ރައްޔިތުންގެ މަޖިލީހުން މިއަދު ފާސްކުރުމާ ގުޅިގެން އެކަމަށް ރައްދު ދެއްވުމުގެ ގޮތުންނެވެ. އެމައްސަލަ ބެލުމަށް މަޖިލީހަށް އެންގެވީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ.
ރައްޔިތުންގެ މަޖިލީހުން މިއަދު ފާސްކޮށްފައިވަނީ، ފައިރޫޝް ރިޓަޔާ ކުރުމާ ގުޅޭ ގޮތުން އެއްވެސް ފަރާތަކުން މައްސަލަ އުފައްދައި ފުލުހުންނަށް ހުށަހަޅާފައި ނެތް ކަމަށް ހޯމް މިނިސްޓަރު އިމްރާން އަބުދުﷲ ވިދާޅުވި ނަމަވެސް ފައިރޫޝްގެ އަމަލުތަކާއި، ޢާއްމުވެފައިވާ ރެކޯޑިން މަންޒަރުތަކަށް ބަލާއިރު އޭނާ ޝަރަފުވެރިކަމާއެކު ވަޒީފާއިން ރިޓަޔާކުރުމަށް ނިންމާފައިވާ ނިންމުން އެންމެ ފުރިހަަމައަށް ބެލިފައިވާ ކަަމަށް ގަބޫލުނުކުރާ ކަމަށެވެ.
އެކަމާ ގުޅިގެން ފައިރޫޝް ވިދާޅުވީ، ހުރިހާ ބާރެއް މުށުތެރޭގައި އޮވެމެ މަޖިލީހުން ދައްކަނީ ހޮޅި ވާހަކަ ކަމަށެވެ.
"ތިދައްކާ ވާހަކައިގާ އެއްވެސް އޮއްޓަރެއް ހުރިއްޔާމު ރިޓަޔަރ ކުރި ކުރުން ބާތިލްކުރައްވާ! އަލުން ވަޒީފާއަށް ނުކުތުމުގެ ހިތްވަރު އެބަހުރި." ފައިރޫޝް ވިދާޅުވެފައިވެއެވެ.
ފައިރޫޝް ޝަރަފުވެރިކަމާ އެކު ރިޓަޔަރ ކުރި މައްސަލަ ރައްޔިތުންގެ މަޖިލީހުގެ 241 ކޮމިޓީން ދިރާސާކޮށް ނިންމި ރިޕޯޓް މަޖިލީހުން ފާސްކޮށްފައިވަނީ 36 މެމްބަރުންގެ ވޯޓާއި އެކުއެވެ.
މި މައްސަލަ ބެއްލެވުމަށް މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީ (241) ކޮމިޓީއަށް ހުށައެޅުއްވީ މަޖިލީހުގެ ރައީސް، ރައީސް މުޙައްމަދު ނަޝީދެވެ. ރައީސް ނަޝީދު އެ މައްސަލަ ބަލަން ކޮމިޓީއަށް އެންގެވީ މިހާރު އަމަލުކުރަމުން އަންނަ ފުލުހުންގެ ހިދުމަތުގެ ގާނޫނުގައިވާ ގޮތުގެ މަތިން ނޫނީ ފުލުހުންގެ އޮފިސަރަކަށް ރިޓަޔާ ނުކުރެއްވޭނެ ކަމަށް ވިދާޅުވެއެވެ.
ފުލުުހުންގެ ހިދުމަތުގައި 20 އަހަރު ދުވަހު އުޅުއްވުމަށްފަހު އޭސީޕީ ކަމުގެ މަގާމުން ފައިރޫޝް ރިޓަޔާ ކުރެއްވީ މިއަހަރުގެ ޖެނުއަރީ މަހުގެ 2 ވަނަ ދުވަހުއެވެ. ފުލުހުންގެ ޚިދުމަތުން ރިޓަޔާކުރެއްވިއިރު ޑރ. ފައިރޫޝް ހުންނެވީ ފުލުހުންގެ ހެޑް އޮފް ރިސޯސް މެނޭޖްމެންޓްގެ މަޤާމުގައެވެ.
ރައްޔިތުންގެ މަޖިލީހުން މިއަދު ފާސްކޮށްފައިވަނީ، ފައިރޫޝް ރިޓަޔާ ކުރުމާ ގުޅޭ ގޮތުން އެއްވެސް ފަރާތަކުން މައްސަލަ އުފައްދައި ފުލުހުންނަށް ހުށަހަޅާފައި ނެތް ކަމަށް ހޯމް މިނިސްޓަރު އިމްރާން އަބުދުﷲ ވިދާޅުވި ނަމަވެސް ފައިރޫޝްގެ އަމަލުތަކާއި، ޢާއްމުވެފައިވާ ރެކޯޑިން މަންޒަރުތަކަށް ބަލާއިރު އޭނާ ޝަރަފުވެރިކަމާއެކު ވަޒީފާއިން ރިޓަޔާކުރުމަށް ނިންމާފައިވާ ނިންމުން އެންމެ ފުރިހަަމައަށް ބެލިފައިވާ ކަަމަށް ގަބޫލުނުކުރާ ކަމަށެވެ.
އެކަމާ ގުޅިގެން ފައިރޫޝް ވިދާޅުވީ، ހުރިހާ ބާރެއް މުށުތެރޭގައި އޮވެމެ މަޖިލީހުން ދައްކަނީ ހޮޅި ވާހަކަ ކަމަށެވެ.
"ތިދައްކާ ވާހަކައިގާ އެއްވެސް އޮއްޓަރެއް ހުރިއްޔާމު ރިޓަޔަރ ކުރި ކުރުން ބާތިލްކުރައްވާ! އަލުން ވަޒީފާއަށް ނުކުތުމުގެ ހިތްވަރު އެބަހުރި." ފައިރޫޝް ވިދާޅުވެފައިވެއެވެ.
ފައިރޫޝް ޝަރަފުވެރިކަމާ އެކު ރިޓަޔަރ ކުރި މައްސަލަ ރައްޔިތުންގެ މަޖިލީހުގެ 241 ކޮމިޓީން ދިރާސާކޮށް ނިންމި ރިޕޯޓް މަޖިލީހުން ފާސްކޮށްފައިވަނީ 36 މެމްބަރުންގެ ވޯޓާއި އެކުއެވެ.
ފުލުުހުންގެ ހިދުމަތުގައި 20 އަހަރު ދުވަހު އުޅުއްވުމަށްފަހު އޭސީޕީ ކަމުގެ މަގާމުން ފައިރޫޝް ރިޓަޔާ ކުރެއްވީ މިއަހަރުގެ ޖެނުއަރީ މަހުގެ 2 ވަނަ ދުވަހުއެވެ. ފުލުހުންގެ ޚިދުމަތުން ރިޓަޔާކުރެއްވިއިރު ޑރ. ފައިރޫޝް ހުންނެވީ ފުލުހުންގެ ހެޑް އޮފް ރިސޯސް މެނޭޖްމެންޓްގެ މަޤާމުގައެވެ.
ކިޔުންތެރިންގެ ހިޔާލު