ހިޔާ ފްލެޓުތަކަށް ކަރަންޓު ލުމަށް އޮންލައިންކޮށް އެދެވޭނެކަމަށް ސްޓެލްކޯއިން ބުނެފިއެވެ.
ސްޓެލްކޯއިން މިއަދު ބުނެފައިވަނީ ހިޔާ ފްލެޓް ލިބިފައިވާ ފަރާތްތަކުގެ ތެރެއިން ސްޓެލްކޯގެ ޚިދުމަތްތަކަށް ރަޖިސްޓްރީކޮށްފައިވާ އެންމެހާ ފަރާތްތަކުގެ ތެރެއިން އެކިއެކި ސަބަބުތަކާ ހުރެ ކަނެކްޝަން ނުލިބޭނަމަ އޮންލައިންކޮށް ކަނެކްޝަނަށް އެދުމުގެ ފުރުސަތު މިހާރު ހުޅުވާލާފައިވާ ކަމަށެވެ.
އެގޮތުން ހިޔާގެ 6720 ފްލެޓްގެ ތެރެއިން މިހާތަނަށް ސްޓެލްކޯގެ ޚިދުމަތައް އެދުނު 6106 ފަރާތަކާއެކު އެގްރިމެންޓް ވަނީ ހަދާފައެވެ. އަދި އޭގެ ތެރެއިން 5828 ފްލެޓެއްގެ ވެރިފަރާތުން ވަނީ އެގްރީމެންޓްގައި ސޮއިކޮށްފައި ކަމަށް ވެސް ސްޓެލްކޯއިން ހާމަކޮށްފައިވެއެވެ.
ސްޓެލްކޯއިން މައުލޫމާތު ދީފައިވާ ގޮތުން އެގްރީމެންޓްގައި ސޮއިކުރި ފަރާތްތަކުގެ ތެރެއިން 95 އިންސައްތަ ކަސްޓަމަރުންނަށް މިހާރު ވަނީ ކަނެކްޝަން ގުޅައިދީފައެވެ. މީގެ އިތުރުން، އެގްރީމަންޓުގައި ސޮއި ކުރުމަށްފަހު އެކި ސަބަބުތަކާއި ހެދި ކަސްޓަމަރަށް ހާޒިރު ނުވެވިގެން، ކަނެކްޝަން ދެވިފައިނުވަނީ 280 ފަރާތަކަށް ކަމަށް ވެސް ސްޓެލްކޯއިން ބުނެއެވެ.
އެގޮތުން އެކި ސަބަބުތަކާއި ހެދި ހާޒިރު ނުވެވޭ ކަސްޓަމަރުންނަށް ފަސޭހަކޮށްދިނުމުގެ ގޮތުން އޮންލައިންކޮށް ކަނެކްޝަނަށް އެދެވޭނެ އިންތިޒާމް މިހާރު ވާނީ ހަމަޖައްސާފައި ކަމަށް ސްޓެލްކޯއިން ބުނެއެވެ.
ހިޔާ ފްލެޓް ލިބިފައިވާ ފަރާތްތަކުގެ ތެރެއިން މިކުންފުނީގެ ހިދުމަތައް ރަޖިސްޓަރ ކުރުމަށްފަހު، އެކި ސަބަބުތަކާއި ހެދި ކަނެކްޝަން ނުލިބިވާ ފަރާތްތަކަށް ތިރީގައިވާ ލިންކު ބޭނުން ކުރައްވައިގެން ކަނެކްޝަނަށް އެދިލެއްވޭނެ އިންތިޒާމް މިހާރު ވަނީ ހަމަޖެހިފައި! https://t.co/mDkDaiKN1s
— STELCO (@STELCOMALDIVES) September 29, 2021
އެގޮތުން ހިޔާގެ 6720 ފްލެޓްގެ ތެރެއިން މިހާތަނަށް ސްޓެލްކޯގެ ޚިދުމަތައް އެދުނު 6106 ފަރާތަކާއެކު އެގްރިމެންޓް ވަނީ ހަދާފައެވެ. އަދި އޭގެ ތެރެއިން 5828 ފްލެޓެއްގެ ވެރިފަރާތުން ވަނީ އެގްރީމެންޓްގައި ސޮއިކޮށްފައި ކަމަށް ވެސް ސްޓެލްކޯއިން ހާމަކޮށްފައިވެއެވެ.
އެގޮތުން އެކި ސަބަބުތަކާއި ހެދި ހާޒިރު ނުވެވޭ ކަސްޓަމަރުންނަށް ފަސޭހަކޮށްދިނުމުގެ ގޮތުން އޮންލައިންކޮށް ކަނެކްޝަނަށް އެދެވޭނެ އިންތިޒާމް މިހާރު ވާނީ ހަމަޖައްސާފައި ކަމަށް ސްޓެލްކޯއިން ބުނެއެވެ.
ކިޔުންތެރިންގެ ހިޔާލު