ގާނޫނުގެ މާއްދާތައް މާނަކުރަންވާނީ އެއް ރޮއްޖަކުން ގެތިފައިވާ އެކަތިގަނޑެއްގެ ގޮތަށް ކަމަށް ސުޕްރީމް ކޯޓުން ބުނެފިއެވެ.
ރާއްޖޭގައި އިސްލާމިކް ސްޓޭޓް (އައިއެސް) ގެ ޙަރަކާތްތައް ރާވާ ހިންގުމުގައި އެންމެ އިސްކޮށް ހަރަކާތްތެރިވާކަމަށް ދައުލަތުން ތުހުމަތުކުރާ ޏ. ފުވައްމުލަކު، މާދަޑު، ކަރިއްޔާވިލާ، މުހައްމަދު އަމީންގެ މައްޗަށް އުފުލި ޓެރަރިޒަމްގެ ދައުވާތައް ކުރިއަށް ނުގެންދެވޭނެ ކަމަށް ހައި ކޯޓުން ނިންމި މައްސަލާގައި ދަޢުލަތުގެ ފަރާތުން ސުޕްރީމް ކޯޓުގައި ކޮށްފައިވާ އިލްތިމާސްގެ އަޑުއެހުމުގެ ޙުކުމް އިއްވަވަމުން މައްސަލައިގެ ބެންޗުގައި އިންނެވި ފަނޑިޔާރު ޙުސްނުއްސުޢޫދު މިއަދު ވިދާޅުވީ، ގާނޫނުގެ މާއްދާތައް މާނަ ކުރަން ވާނީ އެއް ރޮއްޖަކުން ގެތިފައިވާ އެކަތިގަނޑެއްގެ ގޮތަށް ކަމަށެވެ.
ނަމަވެސް އަމީންގެ މައްސަލާގައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް, މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށް ސުއޫދު ވިދާޅުވި އެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ފަނޑިޔާރު ސުޢޫދު މިއަދު ވިދާޅުވިއެވެ.
ސުޕްރީމް ކޯޓުން މިއަދު އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ފަނޑިޔާރު ހުސްނުއްސުއޫދު ނެރުއްވި މި ރައުޔަށް ފަނޑިޔާރުންގެ ބެންޗުގެ ރިޔާސަތުގައި އިންނެވި އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ފަނޑިޔާރު އައިޝާ ޝުޖޫން މުޙައްމަދު ވަނީ ތާޢީދު ކުރަށްވާފައެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ނަމަވެސް އަމީންގެ މައްސަލާގައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް, މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށް ސުއޫދު ވިދާޅުވި އެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ފަނޑިޔާރު ސުޢޫދު މިއަދު ވިދާޅުވިއެވެ.
ސުޕްރީމް ކޯޓުން މިއަދު އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ކިޔުންތެރިންގެ ހިޔާލު