ރާއްޖޭގައި އިސްލާމިކް ސްޓޭޓް (އައިއެސް) ގެ ޙަރަކާތްތައް ރާވާ ހިންގުމުގައި އެންމެ އިސްކޮށް ހަރަކާތްތެރިވާކަމަށް ދައުލަތުން ތުހުމަތުކުރާ ޏ. ފުވައްމުލަކު، މާދަޑު، ކަރިއްޔާވިލާ، މުހައްމަދު އަމީން ބަންދުކުރުމުގެ އަމުރަކަށް ޕްރޮސިކިއުޓާ ޖެނަރަލްގެ އޮފީހުގެ ފަރާތުން ކުރިމިނަލް ކޯޓަށް ހުށަހަޅައިފި އެވެ.
އަމީންގެ މައްޗަށް އުފުލި ޓެރަރިޒަމްގެ ދައުވާތައް ކުރިއަށް ނުގެންދެވޭނެ ކަމަށް ހައި ކޯޓުން ނިންމި މައްސަލާގައި ދަޢުލަތުގެ ފަރާތުން ސުޕްރީމް ކޯޓުގައި އިލްތިމާސް ކުރުމުން ސުޕްރީމުން ކޯޓުން ނިންމާފައިވަނީ، އަމީންގެ މައްސަލަތަށް ނުބަލަން ނިންމައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް, މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުން ވަނީ ބުނެފައެވެ. އެހެންކަމުން ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ސުޕްރީމް ކޯޓުގެ އަމުރާ ގުޅިގެން ޕީޖީ އޮފީހުން ވަނީ، އަމީން އަލުން ބަންދު ކުރުމުގެ އަމުރަކަށް އެދިފައެވެ. އެ އަމުރަށް އެދިފައިވީ ނަމަވެސް، މިހާތަނަށް ކުރިމިނަލް ކޯޓުން އަމީންގެ ބަންދު މަޖިލިސް ބާއްވާފައެއް ނުވެ އެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުން ވަނީ ބުނެފައެވެ. އެހެންކަމުން ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ކިޔުންތެރިންގެ ހިޔާލު