ދިވެހި ލޭހިނގާ ދިވެހިދަރިޔަކު، ދުނިޔޭގެ އެންމެ ޝަރަފުވެރި އެއް މަޤާމު ފުރުއްވުމަކީ މަތިވެރި ފަޚުރަކާއި ޝަރަފެއް ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
އދ.ގެ ޢާންމު މަޖިލީހުގެ ރައީސްގެ ހައިސިއްޔަތުން، މިނިސްޓަރ ޢަބްދުالله ޝާހިދު ރާއްޖެއަށް ކުރަށްވަމުން ގެންދަވާ ޒިޔާރަތުގައި އ.ދ.ގެ ޢާންމު މަޖިލީހުގެ 76 ވަނަ ސެޝަންގެ ރައީސް ޢަބްދުﷲ ޝާހިދުގެ ޝަރަފުގައި ބޭއްވެވި ރަސްމީ ޖާފަތުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވީ, ދުނިޔޭގެ އެންމެ ޝަރަފުވެރި އެއް މަޤާމު ދިވެހި ލޭހިނގާ ދިވެހިދަރިޔަކު ފުރުއްވުމަކީ މަތިވެރި ފަޚުރަކާއި ޝަރަފެއް ކަމަށެވެ.
"ދިވެހި ލޭ ހިނގާ ދިވެހި ދަރިޔަކު، ދުނިޔޭގެ އެންމެ ޝަރަފުވެރި އެއް މަޤާމު ފުރުއްވަމުން ގެންދަވާކަމީ، ދިވެހި ކޮންމެ ރައްޔިތަކަށް ލިބޭ ނުހަނު މަތިވެރި ފަޚުރަކާއި ޝަރަފެއް. އދ.ގެ ޢާންމު މަޖިލީހުގެ ރިއާސަތުން، އަޅުގަނޑުމެންގެ މައް ދިވެހިބަހުން، މުޅި ދުނިޔެއާ މުޚާޠަބު ކުރައްވައި، އދ.ގައި ތަޤުރީރު ކުރުމަށް އަޅުގަނޑަށް ދަޢުވަތު ދެއްވުމަކީ، ދިވެހި ޤައުމަށާއި އަޅުގަނޑަށް ލިބުނު ވަރަށް ބޮޑު ޝަރަފެއް." ރައީސް ޞާލިޙް ވިދާޅުވިއެވެ.
ރައީސް ވިދާޅުވީ, ޢަބްދުالله ޝާހިދުގެ ރިޔާސަތުން މުޅި ދުނިޔެއަށް ފަތުރުއްވަވާ އުންމީދުގެ ފަސް ދޯދިން ފެނިގެންދަނީ، ބައިނަލްއަޤްވާމީ މުޖުތަމަޢުގައި ހުރި މައްސަލަތައް ޙައްލުކުރެއްވުމަށް އެ މަނިކުފާނު ގެންގުޅުއްވާ ވިސްނުންފުޅުގެ ވަރަށް އުޖާލާ ތަޞައްވުރެއް ކަމަށެވެ. އެ ފަސް ދޯދިން، ރާއްޖޭގެ ޤައުމީ މައްސަލަތަކާ ގުޅިފައިވާ ކަންބޮޑުވުންތަކަށްވެސް ވަރަށް ބޮޑު ތަސައްލީއެއް ލިބިގެންދާނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ, ކޯވިޑުގެ ވަބާއިން މިންޖުވުމަށް ދިވެހިރާއްޖެއިން ކުރާ މަސައްކަތުގައި، ބައިނަލްއަޤްވާމީ މުޖުތަމަޢުގެ އެހީތެރިކަން ރާއްޖެއަށް ބޭނުންވާ ކަމަށެވެ. ދެމެހެއްޓެނިވި ގޮތެއްގައި ރާއްޖެ ތަރައްޤީ ކުރުމުގައި އެހެން ޤައުމުތަކުގެ ތަޖުރިބާއާއި ޙިއްޞާ ވަރަށް މުހިންމުކަން ރައީސް ފާހަގަ ކުރެއްވިއެވެ.
"ރާއްޖޭގެ ދެމިއޮތުމާއި ނެތިދިޔުމާ ގުޅިފައިވާ ތިމާވެށީގެ މައްސަލަތައް ޙައްލުކުރުމުގައި، ކުރިއަރާފައިވާ ޤައުމުތަކުގެ އެއްބާރުލުން އަޅުގަނޑުމެން ބޭނުން. އެންމެންގެ ޙައްޤުތަކަށް އިޙްތިރާމުކުރާ، އަދި މިހާރަށްވުރެ އިންސާފުވެރި ހަމަހަމަ އުޞޫލަކުން، ހުރިހާ ޤައުމުތަކާމެދު މުޢާމަލާތު ކުރެވޭ މުއައްސަސާއަކަށް، އ.ދ. މަޖިލިސްވުމަކީ އަޅުގަނޑުމެންވެސް ނުހަނު އެދޭ ކަމެއް." މިއަދުގެ ޖާފަތުގައި ދެއްކެވި ވާހަކަފުޅުގައި ރައީސް ޞާލިޙް ވިދާޅުވިއެވެ.
އދ.ގެ ޢާންމު މަޖިލީހުގެ ރިޔާސަތާ ދިވެއްސަކު ޙަވާލުވެވަޑައިގަތުމަކީ، މުޅި ދިވެހި ޤައުމަށް ލިބުނު ވަރަށް ބޮޑު އުންމީދެއް ކަމަށާއި މިނިސްޓަރ ޝާހިދުގެ ރިޔާސަތާމެދު ދިވެހިންގެގެ ހިތްތަކުގައި އޮތީ އިތުބާރާއި ޔަޤީންކަން ކަމަށް ރައީސް ވިދާޅުވިއެވެ.
އަދި އ.ދ.ގެ ޢާންމު މަޖިލީހުގެ ރިޔާސަތަށް ދިވެއްސަކު އިންތިޚާބުވުމަކީ، ދިވެހި ސަރުކާރުގެ ޚާރިޖީ ސިޔާސަތު ދުނިޔެ ބަލައިގެންފައިވާ ކަމުގެ ހެތްކެއް ކަމަށާއި, ދިވެހިރާއްޖެއާއި ދުނިޔޭގެ އެހެން ޤައުމުތަކާ ދެމެދު ހަރުދަނާ ފާލަމަކުން ގުޅިފައިވާކަމުގެ ނިޝާނެއް ކަމަށް ރައީސް މިއަދު ވިދާޅުވިއެވެ. ހަމައެފަދައިން، ބައިނަލްއަޤްވާމީ މަސްރަޙުގައި ދިވެހިރާއްޖެ ތަމްސީލު ކުރެއްވުމަށް، މިނިސްޓަރ ޝާހިދު އުފުއްލެވި ބުރަ މަސްއޫލިއްޔަތާއި، ކުރެއްވި މިންނެތް މަސައްކަތުގެ ނަތީޖާކަން ރައީސް ޞާލިޙް ފާހަގަ ކުރެއްވިއެވެ.
"އަޅުގަނޑުމެން އެންމެންގެވެސް އެދުމަކީ، އދ.ގެ ޢާންމު މަޖިލީހުގެ އުންމީދުގެ ރިއާސަތުގައި، ބައިނަލްއަޤްވާމީ މުޖުތަމަޢުން މިހާރަށްވުރެވެސް، ކުލަގަދަ ގޮތެއްގައި ދިވެހިރާއްޖޭގެ ނަން ފެވިގެން ދިޔުން." ރައީސްގެ ވާހަކަފުޅޫ ނިންމަވާލައްވަމުން ވިދާޅުވިއެވެ.
"ދިވެހި ލޭ ހިނގާ ދިވެހި ދަރިޔަކު، ދުނިޔޭގެ އެންމެ ޝަރަފުވެރި އެއް މަޤާމު ފުރުއްވަމުން ގެންދަވާކަމީ، ދިވެހި ކޮންމެ ރައްޔިތަކަށް ލިބޭ ނުހަނު މަތިވެރި ފަޚުރަކާއި ޝަރަފެއް. އދ.ގެ ޢާންމު މަޖިލީހުގެ ރިއާސަތުން، އަޅުގަނޑުމެންގެ މައް ދިވެހިބަހުން، މުޅި ދުނިޔެއާ މުޚާޠަބު ކުރައްވައި، އދ.ގައި ތަޤުރީރު ކުރުމަށް އަޅުގަނޑަށް ދަޢުވަތު ދެއްވުމަކީ، ދިވެހި ޤައުމަށާއި އަޅުގަނޑަށް ލިބުނު ވަރަށް ބޮޑު ޝަރަފެއް." ރައީސް ޞާލިޙް ވިދާޅުވިއެވެ.
ރައީސް ވިދާޅުވީ, ޢަބްދުالله ޝާހިދުގެ ރިޔާސަތުން މުޅި ދުނިޔެއަށް ފަތުރުއްވަވާ އުންމީދުގެ ފަސް ދޯދިން ފެނިގެންދަނީ، ބައިނަލްއަޤްވާމީ މުޖުތަމަޢުގައި ހުރި މައްސަލަތައް ޙައްލުކުރެއްވުމަށް އެ މަނިކުފާނު ގެންގުޅުއްވާ ވިސްނުންފުޅުގެ ވަރަށް އުޖާލާ ތަޞައްވުރެއް ކަމަށެވެ. އެ ފަސް ދޯދިން، ރާއްޖޭގެ ޤައުމީ މައްސަލަތަކާ ގުޅިފައިވާ ކަންބޮޑުވުންތަކަށްވެސް ވަރަށް ބޮޑު ތަސައްލީއެއް ލިބިގެންދާނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ, ކޯވިޑުގެ ވަބާއިން މިންޖުވުމަށް ދިވެހިރާއްޖެއިން ކުރާ މަސައްކަތުގައި، ބައިނަލްއަޤްވާމީ މުޖުތަމަޢުގެ އެހީތެރިކަން ރާއްޖެއަށް ބޭނުންވާ ކަމަށެވެ. ދެމެހެއްޓެނިވި ގޮތެއްގައި ރާއްޖެ ތަރައްޤީ ކުރުމުގައި އެހެން ޤައުމުތަކުގެ ތަޖުރިބާއާއި ޙިއްޞާ ވަރަށް މުހިންމުކަން ރައީސް ފާހަގަ ކުރެއްވިއެވެ.
"ރާއްޖޭގެ ދެމިއޮތުމާއި ނެތިދިޔުމާ ގުޅިފައިވާ ތިމާވެށީގެ މައްސަލަތައް ޙައްލުކުރުމުގައި، ކުރިއަރާފައިވާ ޤައުމުތަކުގެ އެއްބާރުލުން އަޅުގަނޑުމެން ބޭނުން. އެންމެންގެ ޙައްޤުތަކަށް އިޙްތިރާމުކުރާ، އަދި މިހާރަށްވުރެ އިންސާފުވެރި ހަމަހަމަ އުޞޫލަކުން، ހުރިހާ ޤައުމުތަކާމެދު މުޢާމަލާތު ކުރެވޭ މުއައްސަސާއަކަށް، އ.ދ. މަޖިލިސްވުމަކީ އަޅުގަނޑުމެންވެސް ނުހަނު އެދޭ ކަމެއް." މިއަދުގެ ޖާފަތުގައި ދެއްކެވި ވާހަކަފުޅުގައި ރައީސް ޞާލިޙް ވިދާޅުވިއެވެ.
އދ.ގެ ޢާންމު މަޖިލީހުގެ ރިޔާސަތާ ދިވެއްސަކު ޙަވާލުވެވަޑައިގަތުމަކީ، މުޅި ދިވެހި ޤައުމަށް ލިބުނު ވަރަށް ބޮޑު އުންމީދެއް ކަމަށާއި މިނިސްޓަރ ޝާހިދުގެ ރިޔާސަތާމެދު ދިވެހިންގެގެ ހިތްތަކުގައި އޮތީ އިތުބާރާއި ޔަޤީންކަން ކަމަށް ރައީސް ވިދާޅުވިއެވެ.
"އަޅުގަނޑުމެން އެންމެންގެވެސް އެދުމަކީ، އދ.ގެ ޢާންމު މަޖިލީހުގެ އުންމީދުގެ ރިއާސަތުގައި، ބައިނަލްއަޤްވާމީ މުޖުތަމަޢުން މިހާރަށްވުރެވެސް، ކުލަގަދަ ގޮތެއްގައި ދިވެހިރާއްޖޭގެ ނަން ފެވިގެން ދިޔުން." ރައީސްގެ ވާހަކަފުޅޫ ނިންމަވާލައްވަމުން ވިދާޅުވިއެވެ.
ކިޔުންތެރިންގެ ހިޔާލު