ފުލުހުންނަށް ބޮޑީ ކެމެރާ ހޯދަން އިއުލާންކޮށް ޝަރުތު ހަމަވާ ބަޔަކު ނުވުމުން އަނެއްކާވެސް ކެމެރާ ހޯދަން އަލުން ބީލަމަށް ހުޅުވާލައިފިއެވެ.
ފްރަންޓްލައިންގައި މަސައްކަތްކުރާ ފުލުހުންނަށް 1400 ބޮޑީ ކެމެރާ ހޯދަން މީގެ ކުރިންވެސް ވަނީ ޢިއުލާން ކޮށްފައެވެ. އެހެން ނަމަވެސް އެކަމަށް ޝަރުތު ހަމަވާ ބަޔަކު ނެތުމުން ޕްރޮޖެކްޓުގެ ސްކޯޕަށް ބަދަލު ގެނައުމަށްފަހު މިހާރު ވަނީ 200 ކެމެރާއަށް މަދުކޮށް އަލުން ބީލަމަށް ހުޅުވާލާފައެވެ.
ފުލުުހުންގެ ބޭނުމަށް 200 ބޮޑީ ވޯން ކެމެރާ ނުވަތަ ޔުނިފޯމުގައި ހަރުކުރާ ކެމެރާ ހޯދުމުގެ މަސައްކަތް ކުރަމުންދާއިރު، މިފަދަ ކެމެރާ ބޭނުންކޮށްގެން އަޖުމަ ބެލުމުގެ މަސައްކަތްތަކެއް މީގެ ކުރިން ފުލުހުން ވަނީ ކޮށްފައެވެ.
ފުލުހުންބުނީ, ބޮޑީކެމެރާގެ އެހީގައި މައްސަލަތައް ބަލައި ތަހުގީގުކުރުމުގައި އިތުރު ފަސޭހަތަކެއް ވެގެންދާނެ ކަމަށާއި, ދުނިޔޭގެ ގިނަ ގައުމުތަކުގައި ބޮޑީކެމް ފުޓޭޖްތައް، ކޯޓުގައި ހެކީގެ ގޮތުގައި ބޭނުންކުރެވޭ ކަމަށެވެ.
ފުލުހުންބުނީ, ބޮޑީކެމެރާގެ އެހީގައި މައްސަލަތައް ބަލައި ތަހުގީގުކުރުމުގައި އިތުރު ފަސޭހަތަކެއް ވެގެންދާނެ ކަމަށާއި, ދުނިޔޭގެ ގިނަ ގައުމުތަކުގައި ބޮޑީކެމް ފުޓޭޖްތައް، ކޯޓުގައި ހެކީގެ ގޮތުގައި ބޭނުންކުރެވޭ ކަމަށެވެ.
ކިޔުންތެރިންގެ ހިޔާލު