ރާއްޖޭގައި އިސްލާމިކް ސްޓޭޓް (އައިއެސް) ގެ ޙަރަކާތްތައް ރާވާ ހިންގުމުގައި އެންމެ އިސްކޮށް ހަރަކާތްތެރިވާކަމަށް ދައުލަތުން ތުހުމަތުކުރާ ޏ. ފުވައްމުލަކު، މާދަޑު، ކަރިއްޔާވިލާ، މުހައްމަދު އަމީންގެ ޝަރީޢަތް މާދަމާ ކްރިމިނަލް ކޯޓުގައި އަލުން ފެށުމަށް ތާވަލުކޮށްފިއެވެ.
2019 ވަނަ އަހަރުގެ އޮކްޓޯބަރު މަހުގެ 23 ވަނަ ދުވަހު އަމީން ހައްޔަރުކޮށް 2019 ވަނަ އަހަރުގެ ޑިސެމްބަރު މަހުގެ ފަސްވަނަ ދުވަހު އަމީންގެ މައްޗަށް ދަޢުލަތުން ކުރިމިނަލް ކޯޓަށް ހުށައެޅި ޓެރަރިސްޓް ޖަމާއަތެއްގައި ބައިވެރިވުމުގެ ކުށާއި ޓެރަރިޒަމްގެ އަމަލެއް ހިންގުމަށް ރޭވިކަމުގެ ކުށުގެ ދައުވާ ކުރިއަށް ނުގެންދެވޭނެ ކަމަށް ނިންމައި ހައި ކޯޓުން އޭނާގެ ދައުވާތައް ބާތިލުކޮށް އޭނާ މިނިވަންކުރީ މިއަހަރުގެ ސެޕްޓެމްބަރު މަހުގެ 16 ވަނަ ދުވަހުއެވެ.
އެ މައްސަލަ ދަޢުލަތުގެ ފަރާތުން ސުޕްރީމް ކޯޓުގައި އިލްތިމާސް ކުރުމުން އެ މައްސަލަ ބެލުމަށްފަހު މި އޮކްޓޯބަރ މަހުގެ ތިންވަނަ ދުވަހު ސުޕްރީމް ކޯޓުން ވަނީ، ހައިކޯޓުގެ ހުކުމް ބާތިލު ކޮށްފައެވެ. ސުޕްރީމް ކޯޓުން ނިންމާފައިވަނީ، އަމީންގެ މައްސަލަތައް ނުބަލަން ނިންމައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް، މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުން ވަނީ ބުނެފައެވެ. އެހެންކަމުން ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ސުޕްރީމް ކޯޓުގެ ޙުކުމާ ގުޅިގެން ޓެރަރިސްޓް ޖަމާއަތެއްގައި ބައިވެރިވުމާއި، ޓެރިޒަމްގެ އަމަލެއް ކުރުމަށް ރޭވުމުގެ ކުށުގައި އަމީންގެ މައްޗަށް އުފުލާފައިވާ ދެ ދައުވާގެ އަޑުއެހުން އެކުއެކީގައި ކުރިއަށް ގެންދަން ކުރިމިނަލް ކޯޓުގައި ތާވަލު ކޮށްފައި ވަނީ މާދަމާ 1:00 އަށެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
އެ މައްސަލަ ދަޢުލަތުގެ ފަރާތުން ސުޕްރީމް ކޯޓުގައި އިލްތިމާސް ކުރުމުން އެ މައްސަލަ ބެލުމަށްފަހު މި އޮކްޓޯބަރ މަހުގެ ތިންވަނަ ދުވަހު ސުޕްރީމް ކޯޓުން ވަނީ، ހައިކޯޓުގެ ހުކުމް ބާތިލު ކޮށްފައެވެ. ސުޕްރީމް ކޯޓުން ނިންމާފައިވަނީ، އަމީންގެ މައްސަލަތައް ނުބަލަން ނިންމައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް، މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުން ވަނީ ބުނެފައެވެ. އެހެންކަމުން ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ކިޔުންތެރިންގެ ހިޔާލު