އަމިއްލަގޭގައި "ޑްރަގް ކެފޭ" ހިންގުމުގެ ހުއްދަ ދިން މައްސަލައިގައި ދައުވާ އުފުލާފައިވާ މ. ބްރައިޓްފްލާވަރ ޙުސައިން ޔޫސުފްގެ ޝަރީޢަތް ސިއްރުކޮށްދިނުމަށް ކްރިމިނަލް ކޯޓުގައި މިއަދު އޭނާ އެދިއްޖެއެވެ.
މިއަދުގެ އަޑުއެހުމުގައި ދަޢުވާލިބޭ މ. ބްރައިޓް ފްލާވަރ ޙުސައިން ޔޫސުފްވަނީ މައްސަލަ ކުރިއަށް ގެންދިއުމަށް ވަކީލަކު އަދިވެސް ހަމަޖެހިފައި ނުވާތީ އެކަމަށް އިތުރުވަގުތު ދިނުމަށް އެދިފައެވެ. އަދި އޭޖީ އޮފީހުގައި އެދިގެންވެސް ވަކީލެއް މިވަގުތަށް ހަމަނުޖެހޭ ކަމަށް އޭނާ ވަނީ ބުނެފައެވެ. އޭގެ އިތުރުން މައްސަލައަކީ ގޭންގްތަކާ ގުޅުންހުރި މައްސަލައަކަށް ވާތީ ޝަރީޢަތް ސިއްރުކޮށްދިނުމަށްވެސް އޭނާވަނީ އެދިފައެވެ.
އެކަމާ ގުޅިގެން މި މައްސަލަ ބައްލަވާ ޤާޟީ ޞަފްވަތު ޙަބީބު ވިދާޅުވީ ދެން އޮންނަ އަޑުއެހުމެއްގައި ޝަރީޢަތް ސިއްރުކުރުމާމެދު ގޮތެއް ނިންމަވާނެ ކަމަށެވެ. އޭގެ އިތުރުން ދެން އޮންނަ އަޑުއެހުމަކަށް ވަކީލަކު ހަމަނުޖެހުނު ނަމަވެސް ދަޢުވާއަށް ޖަވާބުދާރީވާން ޖެހޭނެ ކަމަށް ޤާޟީ ވަނީ އަންގަވާފައެވެ.
މި މައްސަލައިގެ އަޑުއެހުމެއް ދެން އޮންނާނީ އަންނަ ނޮވެމްބަރު މަހުގެ 8 ވަނަ ދުވަހުގެ ހެނދުނު 11:00 ގައެވެ.
ޕްރޮސެކިއުޓަރ ޖެނެރަލްގެ އޮފީހުން މިއަހަރުގެ ސެޕްޓެމްބަރ މަހުގެ ދެވަނަ ދުވަހު ކޮށްފައިވާ ދަޢުވާގައި، ކެފޭ އުޞޫލުން މަސްތުވާތަކެތި ބޭނުންކުރަން ދޫކޮށްފައި ހުރިކަމަށް ބެލެވޭ މ. ބްރައިޓްފްލަވަރ ގޭގައި، އެކަން ހުއްޓުވުމަށް އެންގުމުންވެސް ހުއްޓުވާފައިނުވާތީ، މަސްތުވާތަކެއްޗާބެހޭ ޤާނޫނުގެ 127 ވަނަ މާއްދާގެ (ށ) ގެ ދަށުން، އެގޭ ވެރިމީހާގެ މައްޗަށް ޖިނާއީ ދަޢުވާ ވަނީ އުފުލާފައެވެ.
މަސްތުވާތަކެއްޗާބެހޭ ޤާނޫނުގެ 127 ވަނަ މާއްދާގެ (ށ) ގެ ދަށުން ކުރާ ދަޢުވާ އަކީ މަސްތުވާއެއްޗެއް، ޓްރެފިކްކުރުމަށް ނުވަތަ ޕެޑެލްކުރުމަށް ނުވަތަ އުފެއްދުމަށް ނުވަތަ އެއިން ކަމެއް ކުރުމަށްކަން ގަބޫލުކުރެވޭ ހާލަތު، ނުވަތަ އެގޮތަށް ގަބޫލުކުރާނެ ފުރުސަތު އޮވެ، އެ ތަނެއްގެ ވެރިފަރާތުން ނުވަތަ އެތަނެއްގައި އުޅޭ ފަރާތުން ނުވަތަ އެ ތަނެއްގެ މަސްއޫލިއްޔަތު އުފުލާ ފަރާތުން ހުއްދަ ދިނުން ނުވަތަ ހުއްދަކުރުމުގެ ކުށުގެ ދައުވާ އެވެ.
ފުލުހުން މީގެ ކުރިން ބުނެފައިވަނީ މާލޭގައި ކެފޭ އުސޫލުން މަސްތުވާތަކެތީގެ ޚިދުމަތްދޭ ތަންތަން މިހާރު ވަރަށް ބޮޑުތަން އިތުރުވެފައިވާ ކަމަށެވެ. އެގޮތުން ފުލުހުން ވަނީ ކެފޭގެ އުސޫލުން މަސްތުވާތަކެތީގެ ޚިދުމަތް ދެމުން ގެންދިޔަ 44 ތަނެއް ބަންދުކޮށް އެ ޢިމާރާތްތަކުގެ ވެރިންނަށް ޤާނޫނީ އިންޒާރު ދީފައެވެ.
އެކަމާ ގުޅިގެން މި މައްސަލަ ބައްލަވާ ޤާޟީ ޞަފްވަތު ޙަބީބު ވިދާޅުވީ ދެން އޮންނަ އަޑުއެހުމެއްގައި ޝަރީޢަތް ސިއްރުކުރުމާމެދު ގޮތެއް ނިންމަވާނެ ކަމަށެވެ. އޭގެ އިތުރުން ދެން އޮންނަ އަޑުއެހުމަކަށް ވަކީލަކު ހަމަނުޖެހުނު ނަމަވެސް ދަޢުވާއަށް ޖަވާބުދާރީވާން ޖެހޭނެ ކަމަށް ޤާޟީ ވަނީ އަންގަވާފައެވެ.
މި މައްސަލައިގެ އަޑުއެހުމެއް ދެން އޮންނާނީ އަންނަ ނޮވެމްބަރު މަހުގެ 8 ވަނަ ދުވަހުގެ ހެނދުނު 11:00 ގައެވެ.
ޕްރޮސެކިއުޓަރ ޖެނެރަލްގެ އޮފީހުން މިއަހަރުގެ ސެޕްޓެމްބަރ މަހުގެ ދެވަނަ ދުވަހު ކޮށްފައިވާ ދަޢުވާގައި، ކެފޭ އުޞޫލުން މަސްތުވާތަކެތި ބޭނުންކުރަން ދޫކޮށްފައި ހުރިކަމަށް ބެލެވޭ މ. ބްރައިޓްފްލަވަރ ގޭގައި، އެކަން ހުއްޓުވުމަށް އެންގުމުންވެސް ހުއްޓުވާފައިނުވާތީ، މަސްތުވާތަކެއްޗާބެހޭ ޤާނޫނުގެ 127 ވަނަ މާއްދާގެ (ށ) ގެ ދަށުން، އެގޭ ވެރިމީހާގެ މައްޗަށް ޖިނާއީ ދަޢުވާ ވަނީ އުފުލާފައެވެ.
ފުލުހުން މީގެ ކުރިން ބުނެފައިވަނީ މާލޭގައި ކެފޭ އުސޫލުން މަސްތުވާތަކެތީގެ ޚިދުމަތްދޭ ތަންތަން މިހާރު ވަރަށް ބޮޑުތަން އިތުރުވެފައިވާ ކަމަށެވެ. އެގޮތުން ފުލުހުން ވަނީ ކެފޭގެ އުސޫލުން މަސްތުވާތަކެތީގެ ޚިދުމަތް ދެމުން ގެންދިޔަ 44 ތަނެއް ބަންދުކޮށް އެ ޢިމާރާތްތަކުގެ ވެރިންނަށް ޤާނޫނީ އިންޒާރު ދީފައެވެ.
ކިޔުންތެރިންގެ ހިޔާލު