މާލޭން ބޯވަ ނަގަން މޫދަށް ފޭބި މީހަކު އޮޔާ ދަނިކޮށް ވާދޫ ކަނޑުން ފެނިގެން ސަލާމަތް ކޮށްފިއެވެ.
އެމްއެންޑީއެފުން ބުނީ މިއަދު ބޯވަ ނަގަން ގޮސްއުޅުނު މީހަކު މާލޭ އުސްފަސްގަނޑާ ދިމާލުން އޮޔާ ގޮސްފައިވާކަމަށެވެ. އޭނާ ބޯވަ ނަގަން މޫދުގައި އުޅުނީ އެކަނި ކަމަށާއި، އަދި މި މީހާ ފެނިފައިވަނީ ވާދޫ ކަނޑުގެ ތެރޭގައި ފަތަމުންދަނިކޮށް ކަމަށް އެމްއެންޑީއެފުން ވަނީ ބުނެފައެވެ.
އޭނާ ސަލާމަތް ކޮށްފައިވަނީ އެ ސަރަޙައްދުން ދަތުރުކުރަމުންދިޔަ ދޯންޏަކުންނެވެ. މިވަގުތު އެމީހާ ވަނީ މޯލްޑިވްސް ޕޮލިސް ސަރވިސްއާ ހަވާލުކޮށްފައި ކަމަށް އެމްއެންޑީއެފުން ވަނީ ބުނެފައެވެ.
ރާއްޖެއަށް މިހާރު ކުރަމުން މިދަނީ ހުޅަނގު މޫސުމުގެ ވިއްސާރައެވެ. އެހެންނަމަވެސް މިދުވަސްކޮޅު ރާއްޖޭގެ ބޮޑުބަޔަކަށް އާދަޔާއި ޚިލާފަށް ވައިގަދަވެ، ކަނޑުތައް ގަދަވެފައިވަނީ ރާއްޖެ ހިމެނޭ ސަރަޙައްދުގެ އުތުރާއި ދެކުނުގައި އުފެދިފައިވާ 2 ސަރކިއުލޭޝަނެއްގެ ސަބަބުންކަމަށް މޫސުމާބެހޭ ޤައުމީ އިދާރާއިން ބުނެއެވެ. އަދި ރާއްޖެ ހިމެނޭ ސަރަޙައްދަށް ވައިމަޑުވާނެކަމަށް ލަފާކުރެވެނީ އަންނަ ހޯމަ ދުވަހުގެ ފަހުންކަމަށްވެސް އެ އިދާރާއިން ހާމަކުރެއެވެ.
ރާއްޖޭގެ މޫސުން މިދުވަސްކޮޅު ގޯސްވެފައިވާއިރު، ދަތުރުކުރައްވާ ފަރާތްތަކުން ރައްކާތެރިވުމަށް ކަމާއިބެހޭ ފަރާތްތަކުން ވަނީ އިލްތިމާސްކޮށްފައެވެ.
އޭނާ ސަލާމަތް ކޮށްފައިވަނީ އެ ސަރަޙައްދުން ދަތުރުކުރަމުންދިޔަ ދޯންޏަކުންނެވެ. މިވަގުތު އެމީހާ ވަނީ މޯލްޑިވްސް ޕޮލިސް ސަރވިސްއާ ހަވާލުކޮށްފައި ކަމަށް އެމްއެންޑީއެފުން ވަނީ ބުނެފައެވެ.
ރާއްޖޭގެ މޫސުން މިދުވަސްކޮޅު ގޯސްވެފައިވާއިރު، ދަތުރުކުރައްވާ ފަރާތްތަކުން ރައްކާތެރިވުމަށް ކަމާއިބެހޭ ފަރާތްތަކުން ވަނީ އިލްތިމާސްކޮށްފައެވެ.
ކިޔުންތެރިންގެ ހިޔާލު