މިއަދު ހަވީރު ފެށުމަށް ހަމަޖެހިފައިވާ "ޕްރައިމް މިނިސްޓަރ މަހިންދަ ރާޖަޕަކްސަ ޓްރޮފީ 2021" ފުޓްބޯޅަ މުބާރާތުގައި ރާއްޖެ ކުޅޭ ހުރިހާ މެޗެއް މާޓީވީން ބެލޭނެ އިންތިޒާމު ސްޓެލްކޯއިން ހަމަޖައްސައިފި އެވެ.

ސްޓެލްކޯ އިން ބުނީ މި މުބާރާތުގައި ރާއްޖޭގެ ޤައުމީ ފުޓުބޯޅަ ޓީމް ކުޅޭ މެޗުތައް އެކުންފުނީގެ "މާޓީވީން" ދެއްކުމުގެ އިތުރުން، އެ ކުންފުނީގެ ރަސްމީ ފޭސްބުކް ޕޭޖު މެދުވެރިކޮށް ރާއްޖެ ކުޅޭ މެޗްތަކުގެ ސްކޯ ދިމާކުރާ ފަސް މީހަކަށް ހާއްސަ އިނާމުތަކެއް ދިނުމަށްވެސް ހަމަޖެހިފައިވާ ކަމަށެވެ.

މި ޕްރޮމޯޝަންގެ ދަށުން ސްކޯ ދިމާކޮށްގެން ކުންފުނީގެ ގްރީންލައިފް ޕްރޮޑަކްޓްސްތަކުގެ ތެރޭގައި ހިމެނޭ ރީޔޫސަބަލް ފުޅިއާއި، ޓޯޓްބޭގުގެ އިތުރުން ކަރުދާސް ކޮތަޅު ހިމެނޭ ގިފްޓް ޕެކެއް ލިބޭނެ ކަމަށް ސްޓެލްކޯއިން ވަނީ ބުނެފަ އެވެ.

ކަސްޓަމަރުންނާ ގާތް ގުޅުމެއް އަބަދުވެސް ބާއްވަމުން އަންނަ ސްޓެލްކޯއިން ވަނީ ދާދި ފަހުން ނިމިގެންދިޔަ ސާފް ޗެމްޕިއަންޝިޕް ފުޓްބޯޅަ މުބާރާތުގެ މެޗްތައްވެސް އެކުންފުނީގެ "މާޓީވީން" ދައްކާފައެވެ.

"ޕްރައިމް މިނިސްޓަރ މަހިންދަ ރާޖަޕަކްސަ ޓްރޮފީ 2021" ފުޓްބޯޅަ މުބާރާތުގައި ރާއްޖެ ކުޅޭ ފުރަތަމަ މެޗުގައި މިއަދު ހަވީރު 15:30 ގައި ނިކުންނާނީ އަވައްޓެރި ލަންކާއާ ދެކޮޅަށެވެ.