ފުލުހެއްގެ މޭމަތީގައި ކޮޅުފައިންޖެހި މީހަކު އެއް މަހަށް ޖަލަށް ލުމަށް ކްރިމިނަލް ކޯޓުން ޙުކުމް ކޮށްފިއެވެ.
މި އަހަރުގެ ޖުލައި މަހުގެ 16 ވަނަ ދުވަހު މެންދުރު 1:30 ހާއިރު ހުޅުމާލެ ޕޮލިސް ގަރާޖު ކައިރީގައި ހުރި ސްޕެޝަލް ކޮންސްޓަބުލަރީ ފުލުހެއްގެ މޭ މަތީގައި ކޮޅުފައިން ޖެހުމުން ދަޢުވާ އުފުލާފައިވަނީ ލ. ކަލައިދޫ ހަސަން ޒިޔާދުގެ މައްޗަށެވެ. އެމައްސަލާގައި އޭނާގެ މައްޗަށް އުފުލާފައިވަނީ އަނިޔާއެއް ދިނުމުގެ ދަޢުވާއެވެ.
ޒިޔާދު ވަނީ އެ ދައުވާއަށް އިއުތިރާފްވެފައެވެ. އެހެންކަމުން އަވަސްނިޔާގެ މައްސަލައެއްގެ ގޮތުގައި, އަދަބުގެ މިންގަނޑު ދަށްކޮށް އެއް މަހާއި 24 ދުވަހަށް ޒިޔާދު ޖަލަށް ލުމަށް އިއްޔެ ކްރިމިނަލް ކޯޓުން ވަނީ ހުކުމްކޮށްފައެވެ. ޒިޔާދުގެ މައްޗަށް އުފުލި ދައުވާ ސާބިތުވެއްޖެ ނަމަ ދެވޭނެ އެންމެ ބޮޑު އަދަބަކީ ދެ މަހާއި ބާރަ ދުވަހަށް ޖަލަށް ލުމެވެ.
ފުލުހުންނަށް ޙަމަލާ ދިނުމުން މީގެ ކުރިންވެސް އެކިމީހުންނަށް އެކި މިންވަރުގެ ޖަލު ޙުކުމްތައް ކޮށްފައިވެއެވެ.
ފުލުހުންނަށް ޙަމަލާ ދިނުމުން މީގެ ކުރިންވެސް އެކިމީހުންނަށް އެކި މިންވަރުގެ ޖަލު ޙުކުމްތައް ކޮށްފައިވެއެވެ.
ކިޔުންތެރިންގެ ހިޔާލު