އަންނަ އަހަރު ރާއްޖޭގައި ނިޒާމީ ވޯޓެއް އޮތުމުގެ ފުރުޞަތު އޮތްކަމަށް އިލެކްޝަންސް ކޮމިޝަނުން ބުނުމުން ރައްޔިތުންގެ މަޖިލީހުގެ ދާންދޫ ދާއިރާގެ އެމްޑީޕީ މެމްބަރު ޔައުގޫބް އަބްދުﷲ ހިތްޕުޅުހަމަޖެހިވަޑައިނުގެން ނުރުހުން ފާޅުކުރަށްފިއެވެ.
އިއްޔެ ބޭއްވި ބަޖެޓް ކޮމިޓީގެ ބައްދަލުވުމުގައި އިލެކްޝަންސް ކޮމިޝަންގެ ނައިބު ރައީސް އިސްމާއީލް ހަބީބު ވިދާޅުވީ ރާއްްޖޭގައި ވެރިކަމުގެ ނިޒާމު ކަނޑައަޅަން ފެންނަ ނުފެންނަ ވޯޓެއް ނަގަން ޖެހިދާނެ ކަމަށް ބަލައި، މީހުން ހޭލުންތެރިކުރަން ޖެހޭ ކަމަށެވެ. އަދި އެ ކަމަށް ބަޖެޓެއް ބޭނުންވާކަމަށްވެސް އޭނާ ވިދާޅުވިއެވެ.
ހަބީބް ވިދާޅުވީ އިންްތިހާބުތަކާ ގުޅޭ ގޮތުން މީހުން ހޭލުންތެރިކުރަން ހޭދަކުރާނެ އެއްވެސް ފައިސާއެއް އަންނަ އަހަރުގެ ބަޖެޓްގައި ނެތް ކަމަށެވެ. ނަމަވެސް 2023 ގެ ރިޔާސީ އިންތިހާބުގެ ކުރިން އިތުރު އިންތިހާބެއް އަތުވެދާނެކަމަށް އޭނާ ވިދާޅުވިއެވެ.
ރިޔާސީ އިންތިހާބުގެ ކުރިން އިންތިހާބެއް ބާއްވަން ޖެހިދާނެ ކަމަށް ހަބީބު ވިދާޅުވުމުން މެމްބަރު ޔައުޤޫބް ވަނީ އެއީ ކޮން އިންތިހާބެއްތޯ ސުވާލު އުފައްދަވާފައެވެ.
އެކަމާއި ގުޅިގެން ހަބީބް ވިދާޅުވީ ނޫސްތަކުން ފެންނަ ޚަބަރުތަކަށް ބަލާއިރު، ނިޒާމީ ވޯޓެއްގެ ވާހަކަ ވަރަށް ގިނައިން އޮންނަކަމަށެވެ.
ނަމަވެސް ހަބީބްގެ ވާހަކަތަކާއި ގުޅިގެން ނުރުހުން ފާޅުކުރަށްވަމުން މެމްބަރު ޔައުގޫބް ވިދާޅުވީ، ވެރިކަމުގެ ނިޒާމް ބަދަލުކުރުމާއި ގުޅޭ ވޯޓެއްގެ މަސައްކަތްކުރުމަށް ދައުލަތުގެ އެއްވެސް އިދާރާއަކުން ނިންމާފައި ނުވާކަމަށެވެ. އަދި ބަޔަކު ދައްކާހާ ވާހަކައަކަށް ތައްޔާރު ވެގެން މުއައްސަސާތަކުން އެ ކަންކަމަށް ބަޖެޓް ކޮށްގެން ތިބެން ނުޖެހޭނެކަމަށްވެސް ޔައުޤޫބް ވިދާޅުވިއެވެ.
ރާއްޖޭގެ ވެރިކަމުގެ ނިޒާމު ބަދަލުކުރުމަށް އެމްޑީޕީގެ ރައީސް މުހައްމަދު ނަޝީދު އިސްކޮށް ހުންނަވައިގެން ގިނަ މަސައްކަތްތަކެއް ދަނީ ކުރައްވަމުންނެވެ. ނަމަވެސް އެކަމަށް ސިޔާސީ ލީޑަރުންވެސް ރައްޔިތުންގެ ތެރެއިންވެސް މާބޮޑު އެއްބާރުލުމެއް ލިބިވަޑައިގަންނަވާ ތަނެއް ނުފެނެއެވެ. ނަމަވެސް ދާދިފަހުން ރައީސް ނަޝީދު ވަނީ ނިޒާމީ ވޯޓާ ބެހޭގޮތުން ރައީސުލްޖުމްހޫރިއްޔާއާއި އަދި ރާއްޖޭގެ ސިޔާސީ ޕާޓީތަކާވެސް ކޮންމެވެސް ސިފައެއްގައި މަޝްވަރާ ކުރަށްވާފައެވެ. އަދި މި މަޝްވަރާތަކަށްފަހު ރައީސް ނަޝީދު ވަނީ ސިޔާސީ ޕާޓީތަކުން ނިޒާމީ ވޯޓަށް ތާއީދު ކުރާކަމަށް ވިދާޅުވެފައެވެ. އަދި 2023 ގައި ނިޒާމީ ވޯޓު އޮންނާނެ ކަމަށް ވެސް ރައީސް ނަޝީދު ވަނީ ވިދާޅުވެއެވެ.
ނަމަވެސް ރައީސް ނަޝީދުގެ މިވާހަކަފުޅުތަކަށް އަދާލަތު ޕާޓީގެ ރައީސް، ހޯމް މިނިސްޓަރ އިމްރާން ޢަބްދުﷲ ފިޔަވައި އެހެން ހުރިހާ ސިޔާސީ ލީޑަރުންވަނީ ދެކޮޅު ހައްދަވާފައެވެ.
ހަބީބް ވިދާޅުވީ އިންްތިހާބުތަކާ ގުޅޭ ގޮތުން މީހުން ހޭލުންތެރިކުރަން ހޭދަކުރާނެ އެއްވެސް ފައިސާއެއް އަންނަ އަހަރުގެ ބަޖެޓްގައި ނެތް ކަމަށެވެ. ނަމަވެސް 2023 ގެ ރިޔާސީ އިންތިހާބުގެ ކުރިން އިތުރު އިންތިހާބެއް އަތުވެދާނެކަމަށް އޭނާ ވިދާޅުވިއެވެ.
ރިޔާސީ އިންތިހާބުގެ ކުރިން އިންތިހާބެއް ބާއްވަން ޖެހިދާނެ ކަމަށް ހަބީބު ވިދާޅުވުމުން މެމްބަރު ޔައުޤޫބް ވަނީ އެއީ ކޮން އިންތިހާބެއްތޯ ސުވާލު އުފައްދަވާފައެވެ.
އެކަމާއި ގުޅިގެން ހަބީބް ވިދާޅުވީ ނޫސްތަކުން ފެންނަ ޚަބަރުތަކަށް ބަލާއިރު، ނިޒާމީ ވޯޓެއްގެ ވާހަކަ ވަރަށް ގިނައިން އޮންނަކަމަށެވެ.
ނަމަވެސް ހަބީބްގެ ވާހަކަތަކާއި ގުޅިގެން ނުރުހުން ފާޅުކުރަށްވަމުން މެމްބަރު ޔައުގޫބް ވިދާޅުވީ، ވެރިކަމުގެ ނިޒާމް ބަދަލުކުރުމާއި ގުޅޭ ވޯޓެއްގެ މަސައްކަތްކުރުމަށް ދައުލަތުގެ އެއްވެސް އިދާރާއަކުން ނިންމާފައި ނުވާކަމަށެވެ. އަދި ބަޔަކު ދައްކާހާ ވާހަކައަކަށް ތައްޔާރު ވެގެން މުއައްސަސާތަކުން އެ ކަންކަމަށް ބަޖެޓް ކޮށްގެން ތިބެން ނުޖެހޭނެކަމަށްވެސް ޔައުޤޫބް ވިދާޅުވިއެވެ.
ނަމަވެސް ރައީސް ނަޝީދުގެ މިވާހަކަފުޅުތަކަށް އަދާލަތު ޕާޓީގެ ރައީސް، ހޯމް މިނިސްޓަރ އިމްރާން ޢަބްދުﷲ ފިޔަވައި އެހެން ހުރިހާ ސިޔާސީ ލީޑަރުންވަނީ ދެކޮޅު ހައްދަވާފައެވެ.
ކިޔުންތެރިންގެ ހިޔާލު